<p><span style="color: #000000;"><strong>ភ្នំពេញ ៖</strong> ដោយសារតែការចុះសិក្សា លើការដាក់ឲ្យដំណើរការចរាចរណ៍ ឯកទិសលើផ្លូវ សុធារស ក្នុង រយៈពេល ប៉ុន្មានថ្ងៃមកនេះ មានការកក ស្ទះចរាចរណ៍ខ្លាំង លើផ្លូវព្រះនរោត្តម នោះ នៅពេលនេះ ការិយាល័យ ចរាចរណ៍ នៃស្នងការដ្ឋាន នគរបាល រាជធានីភ្នំពេញ បានដាក់ សំណើទៅកាន់ អភិបាលរាជធានីភ្នំពេញ ដើម្បីសុំឲ្យធ្វើ ដំណើរចូលពី តាមភ្លើង ស្តុបជលផល ឆ្ពោះទៅកាន់ កែងផ្លូវស្ថានទូតរុស្ស៊ីវិញ ។</span></p>
<p><span style="color: #000000;">លោក ចេវ ហាក់ នាយការិយាល័យ ចរាចរណ៍ផ្លូវគោក បានថ្លែងឲ្យដឹងថា ឆ្លងតាមការចុះសិក្សា រយៈពេល ៣-៤ថ្ងៃនេះ ឃើញថា ការដាក់ឲ្យធ្វើ ចរាចរណ៍ពី កែងផ្លូវស្ថានទូតរុស្សី មកស្តុបជលផលនោះ នាំឲ្យមានការកកស្ទះ យ៉ាងខ្លាំងលើ ផ្លូវព្រះនរោត្តមយ៉ាងខ្លាំង ត្រង់ចំណុច មុខក្រសួងមហាផ្ទៃ រហូតដល់ វិមានឯករាជ្យ ។</span></p>
<p><span style="color: #000000;">លោក ចេវ ហាក់ បានបន្តទៀតថា ដោយមើលឃើញស្ថានភាពបែបនេះ ទើបលោកបាន ដាក់សំណើទៅកាន់ សាលារាជធានីភ្នំពេញ ដើម្បីសុំការសម្រេច ដាក់ឲ្យ ចរាចរណ៍ ពីស្តុបជលផលឆ្ពោះ ទៅផ្លូវកែង ស្ថានទូតរុស្ស៊ីវិញ តែយ៉ាងណានោះ គឺរង់ចាំការ សម្រេចជាផ្លូវការ របស់អភិបាល រាជធានីភ្នំពេញ នៅសប្តាហ៍ក្រោយ។</span></p>
<p><span style="color: #000000;">នាយការិយាល័យ ចរាចរណ៍ លោក ចេវ ហាក់ បានសុំការយោគយល់ ដល់ប្រជាពលរដ្ឋ ដែលរស់នៅ និងរកស៊ីនៅ តាមដងផ្លូវ សុធារស ក្នុងដំណាក់កាល នៃការធ្វើចរាចរណ៍ឯកទិស ដោយត្រូវធ្វើការ ពង្រីកទ្រូងផ្លូវ ចំនួន ៤ម៉ែត្រទៀត ហើយក្រោយការបញ្ចប់ ពង្រីកទ្រូងផ្លូវនោះ អាចនឹងមានការ សម្រេចសារជាថ្មី ថាតើអាចធ្វើ ដំណើរចរាចរណ៍ ជាឯកទិស ឫ២ទិស ?</span></p>
<p><span style="color: #000000;">សូមបញ្ជាក់ថា សាលារាជធានីភ្នំពេញ បានសម្រេចដាក់ឲ្យ ចរាចរណ៍ ឯកទិសលើផ្លូវសុធារស ពីកែងផ្លូវ ស្ថានទូតរុស្ស៊ី មកស្តុបជលផល ក្នុងគោលបំណង ជួយកាត់បន្ថយការកក ស្ទះចរាចរណ៍ លើផ្លូវមួយនេះ ជាពិសេសនៅពេលល្ងាចតែម្តង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/7/3-7-2015-9-30-44-am-07-03-2015--09-36-52.png"><img src="/FileManager/Articles/mce/2015/3/7/3-7-2015-9-30-44-am-07-03-2015--09-36-52.png" alt="" /></a></span></p>
<p><a class="thickbox" title="" href="/FileManager/Commons/2015/3/7/3-7-2015-9-30-55-am-07-03-2015--09-37-04.png"><img src="/FileManager/Articles/mce/2015/3/7/3-7-2015-9-30-55-am-07-03-2015--09-37-04.png" alt="" /></a></p>
<p><a class="thickbox" title="" href="/FileManager/Commons/2015/3/7/3-7-2015-9-31-10-am-07-03-2015--09-37-15.png"><img src="/FileManager/Articles/mce/2015/3/7/3-7-2015-9-31-10-am-07-03-2015--09-37-15.png" alt="" /></a></p>
<p><a class="thickbox" title="" href="/FileManager/Commons/2015/3/7/3-7-2015-9-31-24-am-07-03-2015--09-37-26.png"><img src="/FileManager/Articles/mce/2015/3/7/3-7-2015-9-31-24-am-07-03-2015--09-37-26.png" alt="" /></a></p>
<p><a class="thickbox" title="" href="/FileManager/Commons/2015/3/7/3-7-2015-9-31-37-am-07-03-2015--09-37-37.png"><img src="/FileManager/Articles/mce/2015/3/7/3-7-2015-9-31-37-am-07-03-2015--09-37-37.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>