<p><span style="color: #000000;"><strong>(ភ្នំពេញ)៖</strong> អ្នកគាំទ្រទស្សនាផ្ទាល់នៅពហុកីឡដ្ឋានជាតិម្សិលមិញ ប្រហែលជាបានឃើញរឿងដ៏ហួសចិត្តមួយ អំឡុងពេលការទាត់បាល់ប៉េណាល់ទីកាត់សេចក្ដីរវាងក្រុមយុវជន U-16 ថៃ និងក្រុម U-16 អូស្ដ្រាលី ប៉ុន្ដែអ្នកទៅមិនទាន់ ឬអ្នកមិនបានទៅទស្សនា ប្រហែលជាមិនទាន់បានទស្សនានោះទេ អំពីក្រុមយុវជនថៃ ដែលចាញ់អូស្រ្ដាលីហើយ ថែមទាំងត្រូវបានគេរិះគន់យ៉ាងចាស់ដៃកីឡាករម្នាក់ ដែលបញ្ចេញអាកប្បកិរិយាមិនគប្បី ត្រូវបានអាជ្ញាកណ្ដាលពិន័យកាតលឿនទៀតនោះ។</span></p>
<p><span style="color: #000000;">គួរបញ្ជាក់ផងដែរថា នៅក្នុងជំនួបវគ្គពាក់កណ្ដលផ្ដាច់ព្រ័ត្រពាន AFF U-16 Youth Championship ឆ្នាំ២០១៦ ម្សិលមិញក្រុម U-16 ថៃ និងក្រុម U-16 អូស្ដ្រាលី បានបញ្ចប់ការប្រកួត ៩០នាទីដោយលទ្ធផលស្មើគ្នា ៣-៣ ប៉ុន្ដែមិនមានការបន្ថែមម៉ោង ១៥នាទី ២ដងឡើយ ដោយគណៈកម្មការសម្រេចឲ្យទាត់បាល់ប៉េណាល់ទីកំណត់ឈ្នះ-ចាញ់ តែជ័យជម្នះគឺបានទៅយុវជនអូស្ដ្រាលី ដោយលទ្ធផល ៥-៣។</span></p>
<p><span style="color: #000000;">ប៉ុន្ដែអំឡុងពេលទាត់បាល់ប៉េណាល់ទីនោះ មានរឿងហួសចិត្តមួយបានកើតឡើង ដោយសារកីឡាករលេខ២ របស់ថៃ បន្ទាប់ពីរកបានគ្រាប់បាល់ទី១ គេបានបញ្ចេញកាយវិការឌឺដងដាក់អ្នកចាំទីអូស្រ្ដាលី ចំពោះមុខអាជ្ញាកណ្ដាល ហើយក៏ត្រូវបានពិន័យកាតលឿងភ្លាមៗតែម្ដង។</span></p>
<p><span style="color: #000000;">ជាមួយនឹងការបញ្ចេញអាកប្បកិរិយាមិនសមរម្យជាកីឡាករនេះ ត្រូវបានមហាជននាំគ្នារិះគន់ជាខ្លាំង និងអ្នកខ្លះបានលើកឡើងថា ក្រុម U-16 ថៃ ចាញ់គេហើយ ថែមទាំងខ្មាស់គេទៀត។</span></p>
<p><span style="color: #000000;"><strong>សូមទស្សនាវិដេអូ អំពីការបញ្ចេញកាយវិការរបស់កីឡាករពាក់ស្លាកលេខ២ របស់ក្រុមយុវជនថៃ ដូចខាងក្រោម៖</strong></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13707633_1754647088108142_6531705506433582240_n.jpg?oh=075c2b0f976380c087636a7b95c5a60b&oe=58279AA6" alt="" width="730" /></span></p>
<p style="text-align: center;"><span style="color: #000000;">U-16 ថៃ (ពណ៌ក្រហម)</span></p>
<p><span style="color: #000000;"><iframe src="https://www.youtube.com/embed/ajjIVH8nLL8" frameborder="0" width="500" height="410"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>