<p><strong>ព័ត៌មានអន្តរជាតិ ៖</strong> ក្រុមភ្នាក់ងារសង្គ្រោះបន្ទាន់ពន្លត់អគ្គីភ័យច្រើនជាង ១០០ នាក់ និងរថ<br />យន្តពន្លត់អគ្គីភ័យ ៣៥ គ្រឿង បានចេញប្រតិបត្តិការណ៍របស់ខ្លួនមួយរំពេច បន្ទាប់ពីមាន<br />គ្រោះអគ្គីភ័យយ៉ាងសន្ធោសន្ធៅមួយបានកើតឡើង អំឡុងពេលនៃការផ្ទុះឆេះរោងចក្រកែច្នៃ<br />បា្លស្ទិចមួយកន្លែង នៅឯតំបន់ West Midlands ភាគខាងកើតក្រុង Birmingham ប្រទេស<br />អង់គ្លេស នេះបើតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស ស្កាយ<br />ដែលទើបតែបានចេញផ្សាយកាលពីប៉ុន្មានម៉ោងមុននេះ ។</p>
<p>លើសពីនេះទៅទៀត ប្រភពសារព័ត៌មានដដែល បានគូសបញ្ជាក់បន្ថែមអោយដឹងផងដែរ<br />ថា សម្ភារៈប្លាសិ្ទចកែច្នៃ ដែលមានទម្ងន់ដល់ទៅ ៥០,០០០ តោន ត្រូវបានឆាបឆេះខ្ទេច<br /> ក្នុងឧបទ្ទេវហេតុ ផ្ទុះឆេះរោងចក្រដ៏សន្ធោសន្ធៅមួយនេះ។</p>
<p><a class="thickbox" title="" href="/FileManager/Commons/2013/7/1/paperfire3-1-942x530-01-07-2013--10-46-02.jpg"><img src="/FileManager/Articles/mce/2013/7/1/paperfire3-1-942x530-01-07-2013--10-46-02.jpg" alt="" width="446" height="250" /></a><br /> ការផ្ទុះឆេះមួយនេះ ត្រូវបានគេមើលឃើញ ទូទាំងតំបន់ West Midlands</p>
<p>លើសពីនេះ បើយោងតាមសម្តីលោក Huw Jones ដែលត្រូវជាអ្នកជំនួយការផ្ទាល់របស់<br />ក្រុមវេជ្ជបណ្ឌិត អោយដឹងថា គាត់ក៏មានវត្តមាននៅទីនោះផងដែរ អំឡុងពេលនៃការកើត<br />មានការផ្ទុះឆេះរោងចក្រដ៏ធំមួយនេះ ស្របពេលដែលរថយន្តពន្លត់អគ្គីភ័យ ៣៥ គ្រឿង<br />បានទៅដល់កន្លែងកើតហេតុ ក្នុងការចេញយុទ្ធនាការរំលត់របស់ខ្លួន។</p>
<p>ដោយឡែក បើទោះជាមានការផ្ទុះឆេះយ៉ាងសន្ធោសន្ធៅយ៉ាងនេះក៏ដោយ ក្រុមប្រជាពល<br />រដ្ឋដែលរស់នៅតំបន់ក្បែរនោះ មិនទាន់មានគម្រោងភៀសខ្លួនចេញនៅឡើយនោះទេ ។<br />ទន្ទឹមនឹងនេះ បើតាមការអោយដឹងពី នាយកដ្ឋានពន្លត់អគ្គីភ័យ អោយដឹងថា អង្គភាព<br />មួយនេះ បានទទួលទូរស័ព្ទ ផ្តល់ជាព័ត៌មានថា មានករណីផ្ទុះឆេះរោងចក្រមួយនេះ ដល់<br />ទៅ ១៤៥ ដងឯណោះ ។ ដោយឡែក បើនិយាយពីមូលហេតុនៃការផ្ទុះឆេះរោងចក្រកែច្នៃ<br />ប្លាស្ទិចមួយនេះ មិនទាន់បានដឹងច្បាស់នៅឡើយទេ ស្របពេលដែលស្ថិតនៅក្រោមការ<br />តាមដានស៊ើបអង្កេតរបស់ក្រុមមន្រ្តីជំនាញនៅឡើយ៕</p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>