<div class="article-content">
<p><strong>ភ្នំពេញ ៖</strong> កូនប្រុស របស់លោកឧកញ៉ា ដួង ងៀប អនុប្រធាននាយកដ្ឋាន អន្ដោ ប្រវេសន៍ក្រសួង<br />មហាផ្ទៃ ដែលត្រូវបាន កម្លាំងកងរាជអាវុធហត្ថ ធ្វើការឃាត់ខ្លួន ពីបទ បង្កហិង្សាទៅ លើអ្នកដទៃ<br /> ឥឡូវត្រូវ បានបញ្ជូនខ្លួនទៅ កាន់តុលាការដើម្បីធ្វើ ការសួរនាំ និងចោទប្រកាន់ហើយ ។ ដោយ<br /> ឡែកកូនប្រុសម្នាក់ទៀត រួមទាំងអង្គរក្ស ចំនួន ២នាក់ផងដែរ នោះ ក៏ត្រូវបានសមត្ថ កិច្ចស្វែងរក<br />ចាប់ខ្លួនផងដែរ ពាក់ព័ន្ធទៅនឹង បទល្មើសជាមួយ គ្នានេះ ។</p>
<p>នៅព្រឹកថ្ងៃទី១៧ ខែមេសា ឆ្នាំ២០១៣ កម្លាំងកងរាជអាវុធហត្ថរាជធានីភ្នំពេញ បានបញ្ជូនជន<br />សង្ស័យម្នាក់ឈ្មោះ ដួង គឹម ឡុង ភេទប្រុស អាយុ ១៧ឆ្នាំ ដែលគេ ស្គាល់ថា គឺជាកូនប្រុសរបស់<br />លោកឧកញ៉ាដួង ងៀប អនុប្រធាននាយកដ្ឋានអន្ដោ ប្រវេសន៍ក្រសួងមហាផ្ទៃ ទៅកាន់តុលាការ <br />ដើម្បីធ្វើការសួរនាំ និងចោទប្រកាន់ពីបទ ហិង្សាដោយចេតនាប្រើប្រាស់អាវុធ និង ចោទប្រកាន់<br />ពីបទ ប្រើប្រាស់អាវុធខុស ច្បាប់ ដែលប្រព្រឹត្ដឡើង កាលពីរាត្រីរំលង អាធ្រាត្រ ឈានចូលថ្ងៃទី<br />១៤ ខែមេសា ឆ្នាំ ២០១៣ កន្លងទៅនេះ ។ បច្ចុប្បន្នជន សង្ស័យ ខាងលើកំពុងស្ថិតនៅក្រោមការ<br />សួរនាំពី លោកព្រះរាជអាជ្ញារង ហៀងសុភក្ដ្រ នៅឡើយ ដោយគេនៅមិនទាន់ ដឹងថា លោកព្រះ<br />រាជអាជ្ញាសម្រេចធ្វើការ ចោទប្រកាន់យ៉ាងណានៅ ឡើយនោះទេ ។</p>
<p>ដោយឡែកកូនប្រុសរបស់លោកឧកញ៉ា ដួង ងៀប ម្នាក់ទៀត ដែលគេស្គាល់ឈ្មោះ ដួង ឆាយ<br /> ភេទប្រុស អាយុ ២០ឆ្នាំ រួមទាំង អង្គរក្សចំនួន ២នាក់ ទៀត កំពុងត្រូវបាន សមត្ថកិច្ច ស្វែងរក<br />ចាប់ខ្លួនដោយជាប់ចោទ ពាក់ព័ន្ធទៅនឹងករណីជាមួយគ្នានេះដែរ ដែលឈ្មោះ ដួង ឆាយ នេះ <br />កន្លងមកធ្លាប់ មានរឿងអាស្រូវបាញ់បោះសេរី បើករថយន្ដ ប្រណាំង រួមទាំងវាយតប់ទៅលើអ្នក<br />ដទៃ នៅក្នុងរាជធានីភ្នំពេញ ជាញឹកញាប់មក ហើយ តែមិនដែល សមត្ថកិច្ចណាធ្វើការ ចាប់ខ្លួន<br /> និងបញ្ជូនទៅកាត់ទោសតាមផ្លូវ ច្បាប់បានម្ដងណានោះឡើយ ដោយរាល់ ពេលបង្កហេតុហើយ<br /> ក្រុមគ្រួសារតែងតែ នាំគ្នារត់ការចាយលុយ ដើម្បីបិទសំណុំរឿង ក្រៅប្រព័ន្ធតុលាការជារៀង<br />រហូត ។សូមបញ្ជាក់ថា កាលពីវេលាម៉ោង ២ រំលងអាធ្រាត្រ ឈានចូលព្រឹកថ្ងៃទី១៤ ខែ មេសា<br /> ឆ្នាំ២០១៣នៅក្នុងហាងមួយដែល មានយីហោ ហ្គេឡាង ឡារ៉ង់ មានទីតាំងនៅ តាមបណ្ដោយផ្លូវ<br />លេខ៦៣ ក្នុងសង្កាត់បឹង កេងកងទី១ ខណ្ឌចំការមន មានកើតករណី ទំនាស់គ្នាមួយ រវាងភ្ញៀវ និង<br />ភ្ញៀវ ដែលផឹកស៊ីនៅក្នុងហាងខាងលើនេះ ដោយគេដឹងថា បង្កឡើងដោយក្រុមកូនប្រុស របស់<br />លោក ឧកញ៉ា ដួង ងៀប ឈ្មេះដួងឆាយ ជាបង និងឈ្មោះ ដួង គឹមឡុង ជាប្អូនរួមជាមួយនឹងអង្គ<br />រក្សបក្ខពួកមួយចំនួនទៀត។ចំណែកភាគីជនរងគ្រោះ ត្រូវបានគេស្គាល់ឈ្មោះ មុំ ឌីណា ភេទប្រុស<br /> អាយុ ២៨ឆ្នាំ ស្នាក់នៅផ្ទះលេខ ៦៧ ផ្លូវលេខ៤៧៤ សង្កាត់បឹង ត្របែក ខណ្ឌចំការមន រួមជាមួយ<br />មិត្ដភ័ក្ដិ មួយចំនួនទៀត ។</p>
<p>យោងតាមរបាយការណ៍ កងរាជអាវុធ ហត្ថ រាជធានីភ្នំពេញ បានបញ្ជាក់ថា នៅមុនពេលកើតហេតុ<br />ភាគីជនរងគ្រោះដែលមានគ្នា ៥-៦នាក់ បាននាំគ្នាចូលទៅផឹកស៊ីនៅក្នុងហាងខាងលើ ហើយភាគី<br />កូនប្រុសឧកញ៉ា ដួង ងៀប ដែលមានគ្នា ៥-៦ នាក់ រួមជាមួយអង្គរក្ស ២នាក់ផងនោះក៏អង្គុយ ផឹក<br />ស៊ីនៅតុក្បែរគ្នាផងដែរ ។ លុះដល់ម៉ោងកើតហេតុ ខណៈទេវតាឆ្នាំថ្មីចុះ ភាគីជនរងគ្រោះបាននាំ<br />គ្នាស្រែកអបអរសាទរកងរំពងឡើង រួមទាំង យកកាមេរ៉ាថតរូបគ្នាទៅវិញទៅ មកផងនោះ ដែល<br />សកម្មភាពខាងលើបាន ធ្វើឱ្យក្រុមកូនឧកញ៉ា ដួង ងៀប ចាត់ទុកថា ជាការរំខានដល់ការផឹកស៊ី<br />របស់ពួកគេ ហើយពេលនោះ ឈ្មោះដួង ឆាយ ក៏បាន ដកកាំភ្លើងខ្លីម៉ាក រ៉ូឡូ ស៊េរីទំនើបពីចង្កេះ <br />ដើរទៅវាយក្បាលជនរងគ្រោះបណ្ដាលឱ្យបែក ហូរឈាមជោក រួចហើយរូបគេក៏បាន វាយបំផ្លិច<br />បំផ្លាញ ទ្រព្យសម្បត្ដិនៅក្នុង ហាងអស់ជាច្រើន រួចហើយគំរាមកំហែង មិនឱ្យភាគីជនរងគ្រោះ និង<br /> ភាគីម្ចាស់ហាង អន្ដរាគមន៍សួរនាំអ្វីឡើយ ក្រោយមកទើប ពួកគេនាំគ្នាឡើងជិះរថយន្ដ ចេញបាត់<br />អស់ ទៅ ទើបគេឃើញសមត្ថកិច្ចទៅដល់ធ្វើការ សួរនាំ និងកសាងសំណុំរឿង ។</p>
<p>លុះនៅល្ងាចថ្ងៃទី១៤ ខែមេសាដដែល កម្លាំងកងរាជអាវុធហត្ថ រាជធានីភ្នំពេញ ក្រោមការដឹកនាំ<br />បញ្ជារបស់ព្រះរាជអាជ្ញា រង ហៀង សុភក្ដ្រ បានចុះ ទៅធ្វើការឡោម ព័ទ្ធ នៅក្នុងខុនដូមួយកន្លែង<br />ដែលមានទីតាំង នៅមុខសណ្ឋាគារកាំបូឌីយ៉ាណាដែល គេអះអាងថា ជាខុនដូរបស់លោក ឧកញ៉ា<br /> ដួង ងៀប ជួលទៅឱ្យជនបរទេសស្នាក់នៅ ហើយបានធ្វើការឃាត់ខ្លួនឈ្មោះ ដួង គឹម ឡុង ដែល<br />ជាប្អូនរបស់ដួងឆាយដោយដក ហូតបាន អាវុធ ខ្លីម៉ាក រ៉ូឡូ ១ ដើមពីឈ្មោះ ដួង គឹមឡុង នេះ និង<br />អាវុធម៉ាកអាកាស្វ័យ បត់១ដើមទៀត ត្រូវបានរកឃើញនៅក្នុង រថយន្ដមែកសឺដែស ពណ៌ស ស៊េរី<br />ទំនើប រួម ទាំងរថយន្ដ ១គ្រឿងទៀត ម៉ាក អ៊ិនហ្វីនី ទីហ្វ ដែលរថយន្ដទាំង ២គ្រឿងខាងលើ ត្រូវ<br />បានគេអះអាងថា ជិះដោយកូនប្រុស របស់ឧកញ៉ា ដួង ងៀប នៅពេលបង្កហេតុ កាលពីយប់ ។</p>
<p>ពាក់ព័ន្ធទៅនឹងករណីខាងលើ លោក ឧត្ដមសេនីយ៍ យ៉ា គឹមអ៊ី មេបញ្ជាការកង រាជអាវុធហត្ថ រាជ<br />ធានីភ្នំពេញ បានថ្លែង ប្រាប់អ្នកកាសែតឱ្យដឹងថា ពាក់ព័ន្ធករណី ខាងលើនេះ កូនប្រុសរបស់លោក<br />ឧកញ៉ាដួង ងៀប គឺពាក់ព័ន្ធទៅនឹងបទល្មើសចំនួន២ ផ្សេងគ្នា ទី១ ប្រើហិង្សាដោយអាវុធ បង្ករបួស<br />ស្នាមលើអ្នកដទៃនិងទី២ ពាក់ព័ន្ធការ ប្រើប្រាស់អាវុធខុសច្បាប់ ។</p>
<p>ប្រភពព័ត៌មានដែលនាំគ្នាខ្សឹបខ្សៀវ នៅព្រឹកថ្ងៃទី១៧ ខែមេសា ឆ្នាំ ២០១៣ បានបង្ហើបឱ្យដឹងថា<br /> ខណៈដែលសមត្ថកិច្ច អាវុធហត្ថធ្វើការ បញ្ជូនកូន ប្រុស លោកឧក ញ៉ា ដួង ងៀប ម្នាក់ ឈ្មោះ ដួង <br />គឹមឡុងទៅតុលាការ ដើម្បីសួរនាំ និងចោទប្រកាន់ រួចហើយធ្វើការតាមចាប់ខ្លួនឈ្មោះ ដួង ឆាយ<br /> រួមទាំងនឹងអង្គរក្សចំនួន ២នាក់ទៀត នោះ មានការលេចឮព័ត៌មានថា ក្រុមគ្រួ សារ របស់ក្មេងទំនើង<br />ខាងលើនេះ បានកំពុង រត់ការខ្វែងដៃខ្វែងជើង រហូតដល់រកអន្ដរា គមន៍ពីអ្នកធំៗរួមទាំងស្វែងរកការ<br />ជួបចរចា ជាមួយនឹងភាគីជនរងគ្រោះ ដើម្បីសុំបញ្ចប់ រឿងផងដែរ ។ ឥឡូវនេះគេកំពុងរង់ចាំ មើល<br />ចំណាត់ការរបស់តុលាការថា តើនឹង ចាត់ការរឿងនេះដោយរបៀបណា ព្រោះ កូនប្រុសឈ្មោះ ដួង<br /> ឆាយ នេះ កន្លងមកធ្លាប់បង្កភាពអសន្ដិសុខ នៅក្នុងរាជធានីភ្នំ ពេញ ជាញឹកញាប់មកហើយ មិនដែល<br />បាន ស្គាល់គុកម្ដងណានោះទេ ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0430.jpg" alt="" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0431.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>