<p><span style="color: #000000;"><strong>ភ្នំពេញ៖</strong> បើទោះបីជារឿយៗ អតីតតារាសម្តែង និងជាពិធីការិនី កញ្ញាឯក សុជាតាហៅ សាសា ខំប្រឹងប្រែងចេញមុខច្រានចោលព័ត៌មាន រឿងបង្កគ្រោះថ្នាក់ចរាចរណ៍ នៅខេត្តបាត់ដំបង ដោយអះអាងថា ជារថយន្ត របស់មិត្តភក្តិក៏ដោយ តែទីបំផុតការពិតត្រូវ បានលាតត្រដាងឡើង ដោយសារតែមិត្តភក្តិរបស់នាងពីរនាក់ បានឆ្លើយសារភាព នៅតុលាការខេត្តបាត់ដំបងថា នាងជាអ្នកបើករថយន្តទៅ បុកម៉ូតូរ៉ឺម៉ក់ដឹកទឹកកក កាលពីយប់ថ្ងៃទី២ សីហានោះ។ ក្រោយពីមានចម្លើយសារភាពបែបនេះ ត្រូវបានព្រះរាជអាជ្ញារង ខេត្តបាត់ដំបងអះអាងថា តារាស្រី កញ្ញា សាសា អាចនឹងត្រូវតុលាការកោះហៅ ឲ្យចូលបំភ្លឺពាក់ព័ន្ធរឿងនេះ នៅក្នុងពេលដ៏ខ្លីខាងមុខនេះ ។</span></p>
<p><span style="color: #000000;">ជួបសម្ភាសន៍ជាមួយគេហទំព័រ LookingTODAY តាមទូរស័ព្ទ ព្រះរាជអាជ្ញារងខេត្តបាត់ដំបង លោក តូច សុភក្តី បានថ្លែងឲ្យដឹងនៅ ព្រឹកថ្ងៃទី១៤ ខែសីហានេះថា កញ្ញា សាសា អាចប្រហែលនឹងមានការកោះហៅ ឲ្យមកបំភ្លឺជុំវិញរឿងគ្រោះថ្នាក់ចរាចរ នៅបាត់ដំបង បន្ទាប់ពីរូបលោកបានកោះហៅមិត្តភក្តិ ២នាក់ របស់ កញ្ញា សាសា សាកសួរព័ត៌មាន អំពីបញ្ហាគ្រោះថ្នាក់ខាងលើនេះរួចមក ។</span></p>
<p><span style="color: #000000;">ព្រះរាជអាជ្ញារង លោក តូច សុភក្តី បានថ្លែងបញ្ជាក់ថា រឿងសាកសួរព័ត៌មានមិត្តភក្តិ ២នាក់ របស់ សាសា តាមនីតិវិធីច្បាប់ លោកមិនអាចទម្លាយ ប្រាប់ឲ្យដឹងនៅពេលនេះទេ ហើយកញ្ញា សាសា ប្រហែលអាចនឹងកោះហៅ មកសាកសួរក្នុងពេលឆាប់ៗ តាមដែលអាចធ្វើទៅបាន ។</span></p>
<p><span style="color: #000000;">សូមជំរាបថា កញ្ញា សាសា អតីតពិធីការិនីទូរទស្សន៍ CTN និងមានរឿងប្តឹងផ្តល់ ដ៏ល្បីល្បាញជាមួយលោក សុខ ប៊ុន ត្រូវបានគេសង្ស័យថា បានបើករថយន្តស៊េរីទំនើប របស់នាងម៉ាក Porsche ពណ៌ស ពាក់ស្លាកលេខភ្នំពេញ 2AD-7888 ទៅបុកអ្នកជិះម៉ូតូ សណ្ដោងរ៉ឺម៉កដឹកទឹកកក នៅវេលាម៉ោងជាង១១យប់ថ្ងៃទី០២ ខែសីហា ឆ្នាំ២០១៥ នៅសង្កាត់ស្វាយប៉ោ ក្រុងបាត់ដំបង បន្ទាប់ពីកញ្ញាសាសា ដែលរួមដំណើរ ជាមួយនារីម្នាក់ផង ចេញពីហាងផឹកស៊ីមួយកន្លែងយីហោតោ២ ។ ករណីនេះបានធ្វើឲ្យម្ចាស់ម៉ូតូឈ្មោះ ទុយ ម៉ោក ភេទប្រុស អាយុ៤២ឆ្នាំ រងរបួសធ្ងន់ ។</span></p>
<p><span style="color: #000000;">បន្ទាប់ពីជួបគ្រោះថ្នាក់ចរាចរណ៍ មិនយូរឡើយ យុវជនមួយក្រុមជិះរថយន្តទំនើបៗ បានទៅជម្លៀស កញ្ញាសាសា និងមិត្តស្រីរបស់នាងម្នាក់ទៀត ចេញពីកន្លែងកើតហេតុ ដោយមិនទទួលខុសត្រូវ។ ហើយយុវជនម្នាក់ បានចេញមុខដោះស្រាយសំណង ជាមួយជនរងគ្រោះជំនួស កញ្ញា សាសា ដើម្បីបញ្ចប់រឿងក្រៅប្រព័ន្ធច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/14/35-14-08-2015--15-33-25.jpg"><img src="/FileManager/Articles/mce/2015/8/14/35-14-08-2015--15-33-25.jpg" alt="" /></a></span></p>
<p><a class="thickbox" title="" href="/FileManager/Commons/2015/8/14/36-14-08-2015--15-33-34.jpg"><img src="/FileManager/Articles/mce/2015/8/14/36-14-08-2015--15-33-34.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/14/35-14-08-2015--15-33-25.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>