<p><span style="color: #000000;"><strong>(ភ្នំពេញ)៖</strong> ការប្រកួតកីឡាអុកចត្រង្គ ដើម្បីចម្រាញ់រកជើងខ្លាំង ៨នាក់ ឡើងទៅប្រកួតជុំផ្ដាច់ព្រ័ត្រ អបអរព្រឹត្តិការណ៍អង្គរសង្ក្រាន្ដ ឆ្នាំ២០១៦ បានចាប់ផ្ដើមហើយនៅថ្ងៃទី០៥ ខែមេសានេះ ដោយមានបេក្ខជនចូលរួមសរុប ១២៨នាក់ ប៉ុន្ដែឆ្លងកាត់ប្រកួតជម្រុះជុំទី១ កាលពីព្រឹកមិញមានបេក្ខជន ៦៤នាក់ហើយ បានឡើងទៅវគ្គបន្ដ ដែលក្នុងនោះក៏មានអតីតកីឡាករជើងខ្លាំង៣រូបផងដែរ ។</span></p>
<p><span style="color: #000000;">លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) បានមានប្រសាសន៍ថា ការប្រកួត គឺអនុវត្តន៍តាមច្បាប់កីឡាអុកចត្រង្គត្រឹមត្រូវ និងប្រើប្រាស់រូបមន្ដប្រកួតចាញ់ធ្លាក់ ដូច្នេះកីឡាករចាញ់រាល់ការប្រកួត នឹងត្រូវជម្រុះចេញរហូតរកឃើញជើងខ្លាំង៨នាក់ចុងក្រោយ សម្រាប់ប្រកួតជុំផ្ដាច់ព្រ័ត្រ ក្នុងព្រឹត្តិការណ៍អង្គរសង្រ្កាន្ត ក្នុងឱកាសបុណ្យចូលឆ្នាំខ្មែរ ប្រពៃណីជាតិនាពេលខាងមុខ ។</span></p>
<p><span style="color: #000000;">ជាលទ្ធផលការប្រកួតមួយព្រឹកពេញ គណៈកម្មការបានរកឃើញបេក្ខជន ៦៤នាក់ ដែលឆ្លងផុតវគ្គជម្រុះទី១ និងត្រូវបន្ដប្រកួតជុំទី២ នាល្ងាចនេះ ។ ប៉ុន្ដែអ្វីដែលគួរឲ្យកត់សម្គាល់ គឺអតីតកីឡាករជើងខ្លាំង ៣រូប បានជាប់ជាបេក្ខជនក្នុងចំណោម៦៤នាក់ ដែលត្រូវឡើងវគ្គបន្ដ ក្នុងនោះមានកីឡាករ ឈាវ បូរ៉ា អតីតស្ដេចអុក២ឆ្នាំជាប់គ្នា នៅក្នុងឆ្នាំ២០១៤ និងឆ្នាំ២០១៥ បានយកឈ្នះកីឡាករ ហ៊ឹម វាសនា, កីឡាករ ឆយ វីរ៉ា អតីតសេ្ដចអុក ឆ្នាំ២០១០ បានយកឈ្នះកីឡាករ សំរិទ្ធ សៀ និងកីឡាករ គ្រួច ចន្ថារិទ្ធ អតីតស្ដេចអុករង ឆ្នាំ២០១៤ យកឈ្នះកីឡាករ សេង សោត ។</span></p>
<p><span style="color: #000000;">ប៉ុន្ដែនេះគ្រាន់តែជាលទ្ធផលបណ្ដោះអាសន្នប៉ុណ្ណោះ ខណៈការប្រកួតជម្រុះ នឹងធ្វើឡើងរយៈពេល៤ថ្ងៃ ចាប់ពីថ្ងៃទី០៥-០៨ ខែមេសា ឆ្នាំ២០១៦ នេះ ដើម្បីជម្រុះបេក្ខជន ១២០នាក់ចោល ទុកតែ៨រូបប៉ុណ្ណោះ ដើម្បីឡើងប្រកួតជុំផ្ដាច់ព្រ័ត្រ ក្នុងព្រឹត្តិការណ៍អង្គរសង្ក្រាន្ដ ដែលរៀបចំនៅតំបន់អង្គរ ខេត្តសៀមរាប ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12932943_1714790698760448_6409556879502544220_n.jpg?oh=7a7c0923c6810871cc5e0328ae3f6d0e&oe=57BFA9A1" alt="" width="730" /></span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-xlp1/v/t1.0-9/12932647_1714790695427115_5572707976853488538_n.jpg?oh=95535471aea5e53e77964becff68bb39&oe=57765A35&__gda__=1467938592_de8e4b3577790e4164fbdd8519d9726f" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>