<p><strong>ភ្នំពេញ៖</strong> ខណៈកេរ្តិ៍ឈ្មោះ និងប្រជាប្រិយភាពកំពុងតែ កើនឡើងក្រឺតៗ តារាចម្រៀងសាច់ស <br />មកពីខេត្តកំពង់ស្ពឺ ប្រចាំផលិតកម្ម សាន់ដេ កញ្ញា ស្រីនាថ ហៅ អ៊ីវ៉ា ត្រូវរងពត៌មានជាច្រើនដូច<br />ព្យុះសូណាមិ មកលើនាងយ៉ាងសន្ធាប់ៗតែម្តង។ ជាក់ស្តែងកាលពីកន្លងទៅថ្មីៗនេះ តារាចម្រៀង<br /> អ៊ីវ៉ា ត្រូវបានបណ្តាញសារព័ត៌មាន ក្នុងស្រុកមួយចំនួនបានចុះផ្សាយ ថា មានបុរសថៅកែក្លឹប<br />កម្សាន្ត នៅក្នុងខេត្តសៀមរាបម្នាក់ តាមស្នេហ៍ និងត្រូវបានចាស់ទុំ ទាំងសងខាងដឹងឮផងដែរ ។</p>
<p>តែទោះជាយ៉ាងណា ព័ត៌មានទាំងនោះត្រូវបុប្ផាមកពីខេត្តកំពង់ស្ពឺ អ៊ីវ៉ា ទាត់ចោលដូចសីអ៊ីចឹង <br />ដោយនាងបានបដិសេធថា វាមិនមែនជារឿង ពិតប្រាកដនោះទេ ។ ថ្វីត្បិតតែព័ត៌មាន ទាំងអស់<br />នោះ ត្រូវបានស្រីស្រស់ អ៊ីវ៉ា ចេញមុខបកស្រាយក៏ដោយ ប៉ុន្តែមហាជន និងស្រទាប់យុវវ័យ នៅ<br />តែចង់ដឹងពីជីវិតឯកជន របស់នាងជាបន្តបន្ទាប់ថា ទៅថ្ងៃមុខការបកស្រាយរបស់នាង និងបណ្តាញ<br />សារព័ត៌មាន ដែលចុះផ្សាយនោះ មួយណាត្រូវមួយណាខុស ។</p>
<p>ដោយឡែកថ្មីៗនេះមហាជន និងស្រទាប់យុវវ័យបានចាប់អារម្មណ៍យ៉ាងខ្លាំង នៅពេលគេឮពាក្យ<br />សំដីឪពុក របស់តារាចម្រៀងប្រចាំផលិតកម្ម សាន់ដេ កញ្ញា អ៊ីវ៉ា បាននិយាយថា នាងបានភ្ជាប់<br />ពាក្យតាំងពីតូចមកម៉្លេះ។</p>
<p>ការឮពាក្យបែបនេះ បន្ទាប់ពីផលិតកម្មសាន់ដេ បានចេញលក់អាល់ប៊ុមថ្មីវ៉ុល១២៣ សម្រាប់បុណ្យ<br />ចូលឆ្នាំប្រពៃណីជាតិខ្មែរ ។ តាមរយៈការនិយាយថា កញ្ញា អ៊ីវ៉ា ភ្ជាប់ពាក្យតាំងពីតូចនោះ គឺគ្រាន់<br />តែជាការសម្តែង នៅក្នុងឈុតឆាកខារ៉ាអូខេ បទចម្រៀង ដែលទើបតែចេញលក់នាពេលថ្មីៗ នេះ<br />ប៉ុណ្ណោះ ។ ចំពោះបទចម្រៀងនោះ មានការច្រៀងឆ្លើយឆ្លងរវាងកញ្ញា អ៊ីវ៉ា និងលោក អ៊ីវាំង ជា<br />ឪពុករបស់នាង ដែលមានចំណងជើថា “ប៉ា !កូនចង់បានប្តី”។</p>
<p>នៅក្នុងបទចម្រៀង ខារ៉ាអូខេរបស់ផលិតកម្ម សាន់ដេ ដែលទើបតែចេញលក់នេះ មហាជនមើល<br />ឃើញថា មានការទាក់ទាញយ៉ាងខ្លាំង ព្រោះនៅក្នុងបទចម្រៀងនីមួយៗ សុទ្ធតែមានឈុតឆាក<br />កំប្លែង និងទេសភាពស្រស់ៗ ។ មិនតែប៉ុណ្ណោះ ចំពោះបទចម្រៀងរបស់កញ្ញា អ៊ីវ៉ា ដែលច្រៀង<br />ជាមួយឪពុកនាង លោកអ៊ីវាំងវិញ ក៏ទទួលបានការគាំទ្រ និងប្រជាប្រិយភាពមិនធម្មតាដែរ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-060.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-061.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-062.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>