<p><span style="color: #000000;"><strong>(ម៉ិកស៊ិក)៖</strong> តុលាការប្រទេសម៉ិកស៊ិក បានជូនដំណឹងថា អធិរាជរត់ពន្ធគ្រឿងញៀនលោក Joaquin "El Chapo" Guzman ដែលទើបនឹងឆាប់កាលពីថ្មីៗនេះ មានបំណង់ចង់ទៅជាប់ពន្ធធនាគារនៅក្នុងសហរដ្ឋអាមេរិក បន្ទាប់ពីកងកម្លាំងជើងទឹកម៉ិកស៊ិក ចាប់ខ្លួនបាននៅនៅតំបន់ឆ្នេរសមុទ្រនៃទីក្រុង Los Mochis ក្នុងរដ្ឋ Sinaloa នេះបើយោងតាមការចេញផ្សាយរបស់សារព័ត៌មាន AP នៅថ្ងៃទី១១ ខែមករា ឆ្នាំ២០១៦។</span></p>
<p><span style="color: #000000;">យោងតាមការចេញផ្សាយរបស់ AP បានឲ្យដឹងនៅពេលនេះ តុលាការកំពុងរៀបចំឯកសារដើម្បីធ្វើបត្យាប័ន ទៅតាមនិតិវិធី ប៉ុន្តែមិនបានបង្ហើបឲ្យដឹងពីព័ត៌មានផ្សេងៗឡើយ។</span></p>
<p><span style="color: #000000;">ថ្ងៃសុក្រ ទី០៨ ខែមករា ឆ្នាំ២០១៦កន្លងទៅនេះ កងកម្លាំងជើងទឹកម៉ិកស៊ិក បានចេញប្រតិបត្តិការតាមចាប់ខ្លួនស្ដេចគ្រឿងញៀននេះ នៅតំបន់ឆ្នេរសមុទ្រនៃទីក្រុង Los Mochis ក្នុងរដ្ឋ Sinaloa ដោយប្រធានាធិបតីម៉ិកស៊ិក លោក Enrique Peña Nieto បានប្រកាសនៅលើបណ្ដាញទំនាក់ទំនងសង្គម Twitter ផ្ទាល់ខ្លួនរបស់លោកថា «បេសកកម្មចាប់ខ្លួនស្ដេចរត់ពន្ធគ្រឿងញៀនគឺទទួលបានជោគជ័យ និងបានបញ្ជួន លោក Guzman ទៅកាន់ពន្ធធនាគារ ដែលលោកបានរត់គេចកាលពីខែកក្កដា ឆ្នាំ២០១៥»។</span></p>
<p><span style="color: #000000;">អធិរាជជួញដូរគ្រឿងញៀនរូបនេះ បានរត់គេចចេញពីគុកក្នុងប្រទេសម៉ិកស៊ិក កាលពីខែកក្កដា ឆ្នាំ២០១៥ តាមរយៈរូងក្រោមដី ដែលមានរយៈចម្ងាយរហូតដល់ ១,៥គីឡូម៉ែត្រ និងមានទទឹងជិត ១ម៉ែត្រ និងកម្ពស់ ១,៧ម៉ែត្រ ហើយបើតាមតាមអ្នកជំនាញបានឲ្យដឹងថា គម្រោងរត់គេចពីគុកនេះ ប្រើរយៈពេលជាង ១ឆ្នាំ និងចំណាយលុយ ៥០លានដុល្លារអាមេរិក។</span></p>
<p><span style="color: #000000;"><strong>តើការចំណាយលុយនេះ ត្រូវបានធ្វើឡើងដោយរបៀបណា?</strong></span><br /><span style="color: #000000;"> យោងតាមសេចក្ដីរាយការណ៍របស់កាសែត Wall Street Journal បានឲ្យដឹងថា ស្ដេចរត់ពន្ធគ្រឿងញៀនរូបនេះ បានប្រើបក្សីក្នុងការសាកល្បងទៅលើកម្រិត និងសម្ពាធខ្យល់នៅក្នុងរូងក្រោមដី ដែលបានជីក ព្រោះថា នៅក្រោយពេលគេចខ្លួនបាន ក្រុមស៊ើបអង្កេតបានប្រទះឃើញសាកសពបក្សីមួយ នៅក្នុងធុងសំរាមក្នុងបន្ទប់របស់ Guzman។</span></p>
<p><span style="color: #000000;">ក្រុមមន្ត្រីជំនាញបានឲ្យដឹងថា បក្សីនេះប្រហែលជាត្រូវបានក្រុមការងារ របស់ស្ដេចគ្រឿងញៀន ប្រើដើម្បីសាកល្បងសម្ពាធខ្យល់ ព្រោះថារូងក្រោមដីនោះ មានរយៈចម្ងាយរហូតដល់ ១,៥គីឡូម៉ែត្រ និងមានទទឹងជិត ១ម៉ែត្រ និងកម្ពស់ ១,៧ម៉ែត្រ។</span></p>
<p><span style="color: #000000;">Joaquin (El Chapo) Guzman ធ្លាប់រត់គេចពីគុកម្ដងរួចទៅហើយ កាលពីឆ្នាំ ២០០១ បន្ទាប់ពីចាប់ខ្លួនកាលពីឆ្នាំ ១៩៩៣ ដោយនៅពេលនេះ Guzman រត់គេចខ្លួនតាមរយៈរទេះបោកគក់ រួចគេចខ្លួនតាមរថយន្ត ដោយគម្រោងនៃការរត់គេចខ្លួននោះ មានមនុស្សជិត ១០០នាក់ បានចូលរួមនិងចំណាយលុយ ២,៥លានដុល្លារអាមេរិក និងបានរស់នៅក្រោមដីអស់រយៈពេលជាច្រើនឆ្នាំ ទើបចាប់ខ្លួនបានម្ដងទៀតកាលពីដើមឆ្នាំ ២០១៤។</span></p>
<p><span style="color: #000000;">គួរបញ្ជាក់ផងដែរថា បើយោងតាមការព័ត៌មានដែលមាននៅលើគេហទំព័រ Wikipedia បានឲ្យដឹងថា នៅពីក្រោយខ្នងស្ដេចជួញដូរគ្រឿងញៀនម្នាក់នេះ គឺមានក្រុមជំនាញជាច្រើន ពាក់ព័ន្ធនឹងការជីករូងក្រោមដី ព្រោះថា ក្រោយពេលដែលរត់គេចខ្លួនបានកាលពីឆ្នាំ២០០១ ស្ដេចគ្រឿងញៀនរូបនេះ បានរត់ក្រោមដី ដោយមានផ្លូវក្រោមដីចំនួន ៦កន្លែង តភ្ជាប់គ្នាពីផ្ទះមួយទៅកាន់ផ្ទះមួយទៀត ដោយផ្លូវក្រោមដីនេះ មិនត្រូវបានគេដឹងឡើយ រហូតដល់ដើមឆ្នាំ ២០១៤ នៅពេលឆាប់ខ្លួនបានម្ដងទៀត ទើបដឹងថា ស្ដេចគ្រឿងញៀនរូបនេះរស់នៅក្រោមដី៕</span></p>
<p><span style="color: #000000;"><strong>ខាងក្រោមនេះគឺជាវីដេអូបង្ហាញពីការចាប់ខ្លួនស្ដេចគ្រឿងញៀន Guzman នៅនៅតំបន់ឆ្នេរសមុទ្រនៃទីក្រុង Los Mochis ក្នុងរដ្ឋ Sinaloa</strong></span></p>
<p><a class="thickbox" title="" href="/FileManager/Commons/2016/1/11/02q-11-01-2016--11-28-17.jpg"><img src="/FileManager/Articles/mce/2016/1/11/02q-11-01-2016--11-28-17.jpg" alt="" /></a></p>
<p><span style="color: #000000;"><strong><object width="490" height="420" data="http://www.youtube.com/v/aGuMI4_FZMg&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/aGuMI4_FZMg&rel=1" /></object></strong></span></p>
<p><object width="489" height="419" data="http://www.youtube.com/v/SOwcpzIp2FY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/SOwcpzIp2FY&rel=1" /></object></p>
<p><object width="486" height="416" data="http://www.youtube.com/v/Px9zMXKMX_M&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Px9zMXKMX_M&rel=1" /></object></p>
<p><object width="487" height="417" data="http://www.youtube.com/v/Kh3RHV5G1Fc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Kh3RHV5G1Fc&rel=1" /></object><span style="color: #000000;"><strong><br /></strong></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p><span style="color: #000000;"><strong><br /></strong></span></p>