<div class="article-content">
<p><strong>ភ្នំពេញ៖</strong> គ្រោះថ្នាក់ ចរាចរណ៍មួយ បានបង្កឡើងដោយ រថយន្តហំាមើ បើកបុកម៉ូតូ ចំនួនពីរគ្រឿង បណ្តាលឲ្យមនុស្ស៤នាក់បានរងរបួសធ្ងន់ស្រាល កាលពីវេលាម៉ោង ២២និង២០នាទីយប់ ថ្ងៃទី៩ <br />ខែសីហា ឆ្នាំ២០១៣ នៅតាមបណ្តោយផ្លូវព្រះស៊ីសុវត្ថិ កែងផ្លូវលេខ៩០ ក្នុងសង្កាត់ស្រះចក ខណ្ឌ<br />ដូនពេញ ។</p>
<p>នគរបាលមូលដ្ឋាន បានឲ្យដឹងថា មុនពេលកើតហេតុ មានរថយន្តហំាមើ មួយគ្រឿង ពណ៌ខ្មៅ ពាក់<br />ស្លាកលេខ ភ្នំពេញ 2R-5407 បើកបរដោយបុរសម្នាក់ ក្នុងទិសដៅពីត្បូងទៅជើង ធ្វើដំណើរតាម<br />បណ្តោយផ្លូវព្រះស៊ីសុវត្ថិ ខណៈរថយន្តបត់ឆ្វេង បម្រុងចូលផ្លូវលេខ៩០ ក៏ជ្រុលបុកម៉ូតូសេ១២៥ <br />មួយគ្រឿង ពណ៌ខ្មៅ ពាក់ស្លាកលេខ កំពង់ធំ 1B-7462 ហើយបន្តបុកមួយគ្រឿងទៀត ម៉ាកសេ<br />១២៥ ដូចគ្នាពណ៌ខ្មៅ ពាក់ស្លាកលេខ កណ្តាល 1M-1061 ដែលបើកបរក្នុងទិសដៅពីជើងទៅត្បូង<br /> បញ្ច្រាសទិសគ្នា បណ្តាលឲ្យម្ចាស់ម៉ូតូទាំងពីរគ្រឿង ដែលមានគ្នាទាំងអស់ចំនួន៤នាក់ ។</p>
<p>នគរបាលខណ្ឌដូនពេញ មិនទាន់បញ្ជាក់ អត្តសញ្ញាណ ជនរងគ្រោះ និងអ្នកបើកបររថយន្ត បង្កក្នុង<br />ហេតុការណ៍ខាងលើនេះ នៅឡើយទេ ដោយសារជនរងគ្រោះ ត្រូវបញ្ជូនទៅសង្គ្រោះ នៅមន្ទីរពេទ្យ<br /> ចំណែកអ្នកបើកបរ រថយន្ត ត្រូវបានបញ្ជូន ទៅកាន់ការិយាល័យ ចរាចរណ៍ជើកគោក ដើម្បីភាគីទាំង<br />សងខាងចូលខ្លួនធ្ចើការដោះស្រាយគ្នា ជាក្រោយ ៕</p>
<p style="text-align: center;"><br /><object width="500" height="400" data="http://www.youtube.com/v/SyyhN03TTIU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/SyyhN03TTIU&rel=1" /></object></p>
<p style="text-align: center;"><img src="http://image.dap-news.com:81/dap-news/dap-video/ddddd.jpg" alt="Photo by LookingTODAY" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>