<p><span style="color: #000000;">នៅសល់ជាង ១០ខែទៀតឯណោះទើប iPhone 7 បង្ហាញខ្លួន ប៉ុន្តែព័ត៌មានចចាមអារាមជាច្រើន ស្តីពី ផលិតផលនេះ បានចាប់ផ្តើមលេចចេញមកជាបន្តបន្ទាប់ហើយ។ ថ្មីៗនេះក្រុមហ៊ុនស្ថិតិ TrendForce បាន បង្ហាញពីចំនួនតួរលេខ ឲ្យឃើញថា Apple បានដើរទាន់ចំណែកទីផ្សារក្រុមហ៊ុន Samsung ហើយ។ នៅ ឆ្នាំ ២០១៦ ក្រុមហ៊ុនទូរស័ព្ទកូរ៉េខាងត្បូង នឹងផលិតស្មាតហ្វូនម៉ូដែលថ្មី ដោយធ្វើកំណែអាប់ឌេតលើ ម៉ូដែល Galaxy S6 និង S6 Edge ក្នុងពេលដែល iPhone 7 របស់ Apple ត្រូវបានសង្ឃឹមថា នឹងចាកចេញ ផុតពីស្រមោលរបស់ iPhone 6 និង iPhone 6S ពោលវានឹងជាស្មាតហ្វូនថ្មីស្រឡាងមួយ ទាំងរូបរាង និង លក្ខណៈសម្បត្តិទំនើបៗជាច្រើនទៀត។</span></p>
<p><span style="color: #000000;"><a href="http://www.camnews.com.kh/News/Detail/32264/samsung-w2016-officially-launch-in-china"><span style="color: #0000ff;"><em>អានអត្ថបទ៖ ទីបំផុត Smartphone ប្រភេទបត់រូបរាងស្អាត ផ្នែកក្រោយស្រដៀង Galaxy S6 របស់ Samsung បង្ហាញជាផ្លូវការហើយ</em></span></a><br /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/11/21/iphone7concept970801-21-11-2015--11-42-51.jpg"><img src="/FileManager/Articles/mce/2015/11/21/iphone7concept970801-21-11-2015--11-42-51.jpg" alt="" /></a></span></p>
<p style="text-align: center;"><em>គំរូ concept iPhone 7 របស់ TechRadar</em><span style="color: #000000;"><br /></span></p>
<p><span style="color: #000000;">"Apple នឹងបង្ហាញណែនាំម៉ូដែលអាប់ឌេតុមួយរបស់ iPhone ត្រកូល C (អាចជា iPhone 6C) ដែលមាន ទំហំអេក្រង់ 4 inch នៅពាក់កណ្តាលឆ្នាំ ២០១៦។ រីឯចំនុចទាក់ទាញរបស់ iPhone 7 អាចជាបរិមាណ ទំហំ RAM ដែលឡើងដល់ 3 GB សម្រាប់ម៉ូដែល 5,5 inch និងមានសមត្ថភាពការពារជម្រាបទឹក" អ្នក តំណាងក្រុមហ៊ុនស្ថិតិខាងលើបង្ហើបឲ្យដឹង។ </span></p>
<p><a href="http://www.camnews.com.kh/News/Detail/39354/apple-seeking-second-supplier-for-next-generation-apple-watch"><span style="color: #0000ff;"><em>អានអត្ថបទ៖ Apple Watch លក់មិនសូវដាច់ កាត់បន្ថយបរិមាណ 1/3 នៃការផលិត នៅក្នុងត្រីមាសទី៤ ឆ្នាំ ២០១៥</em></span></a></p>
<p><span style="color: #000000;">ដោយផ្តោតទៅលើទីផ្សារទូរស័ព្ទចល័តទូទាំងពិភពលោក នៅឆ្នាំក្រោយ TrendForce បានឲ្យដឹងថា ទាំងក្រុមហ៊ុន Samsung ក៏ដូចជា Apple នឹងផ្តោតខ្លាំងទៅលើទីផ្សារប្រទេសឥណ្ឌា។ ក្រោមសម្ពាធរបស់ បណ្តាក្រុមហ៊ុនស្មាតហ្វូនប្រទេសចិន Samsung នឹងផលិតចេញនូវគំរូស្មាតហ្វូនជាច្រើន ដែលមានតម្លៃ ទាប ដើម្បីប្រកួតប្រជែងទីផ្សារ។ </span></p>
<p><span style="color: #000000;">ស្តីពីនិន្នាការនៃការប្រើប្រាស់ ក្រុមហ៊ុន TrendForce បានទស្សទាយន៍ថា បណ្តាគំរូស្មាតហ្វូនលំដាប់ កំពូលតារាងសម្រាប់ឆ្នាំ ២០១៦ នឹងប្រើប្រាស់ Chip នៅលើដំណើរការ 14/16nm, RAM អាចឡើងដល់ 4 GB ឬ 6 GB, ពីអេក្រង់ Full HD ឡើងដល់ QHD។ បណ្តាឧបករណ៍ស៊េរីមធ្យម នឹងប្រើប្រាស់ Chip 28nm, RAM អតិបរមា 3GB និងមានអេក្រង់ត្រឹម Full HD៕</span></p>
<p><span style="color: #000000;"><span style="color: #000000;"><a href="http://www.camnews.com.kh/News/Detail/43656/samsung-will-focus-on-tizen-in-2016"><span style="color: #0000ff;"><em>អានអត្ថបទ៖ Samsung នឹងផ្តោតទៅលើប្រព័ន្ធប្រតិបត្តិការ Tizen នៅក្នុងឆ្នាំ ២០១៦</em></span></a></span><br /></span></p>
<p> </p>
<p style="text-align: right;"><span style="color: #000000;">ប្រែសម្រួល៖ មង្គល</span><br /><span style="color: #000000;">ប្រភព៖ TrendForce, Zing</span></p>