<p><span style="color: #000000;"><strong>(អ៉ីស្រាអែល)៖</strong> នាយករដ្ឋមន្រ្តីអ៉ីស្រាអ៊ែលលោក Benjamin Netanyahu រំពឹងថា រុស្ស៊ីនឹងចូលរួមជួយក្នុងការប្រយុទ្ធប្រឆាំង នឹងមហន្តរាយភ្លើងឆេះព្រៃ ដែលកំពុងតែរីករាលដាលយ៉ាងខ្លាំង ចាប់តាំងពីដើមសប្តាហ៍នេះមក នៅពាសពេញផ្ទៃប្រទេសអ៉ីស្រាអែល។ នេះបើតាមការចេញផ្សាយដោយសារព័ត៌មានរុស្ស៊ី Sputnik នៅមុននេះបន្តិច នារសៀលថ្ងៃព្រហស្បតិ៍ ទី២៤ ខែវិច្ឆិកា ឆ្នាំ២០១៦។</span></p>
<p><span style="color: #000000;">ខណៈអង្គភាពពន្លត់អគ្គិភ័យ ប្រចាំអ៉ីស្រាអែល កំពុងតែជួបប្រទះនឹងភាពលំបាក ក្នុងការទប់ទល់នឹងភ្លើងឆេះព្រៃដ៏សន្ធោសន្ធៅ នៅភាគកណ្តាល និងខាងជើងប្រទេស លោកនាយករដ្ឋមន្រ្តី Benjamin Netanyahu បានប្រកាសស្នើទៅកាន់ប្រជាជាតិដទៃៗទៀត រួមមានប្រទេសក្រិក ក្រូអាស៊ី និងរុស្ស៊ី</span><br /><span style="color: #000000;">ឲ្យបញ្ជូនយន្តហោះពន្លត់អគ្គិភ័យ ដើម្បីជួយបង្រ្កាបភ្លើងឆេះព្រៃ ដែលបានបន្តអស់រយៈពេលបីថ្ងៃមកហើយនេះ ខណៈប្រទេសក្រិក និងក្រូអាស៊ី បានឆ្លើយតបភ្លាមៗថានឹងជួយ។ លោក Netanyahu ក៏កំពុងរំពឹងផងដែរថា ប្រទេសរុស្ស៊ីនឹងបញ្ជូនជំនួយមកដូចគ្នា។</span></p>
<p><span style="color: #000000;">គួរបញ្ជាក់ថា ដោយសារតែការខ្សត់ភ្លៀង និងខ្យល់ស្ងួតបានបណ្តាលឲ្យភ្លើងឆេះព្រៃ រីករាលដាលពាសពេញភាគកណ្តាល និងភាគខាងជើងប្រទេសអ៉ីស្រាអែល ហើយលំនៅឋានរបស់ប្រជាជនជាច្រើនខ្នង បានទទួលរងការខូចខាត និងបំផ្លិចបំផ្លាញទាំងស្រុង ប៉ុន្តែជាសំណាងល្អគ្មានសេចក្តីរាយការណ៍ថា មានមនុស្សស្លាប់ និងរងរបួសនោះឡើយ៕</span></p>
<p><span style="color: #000000;"><br /><span style="color: #0000ff;"><a href="/News/Detail/26681/israel-fires-tens-of-thousands-flee-as-fires-hit-haifa" target="_blank"><span style="color: #0000ff;">- មេដឹកនាំ ២ប្រទេស ផ្ទុះសង្គ្រាមពាក្យសម្តី ព្រោះតែទីក្រុងចាប់ផ្តើមឆេះ ដោយសារការរាលដាលអំណាចភ្លើងឆេះព្រៃ</span></a></span></span></p>
<p><span style="color: #000000;"><a class="thickbox" title="" href="/FileManager/Commons/2016/11/25/40f-25-11-2016--10-43-02.jpg"><img src="/FileManager/Articles/mce/2016/11/25/40f-25-11-2016--10-43-02.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>