<p>ក្រុមអ្នកវិទ្យាសាស្ដ្រអាមេរិក បានអភិវឌ្ឍដោយជោគជ័យនូវបច្ចេកវិទ្យាពិសេសមួយ អនុញ្ញាតឱ្យ<br />បញ្ជាទៅលើសកម្មភាពរបស់អ្នកដទៃ ដោយប្រើការគិត ដូចទៅនឹងសាស្ដ្រាចារ្យ Charles Xavier<br /> ក្នុងភាពយន្ដ X-men ។</p>
<p>យើងធ្លាប់តែបានគិតថា សមត្ថភាពបញ្ជាទៅលើរាងកាយអ្នកដទៃ គឺកើតឡើងតែក្នុងរឿងនិទាន ឬ<br />ភាពយន្ដបែបស្រមៃប្រឌិត ក៏ប៉ុន្ដែ ការសិក្សាស្រាវជ្រាវមួយ ថ្មីៗ ដែលត្រូវបានចុះផ្សាយនៅលើទំព័រ<br />ទស្សនាវដ្ដី Public Library of Science One បានបញ្ជាក់នូវភាពផ្ទុយគ្នាគ្នា។</p>
<p style="text-align: center;"><a class="thickbox" title="" href="/FileManager/Commons/2014/11/10/brain3-10-11-2014--15-40-06.jpg"><img src="/FileManager/Articles/mce/2014/11/10/brain3-10-11-2014--15-40-06.jpg" alt="" /></a></p>
<p style="text-align: center;">ទិដ្ឋភាពបញ្ជាទៅលើសត្រូវ ដោយប្រើខួរក្បាល នៅក្នុងភាពយន្ដ X-men</p>
<p><br />ទស្សនាវដ្ដី Public Library of Science One ឱ្យដឹងថា ក្រុមអ្នកវិទ្យាសាស្ដ្រ និងវិស្វករកុំព្យូទ័រ មក<br />ពី សកលវិទ្យាល័យ Washington បានធ្វើឱ្យសមត្ថភាព X-men ក្លាយជាការពិត ដោយបង្កើតបាន<br />បច្ចេកវិទ្យាមួយ អនុញ្ញាតឱ្យបញ្ជាទៅលើខួរក្បាលអ្នកដទៃ។</p>
<p>ដើម្បីបញ្ជាក់អំពីដំណើរការរបស់ឧបករណ៍ថ្មីនេះ ក្រុមអ្នកវិទ្យាសាស្ដ្របានធ្វើការពិសោធទៅលើ<br />មនុស្សចំនួន ៣ក្រុម ដែលត្រូវបានគេឱ្យលេងល្បែងមួយ។ ក្រុមទាំងនេះ ត្រូវបានដាក់នៅក្នុងអាគារ<br /> ២ផ្សេងៗគ្នា។ មនុស្សម្នាក់ គឺជាអ្នកតាមដានស្ថានភាពនៃល្បែង នៅលើអេក្រង់ធំមួយ ចំណែកអ្នក<br />ក្រៅពីនេះ គឺមានតួនាទីអនុវត្តបញ្ជាក្នុងល្បែង ដោយមិនអាចមើលឃើញអ្វីទាំងអស់។</p>
<p>ឧបករណ៍ថតយករលកសញ្ញាខួរក្បាល ត្រូវបានគេភ្ជាប់លើអ្នកដែលមើលទៅលើអេក្រង់ ហើយតាមរយៈការតាមដានស្ថានភាពនៃល្បែង ការបញ្ជានៃប្រព័ន្ធសរសៃប្រសាទកណ្ដាលរបស់មនុស្ស<br />នេះ ត្រូវបានបញ្ជូនទៅកាន់ខួរក្បាលរបស់អ្នកផ្សេង។ រលកសញ្ញាខួរក្បាលនេះ បញ្ជាទៅលើសាច់<br />ដុំសរសៃប្រសាទ ដើម្បីបញ្ជាទៅលើអ្នកទទួល ឱ្យអនុវត្តតាមបញ្ជាដោយខ្លួនមិនបានដឹងអ្វីសោះ។</p>
<p style="text-align: center;"><a class="thickbox" title="" href="/FileManager/Commons/2014/11/10/brain1-10-11-2014--15-46-01.jpg"><img src="/FileManager/Articles/mce/2014/11/10/brain1-10-11-2014--15-46-01.jpg" alt="" /></a></p>
<p>លទ្ធផលដែលទទួលបាន គឺពិតជានឹកស្មានមិនដល់ ៖ ការបញ្ជូនរលកសញ្ញាខួរក្បាលពីមនុស្សនេះ<br /> ទៅកាន់មនុស្សផ្សេង គឺមានល្បឿនលឿន ពោលគឺចំណាយមិនដល់ ៦៥០មិល្លីវិនាទី(mili minute)។ <br />ទន្ទឹមនឹងនេះ លទ្ធផលនៃការអនុវត្តបញ្ជារបស់អ្នកមិនបានមើលលើអេក្រង់ គឺមានភាពត្រឹមត្រូវដល់<br />ទៅ ៨៣%។ តាមរយៈការពិនិត្យទៅលើផែនទីរលកសញ្ញាខួរក្បាល បានបង្ហាញថា ការអនុវត្តខុស<br />បញ្ជា ភាគច្រើនគឺកើតឡើងដោយសារការរារែកក្នុងការគិតរបស់អ្នកបញ្ជាក្នុងការលេងល្បែងនេះ។</p>
<p>បណ្ឌិត Rajesh Rao បានឱ្យដឹងថា ៖ “លទ្ធផលនេះ ជួយឱ្យយើងដឹងថា ព័ត៌មានអាចបញ្ជូនទៅ<br />តាមខួរក្បាលដោយឡែក ២ ផ្សេងៗគ្នា ហើយជួយឱ្យមនុស្ស ២នាក់ អនុវត្តភារកិច្ចជាក់លាក់ ១”។<br /><br />លោកបណ្ឌិត បន្តថា ៖ “ឧបករណ៍ ដែលធ្លាប់ត្រូវបានគេចិញ្ចឹមមហិច្ឆតាតាំងពីយូរមកហើយ នៅ<br />ក្នុងខ្សែភាពយន្ដនានា មិនត្រឹមតែមានសមត្ថភាពបង្កើតនូវបដិវត្តក្នុងវិស័យទំនាក់ទំនងប៉ុណ្ណោះទេ<br /> ប៉ុន្ដែ វាក៏នឹងបើកផ្លូវសម្រាប់ការស្រាវជ្រាវទៅលើមុខងារទាំងឡាយរបស់ខួរក្បាល”។</p>
<p style="text-align: center;"><a class="thickbox" title="" href="/FileManager/Commons/2014/11/10/brain4-10-11-2014--15-40-46.jpg"><img src="/FileManager/Articles/mce/2014/11/10/brain4-10-11-2014--15-40-46.jpg" alt="" /></a></p>
<p>ក្រុមគ្រូពេទ្យក៏អាចប្រើប្រាស់បច្ចេកវិទ្យានេះ ក្នុងការព្យាបាលអ្នកជម្ងឺស្លាប់មួយចំហៀងខ្លួន ឬខូច<br />ខាតសរសៃប្រសាទដែលបញ្ជាមកកាន់អវៈយវៈ។ល។ ក្រៅពីនេះ ក្រុមអ្នកបើកបរយន្ដហោះ ក៏អាច<br />បញ្ជាការហោះហើរ ពីដី ក្នុងករណីមានហេតុការណ៍បន្ទាន់នៅលើអាកាស៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Telegraph/NYdailynews<br /><br /></p>