<div class="article-content">
<p><strong>ភ្នំពេញៈ</strong> ស្រ្តីវ័យក្មេងម្នាក់ បានរងរបួសធ្ងន់និយាយ ភ្លេចមុខភ្លេចក្រោយ បន្ទាប់ពីជិះម៉ូតូធ្លាក់<br />ជង្ហុកដួលបោកក្បាល និងថ្នល់ កាលពីម៉ោង ៧ និង៤០នាទីល្ងាចថ្ងៃទី០៦ ខែឧសភា ឆ្នាំ២០១៣<br /> តាមបណ្តោយផ្លូវទំនប់កប់ស្រូវ ក្នុង ភូមិស្វាយតាអែ សង្កាត់សំរោងក្រោម ខ័ណ្ឌពោធិ៍សែនជ័យ<br /> រាជធានីភ្នំពេញ។</p>
<p>តាមប្រជាពលរដ្ឋនៅកន្លែងកើតហេតុបានឲ្យដឹងថា នៅមុនពេលកើតហេតុនារីរងគ្រោះ បានបើក<br />ម៉ូតូមួយគ្រឿង ម៉ាក C125 ស៊េរី២០០៦ ពណ៌ខ្មៅ ពាក់ស្លាកលេខ កណ្តាល 1F-8385 ក្នុងទិស<br />ដៅពីត្បូងទៅជើង។ លុះមកដល់ចំណុចកើតហេតុ ដោយស្ថានភាពផ្លូវពោរពេញ ទៅដោយជង្ហុក<br />ច្រើន នារីវ័យក្មេងរូបនោះ បានបើកគេចជង្ហុក គេចមិនផុត ធ្វើឲ្យម៉ូតូធ្លាក់ចូលជង្ហុកដួលតែម្តង។</p>
<p>ដោយឡែកនារីរងគ្រោះ បានបោកក្បាលទៅនិងថ្នល់ដេកដួលសន្លប់បាត់មាត់បាត់ក តែទោះជា<br />យ៉ាងណា សមត្ថ កិច្ច និងបងប្អូនប្រជាពលរដ្ឋ បានជួយអន្តរាគមន៍ភ្លាមៗ និងបានហៅរករថយន្ត<br />សង្រ្គោះរបស់អង្គភាព ៧៧១ នៃ កងពលតូចលេខ៧០ យកទៅសង្រ្គោះ និងបានបញ្ជូនទៅមន្ទីរ<br />ពេទ្យកាល់ម៉ែតផងដែរ។</p>
<p>សមត្ថកិច្ចបានបញ្ជាក់ថា ជនរងគ្រោះមានឈ្មោះ យ៉ុន សុខភីន ភេទស្រី អាយុ១៨ឆ្នាំ មុខរបរជា<br />កម្មកររោងចក្រ នៅក្នុងតំបន់សេដ្ឋកិច្ចពិសេស ស្នាក់នៅភូមិត្រពាំងគល់ សង្កាត់កំបូល ខ័ណ្ឌពោធិ៍<br />សែនជ័យ មានស្រុកកំណើត ភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្តាល។ ម៉ូតូ<br />ត្រូវបានសមត្ថកិច្ចយកទៅរក្សា ទុកនៅប៉ូស្តិ៍ នគរបាលសង្កាត់សំរោងសំរោងក្រោម ខ័ណ្ឌពោធិ៍<br />សែនជ័យ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-091.jpg" alt="Photo by DAP-NEWS" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-090.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>