<p>អង្គភាពស៊ើបការណ៍សម្ងាត់របស់ ម៉ាឡេស៊ី សហការណ៍ជាមួយ FBI ស្រាវជ្រាវលើករណី<br />សង្ស័យថាជាភេរវកម្ម ទាក់ទិននឹងយន្ដហោះបាត់ខ្លួន ដែលមានស្លាកលេខ MH370 ហោះពី<br />Kuala Lumpur ទៅកាន់ក្រុងប៉េកាំង កាលពីថ្ងៃទី ៨កន្លងទៅ។<br /><br />ទំព័រ Yahoo News រាយការណ៍ថា គេបានរកឃើញវីដេអូ CCTV នៅឯព្រលានយន្ដហោះ នៅ<br />ក្រុង Kuala Lumpur មានរូបភាពរបស់មនុស្ស ២នាក់ ដែលសង្ស័យថា បានប្រើប្រាស់អត្ត<br />សញ្ញាណប័ណ្ណដែលបានលួច ដើម្បីធ្វើបែបបទឡើងយន្ដហោះ។ វីដេអូនេះ នឹងត្រូវបានប្រើ<br />ប្រាស់សម្រាប់ការស្រាវជ្រាវបន្ដ។<br /><br /><br /></p>
<p style="text-align: center;"><a class="thickbox" title="" href="/FileManager/Commons/2014/3/9/យន្ដហោះ១-09-03-2014--22-25-08.jpg"><img src="/FileManager/Articles/mce/2014/3/9/យន្ដហោះ១-09-03-2014--22-25-08.jpg" alt="" /></a></p>
<p style="text-align: center;"><em>វត្ថុដែលគេរកឃើញ នៅលើសមុទ្រ សង្ស័យថា ជាបំណែកទ្វាររបស់យន្ដហោះ</em></p>
<p><br />ចំណែករដ្ឋមន្ដ្រី ក្រសួងការពារជាតិ និងជារដ្ឋមន្ដ្រីគមនាគមន៍ម៉ាឡេស៊ី លោក Datuk Seri <br />Hishammuddin Husein បានបញ្ជាក់ថា យ៉ាងហោចមានឈ្មោះចំនួន ៤នាក់ ដែលគួរឱ្យសង្ស័យ<br /> កំពុងត្រូវបានស៊ើបអង្កេត។ មន្ដ្រីមានសមត្ថកិច្ចម៉ាឡេស៊ី ក៏បានរកឃើញជនក្លែងបន្លំ ២នាក់ផ្សេង ទៀតដែលនៅលើយន្ដហោះបាត់ខ្លួននោះ ប៉ុន្ដែអត្តសញ្ញាណ និងសញ្ជាតិរបស់ពួកគេ មិនទាន់<br />ត្រូវបានបង្ហើបឱ្យដឹងនៅឡើយ។<br /><br />ជនទាំង ៤នាក់ខាងលើ សុទ្ធតែបានទិញសំបុត្រយន្ដហោះពីក្រុមហ៊ុនអាកាសចរណ៍ចិន China <br />Southern Airlines ដែលជាដៃគូជំនួញរបស់ Malaysia Airlines ។ <br /><br />រីឯបេសកកម្មស្វែងរកយន្ដហោះបាត់ខ្លួន ទន្ទឹមនឹងម៉ាឡេស៊ី ក៏មានកងកម្លាំងនៃបណ្ដាប្រទេស <br />ដូចជា អាមេរិក ចិន សឹង្ហបុរី ថៃ និងវៀតណាម កំពុងដុតដៃដុតជើងដើម្បីស្វែងរកទីតាំងប្រាកដ<br />ដែលយន្ដហោះនេះធ្លាក់។<br /><br />ក្នុងបេសកកម្មស្វែងរកនៅលើផ្ទៃសមុទ្រ គេក៏បានរកឃើញវត្ថុមួយចំនួន ដែលគួរឱ្យសង្ស័យ ប៉ុន្ដែ<br /> បន្ទាប់ពីចូលទៅជិត ទើបគេដឹងថា វាគ្រាន់តែជាអាវពោង ឬដុំឈើ។ ចំណែកខ្សែប្រេងអណ្ដែត<br />លើផ្ទៃសមុទ្រ ដែលមានប្រវែងប្រហែល ២០គីឡូម៉ែត្រ ក៏កំពុងត្រូវបានគេស្រាវជ្រាវ៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Yahoo/VE<br /><br /></p>