<p><span style="color: #000000;"><strong>(បរទេស)៖</strong> លោកចៅក្រម Wade Naramore អាយុ៣៦ឆ្នាំ រស់នៅរដ្ឋ Arkansas ត្រូវចាប់ខ្លួនពីបទធ្វេសប្រហែស បណ្តាលឲ្យកូនប្រុសដ៏តូចម្នាក់ត្រូវបាត់បង់ជីវិត បន្ទាប់ ពីទុកកូនចោល នៅក្នុងរថយន្តដែលរងកម្តៅខ្លាំង។</span></p>
<p><span style="color: #000000;">នៅថ្ងៃកើតហេតុ Naramore និយាយថា គាត់ដាក់កូនប្រុសអាយុទើប បាន១៨ខែ ឈ្មោះ Thomas ឲ្យអង្គុយនៅកៅអីខាង ក្រោយនៃរថយន្ត ដើម្បីយកកូនទៅកន្លែងមើលថែតែគាត់ក៏មិនបាន យកទៅទីនោះទេ បែរជាខ្លួននាំយកកូនទៅកន្លែងធ្វើការវិញ ហើយក៏ភ្លេចខ្លួនទុកកូន ក្នុងរថយន្តរួចក៏ទៅធ្វើការរហូត ដល់ម៉ោង៣រសៀល លោកចៅក្រមក៏បើករថយន្តឆ្ពោះ ទៅកន្លែងយកកូនទៅកន្លែង មើលថែ ស្រាប់តែឮសម្លេងក្មេងខ្សាវៗ ចេញពីកៅអីខាងក្រោយធ្វើឲ្យគាត់ស្រឡាំងកាំង ក៏ប្រញាប់ទូរស័ព្ទរកជំនួយ ពីក្រុមសង្គ្រោះតែមិនយូរប៉ុន្មាន ក្មេងបានស្លាប់ទៅហើយ។</span></p>
<p><span style="color: #000000;">ចៅក្រម Naramore ត្រូវឃាត់ខ្លួន ហើយគាត់បានស្រែកយំសោកស្តាយ ដែលធ្វេសប្រហែសធ្វើឲ្យកូនប្រុស ដ៏តូចត្រូវបាត់បង់ជីវិត តែប្រពន្ធចៅក្រមបានលើកទឹកចិត្តប្តី ដោយមិនខឹងឡើយ ក្រោយ មកគាត់អាចត្រូវដោះលែង ឲ្យមានសេរីភាពវិញ បន្ទាប់ពីដាក់ប្រាក់ធានខ្លួន ចំនួន៥ពាន់ដុល្លារ៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/19/12a-19-08-2016--14-15-54.jpg"><img src="/FileManager/Articles/mce/2016/8/19/12a-19-08-2016--14-15-54.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>