<p><strong>ភ្នំពេញៈ</strong> ក្រោយពីតួឯក ស្រីក្នុងរឿង “ម៉ីនុយធ្នាក់ អន្ទាក់ស្នេហ៍” កញ្ញា ភិន សុដាលីស បានសម្រេចចិត្ត ដើរដល់ផ្លូវ បែកស្នេហ៍ជាមួយ អតីតគូដណ្តឹងបុរសសង្ហារ លោក ប៉ែន តុលា មកគេសង្កេតឃើញថា ភាគីខាងគូដណ្តឹង របស់ នាង ហាក់បង្ហាញពីសញ្ញា ចង់ត្រូវរ៉ូវជានាជាមួយនាងវិញ ជាច្រើនលើកច្រើនសារ តែ ដាលីស ហាក់ដូចជាមាន ចិត្តរឹង ដូចថ្ម មិនខ្វល់ខ្វាយចំពោះ អតីតគូដណ្តឹងទាល់តែសោះ ។</p>
<p>អស់រយៈពេលជិតកន្លះឆ្នាំហើយដែល តារាសម្តែងស្រីស្អាត កញ្ញា ភិន សុដាលីស បានកាត់ផ្តាច់ទំនាក់ទំនងស្នេហា រវាងនាងនិងគូដណ្តឹង ដោយកន្លងមកនាងតែងតែ បដិសេធមិន ចង់និយាយពីមូលហេតុ ក្នុងការផ្តាច់ពាក្យ នោះឡើយ ។ ទន្ទឹមនឹងការលាក់បាំង មិនចង់និយាយពីមូលហេតុ ក្នុងការផ្តាច់ពាក្យនោះដែល នាពេលកន្លងមក ក៏ធ្លាប់មានពាក្យចចាមអារ៉ាម និយាយតៗគ្នាថាមូលហេតុធ្វើឲ្យស្នេហា ដែលធ្លាប់តែផ្អែមល្ហែមជាមួយគ្នា ជួបភាព ប្រះស្រាំ មុនពេលរៀបការនេះ គឺមកពីមានអ្នកទី៣ ចូលជ្រៀតជ្រែកហែកបេះដូង ស្នេហ៍របស់ពួកគេទើបធ្វើឲ្យ ដាលីស ឈឺចាប់បង្ខំចិត្តបែកពីគូដណ្តឹង ទាំងចិត្តនៅស្រលាញ់ពេញបេះដូងបែបនេះ ។</p>
<p>ក្នុងជំនួបជាមួយ Looking TODAY តារាស្រីរូបស្រស់ថ្ពាល់សម៉ដ្ឋរលោង កញ្ញា ភិន សុដាលីស បានប្រាប់ឲ្យដឹងថា នាងមិនចង់និយាយពីរឿងនេះឡើងវិញទេ ព្រោះរឿងនេះចប់ប្រហែលជាងកន្លះឆ្នាំហើយ មិនចង់និយាយដដែលៗ ទេ។</p>
<p>តារាស្រីរូបនេះបានបង្ហាញ ពីអារម្មណ៍មិនសូវពេញចិត្ត ក្នុងការឆ្លើយថា “ទោះជាចាស់ទុំនិយាយត្រូវរ៉ូវគ្នា យ៉ាងណា ក៏ដោយ ក៏វាមិនអាចវិលទៅរកសភាព ដើមបានទេបើទោះជាពួកគាត់ (ចាស់ទុំ) និយាយត្រូវគ្នាតែសម្រាប់កូនៗ គឺមិនអាចចាប់ផ្តើមឡើងវិញទេ ខ្ញុំមិនព្រមទេ”។</p>
<p>ជាមួយគ្នានោះតារាស្រីរូបនេះ ក៏មិនបាននិយាយអ្វីវែងឆ្ងាយ ទាក់ទងនិងរឿងនេះទេ ដោយនាងបង្វែរទៅនិយាយ ពីរឿងការងារសិល្បៈ ការគ្រប់គ្រងការងារ នៅក្នុងក្រុមហ៊ុនរបស់ឪពុក និងការសិក្សា ជំនួសវិញ ដោយនាង បាន ប្រាប់ថាបច្ចុប្បន្ននាង មានការមមាញឹកជាមួយ ការងារគ្មានពេលសម្រាក់នោះទេ ហើយក៏គ្មានពេលទៅគិតពី ស្នេហាថ្មីអ្វីដែរ ៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-078/Layposthp-253.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-078/Layposthp-248.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-078/Layposthp249.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-078/Layposthp-250.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-078/Layposthp-251.jpg" alt="www.lookingtoday.com" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2014/February/id-078/Layposthp-252.jpg" alt="www.lookingtoday.com" width="500" /></p>
<p style="text-align: right;">ផ្តល់សិទ្ធដោយ ៖ ដើមអម្ពិល</p>