<p><span style="color: #000000;"><strong>(ភ្នំពេញ)៖</strong> លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន បានបញ្ជាក់ប្រាប់ Fresh News អោយដឹងថា សាលារាជធានីភ្នំពេញ នឹងស្ថាបនាពង្រីកកំណាត់ផ្លូវជាតិលេខ៤ ពីរង្វង់មូលចោមចៅ ដល់ផ្លូវកប់ស្រូវ ចំនួន៦គន្លង អាចឲ្យរថយន្ត៣ខ្សែរត់ទៅ និង៣ខ្សែរត់មក រួមទាំងមានដំឡើងបង្គោលភ្លើងបំភ្លឺផ្លូវផងដែរ។</span></p>
<p><span style="color: #000000;">លោក សាំ ពិសិដ្ឋ បានបញ្ជាក់យ៉ាងដូច្នេះថា <strong>«ក្នុងផែនការរៀបចំលំហូរចរាចរណ៍ឲ្យបានល្អប្រសើរនៅផ្លូវជាតិលេខ៤ ក្នុងភូមិសាស្ត្ររាជធានីភ្នំពេញ នៅក្នុងឆ្នាំ២០១៦នេះ សាលារាជធានីភ្នំពេញ នឹងស្ថាបនាពង្រីកកំណាត់ផ្លូវជាតិលេខ៤ ចាប់ពីរង្វង់មូលចោមចៅដល់ផ្លូវកប់ស្រូវ ដែលគម្រោងនឹងស្ថាបនាផ្លូវសម្រាប់៣ខ្សែរថយន្តទៅ ៣ខ្សែរថយន្តមក និងផ្លូវសម្រាប់ទោចក្រយានយន្ត ១ខ្សែទៅ១ខ្សែមកសងខាង ព្រមទាំងដាក់លូប្រអប់ និងលូចំហសងខាង និងដំឡើងបង្គោលភ្លើងបំភ្លឺផ្លូវព្រែកជាពីរ»</strong>។</span></p>
<p><span style="color: #000000;">លោកប្រធានមន្ទីរបានបញ្ជាក់ទៀតថា <strong>«ជាមួយគ្នានេះ ដើម្បីសម្រួលសុវត្ថិភាពធ្វើដំណើឆ្លងកាត់ផ្លូវដល់សិស្សានុសិស្ស នៃសាលាបឋមសិក្សានិងវិទ្យាល័យ ហ៊ុន សែន ជម្ពូវ័ន្ត និងដល់ប្រជាពលរដ្ឋសងខាងផ្លូវ សាលារាជធានីភ្នំពេញ នឹងស្ថាបនាស្ពានអាកាសថ្មើរជើងឆ្លងកាត់ពីលើផងដែរ»</strong>៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12805934_1563569147290784_7555251159350016895_n.jpg?oh=2e4726abd41058b67c2612f5f6c33d12&oe=574F2B16" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpl1/v/t1.0-9/12801440_1563569210624111_3715338793432922456_n.jpg?oh=55d8d44b88bf5aea29e202b585a1a6e8&oe=5758C2DC" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12804628_1563569223957443_8362683542712594275_n.jpg?oh=49cd38a7141c4b8afa3de9e1ea081a66&oe=576C7296" alt="" width="730" /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/2/29/30-29-02-2016--09-48-57.jpg"><img src="/FileManager/Articles/mce/2016/2/29/30-29-02-2016--09-48-57.jpg" alt="" /></a><br /></span></p>
<p style="text-align: center;"> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>