<p><span style="color: #000000;"><strong>(ស៊ីរី)៖</strong> ក្រុមអង្គការឃ្លាំមើលសិទ្ធិមនុស្សស៊ីរី បានឱ្យដឹងថា យ៉ាងហោចណាស់មនុស្ស ១២នាក់ បានស្លាប់បាត់បង់ជីវិត និង រថយន្ដកាមីញ៉ុង ១៨គ្រឿង ក្នុងចំណោមរថយន្ដ ៣១គ្រឿង ត្រូវបានបំផ្លាញ នៅក្នុងការវាយប្រហារ តាមផ្លូវអាកាសមកលើក្បួន រថយន្ដដឹកជំនួយមនុស្សធម៌ របស់អង្គការសហប្រជាជាតិ សម្រាប់ប្រជាជនស៊ីរី ក្នុងទីក្រុងអាឡេប៉ូ ជាង ៧៨,០០០ នាក់។ នេះបើតាម ការចេញផ្សាយដោយ CNN នៅព្រឹកថ្ងៃអង្គារ ទី២០ ខែកញ្ញា ឆ្នាំ២០១៦។</span></p>
<p><span style="color: #000000;">ប្រភពដដែលបញ្ជាក់ទៀតថា គិតជាសរុបនៅថ្ងៃចន្ទម្សិលមិញ មានជនស៊ីវិល ៣២នាក់ត្រូវបានសម្លាប់ នៅក្នុងការវាយប្រយុទ្ធជាច្រើនលើក នៅក្នុងទីក្រុងអាឡេប៉ូ តែប៉ុន្មានម៉ោងប៉ុណ្ណោះ នៅបន្ទាប់ពី របបដឹកនំាទីក្រុងដាម៉ាស់ បានប្រកាសបញ្ចប់បទឈប់បាញ់ ដែលបានចូលជាធរមានកាលពីថ្ងៃទី១២ ខែកញ្ញា។ រដ្ឋាភិបាលស៊ីរីចោទប្រកាន់ថា ក្រុមភេរវករ និងក្រុមឧទ្ទាមប្រឆាំងនឹងរដ្ឋាភិបាល បានកេងចំណេញពីបទឈប់បាញ់នេះ ដើម្បីធ្វើការវាយប្រហារមកលើកងកម្លាំងរដ្ឋាភិបាល ក៏ដូចជាបានរំលោភលើបទឈប់បាញ់ជាង ៣០០លើកក្នុងមួយសប្ដាហ៍។</span></p>
<p><span style="color: #000000;">ទាក់ទិននឹងបញ្ហានេះដែរ ប្រមុខការទូតសហរដ្ឋអាមេរិក លោក John Kerry លើកឡើងថា<strong> «យើងចង់ឃើញណាស់ថាតើរុស្ស៊ីនឹងនិយាយអ្វី ប៉ុន្តែអ្វីដែលសំខាន់នោះគឺរុស្ស៊ី គួរតែគ្រប់គ្រង របបដឹកនំា របស់ លោក អាស្សាដ ដែលតែងតែធ្វើការវាយប្រហារ តាមផ្លូវអាកាសដោយមិនរើសមុខ ក្នុងនោះរួមមានទំាងក្បួនរថយន្ដ ដឹកជំនួយមនុស្សធម៌ផងដែរ»</strong>។ ដូច្នេះយើងនឹងរង់ចាំមើលការប្រមូល អង្គហេតុទំាងឡាយ ខណៈនៅពេលនេះយើងពុំទាន់ប្រមូល បានភស្ដុតាងគ្រប់គ្រាន់នៅឡើយទេ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/20/15d-20-09-2016--14-46-40.jpg"><img src="/FileManager/Articles/mce/2016/9/20/15d-20-09-2016--14-46-40.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ ស៊ីអិនអិន </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>