<div class="article-content">
<p><strong>ភ្នំពេញ ៖</strong> មន្ដ្រីនគរបាលម្នាក់ ដែលគេ មិនស្គាល់ឈ្មោះ និងមិនទាន់ដឹងថា បម្រើ ការងារនៅ<br />អង្គភាពណានោះ បានមកគំរាម និងទាមទារឱ្យអ្នក កាសែត លុបចោលរូប ថត ដែលថតពីទិដ្ឋ<br />ភាពគ្រោះថ្នាក់ចរាចរ រថយន្ដ៣គ្រឿងបុកបន្ដកន្ទុយគ្នា ក្នុងនោះ មានទាំងរថយន្ដឆ្លាម របស់មន្ដ្រី<br />នគរបាល រូបនេះ ហើយរូបគេបានគំរាមប្ដឹង ប្រសិនបើ អ្នកកាសែត មិនលុបរូបនៅក្នុងកាមេរ៉ា<br />នោះចោល ដោយអះអាងថា មិនបានសុំការអនុញ្ញាត ហេតុអ្វីក៏មក ថតរូបរបស់គេយ៉ាងដូច្នេះ។</p>
<p>ការគំរាមបោកកាមេរ៉ាចោល ពីសំណាក់ មន្ដ្រីនគរបាលខាងលើ បានកើតឡើងកាល ពីវេលា<br />ម៉ោងប្រមាណ១និង៥០នាទីរសៀល ថ្ងៃទី១០ ខែឧសភា ឆ្នាំ២០១៣នេះ ស្ថិតនៅ មុខក្រសួង<br />សង្គមកិច្ច អតីតយុទ្ធជន និងយុវ នីតិសម្បទា លើកំណាត់ផ្លូវព្រះមុនីវង្ស ក្នុង សង្កាត់បឹងត្របែក<br /> ខណ្ឌចំការមន ស្ថិតក្នុង គ្រោះថ្នាក់ចរាចរមួយ ដែលរថយន្ដ៣គ្រឿង បានបុកបន្ដកន្ទុយគ្នា ធ្វើឱ្យ<br />កកស្ទះចរាចរណ៍ អស់រយៈពេលជាងមួយម៉ោង ក្រោមដំណក់ ទឹកភ្លៀង ទំរាំកម្លាំងសមត្ថកិច្ច<br />មូលដ្ឋាននិង នគរបាលចរាចរណ៍ជើងគោក ចុះទៅធ្វើការ វាស់វែង និងជួយអន្ដរាគមន៍នៅកន្លែង<br />កើត ហេតុនោះ ។</p>
<p>យោងតាមសេចក្ដីរាយការណ៍ពីកន្លែង កើតហេតុ បានឱ្យដឹងថា នៅវេលាម៉ោង១ និង៥០នាទី <br />មានរថយន្ដម៉ាកប៉ាសេរ៉ូមួយ គ្រឿង មិនចាំស្លាកលេខ បានធ្វើដំណើរតាម បណ្ដោយផ្លូវព្រះមុនី<br />វង្ស ក្នុងទិសដៅពីជើង ទៅត្បូង លុះដល់ចំណុចកើតហេតុ មុខក្រសួង សង្គមកិច្ច ស្រាប់តែបត់<br />ឆ្វេង ពេលនោះ រថយន្ដរបស់មន្ដ្រីនគរបាលរូបនេះ ម៉ាកកាមរី ឆ្លាម ពណ៌ត្រីឆ្លូញ ពាក់ស្លាក<br />លេខ ភ្នំពេញ 2O-7632 កំពុងធ្វើដំណើរពីក្រោយក៏ចាប់ ហ្វ្រាំង ហើយពេលចាប់ហ្វ្រាំងនោះ <br />មាន រថយន្ដកូរ៉េមួយគ្រឿង ដឹកធុងទឹកកកបា្លស្សេ ប្រហែល ចាប់ហ្វ្រាំងមិនទាន់ ក៏ជ្រុលទៅបុក <br />គូទរថយន្ដឆ្លាម ។ បន្ទាប់មករថយន្ដឆ្លាមក៏ ជ្រុលទៅបុកគូទរថយន្ដប៉ាសេរ៉ូ ប៉ុន្ដែដោយ មិនចង់<br />សួរនាំវែងឆ្ងាយ ម្ចាស់រថយន្ដប៉ាសេរ៉ូក៏បានធ្វើដំណើរបាត់ទៅនៅសល់តែរថយន្ដ កាមរីឆ្លាម និង<br />រថយន្ដកូរ៉េ នៅកន្លែងកើត ហេតុ ដើម្បីដោះស្រាយគ្នាបន្ដទៀត ក្រោម ដំណក់ទឹកភ្លៀង ។</p>
<p>ក្រោយពីទទួលព័ត៌មានភ្លាមៗ អ្នកយកព័ត៌មានក្នុងស្រុកមួយចំនួន ក្នុងនោះក៏មាន អ្នកយកព័ត៌<br />មានដើមអម្ពិលម្នាក់ផងដែរបាន ចុះទៅផ្ដិតយករូបភាព និងសួរព័ត៌មាន ប៉ុន្ដែ ពេលកំពុងថតរូប<br />ភាព យកទិដ្ឋភាពគ្រោះ ថ្នាក់ចរាចរនោះ ស្រាប់តែមន្ដ្រីនគរបាលជា ម្ចាស់រថយន្ដកាមរីឆ្លាមបាន<br />ស្ទុះទៅ ហើយទាមទារឱ្យលុបរូបថតនៅក្នុងកាមេរ៉ានេះ ចោលទាំងអស់ បើមិនដូច្នេះទេ រូបគេ<br />នឹង យកកាមេរ៉ានេះ បោកចោលតែម្ដង។</p>
<p>នៅចំពោះមុខអ្នកយកព័ត៌មាន មន្ដ្រីនគរបាល ដែលគេមិនទាន់បានស្គាល់ឈ្មោះនិង ស្គាល់អត្ដ<br />សញ្ញាណខាងលើនេះ បានគំរាមថា តើនរណាអនុញ្ញាតឱ្យថត ហើយគ្មានសិទ្ធិថត នោះទេ ប្រ<br />យ័ត្នរូបគេប្ដឹងចំពោះការថតនេះ។</p>
<p>យ៉ាងណាក៏ដោយ ដោយមិនចង់សន្សំ រឿងវែងឆ្ងាយតទៅទៀត ជាមួយមន្ដ្រីនគរ បាលរូបនេះ<br /> អ្នកកាសែត ក៏បានជិះម៉ូតូចេញ ពីកន្លែងកើតហេតុ ដោយទុកឱ្យសមត្ថកិច្ច ជាអ្នកទៅដោះស្រាយ<br />បន្ដទៀត ក្រោយពីការកកស្ទះចរាចររយៈពេលជាង១ម៉ោង ដោយសារតែគ្រោះថ្នាក់ចរាចរនេះ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-150.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-151.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-152.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>