<p><span style="color: #000000;"><strong>(អាមេរិក)៖</strong> ជារឿងដ៏គួរឲ្យភ្ញាក់ផ្អើលមួយ នៅពេលដែលក្រុម Hacker បានទម្លាយនូវលេខសម្ងាត់គណនី បណ្ដាញសង្គមរបស់ស្ថាបនិក និងជានាយកប្រតិបត្តិ Facebook លោក Mark Zuckerberg ខណៈដែលមហាសេដ្ឋីវ័យក្មេងរូបនេះ កំពុងតែពង្រីកឥទ្ធិពលរបស់ខ្លួន ក្នុងឧស្សាហកម្មបច្ចេកវិទ្យា។</span></p>
<p><span style="color: #000000;">ក្រុម Hacker ហៅខ្លួនឯងថា OurMine បានបង្ហោះសារនៅលើបណ្ដាញសង្គម Twitter ថា គណនី Twitter, Instagram, LinkedIn និង Pinterest របស់លោក Mark Zuckerberg ត្រូវបានពួកគេ Hack ចូល និងបានបង្ហោះសារនៅលើ គណនីផ្ទាល់ខ្លួនរបស់ Mark Zuckerberg ថែមទៀតផង។</span></p>
<p><span style="color: #000000;">អ្វីដែលគួរឲ្យចាប់អារម្មណ៍នោះគឺថា ក្រុម Hacker បានទម្លាយនូវពាក្យសម្ងាត់របស់លោក Mark Zuckerberg ប្រើប្រាស់នៅលើបណ្ដាញសង្គមថែមទៀតផង ដោយបានបញ្ជាក់ថា «dadada» គឺជាពាក្យសម្ងាត់ដែលមេធំ Facebook រូបនេះ និយមប្រើ ទាំងនៅលើ Twitter និង LinkedIn។</span></p>
<p><span style="color: #000000;">គួរបញ្ជាក់ផងដែរថា គណនី Twitter និង Pinterest របស់លោក Mark Zuckerberg មិនបានបង្ហោះអ្វីសូម្បីតែបន្តិច តាំងឆ្នាំ២០១២៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/7/14-07-06-2016--09-25-52.jpg"><img src="/FileManager/Articles/mce/2016/6/7/14-07-06-2016--09-25-52.jpg" alt="" /></a><br /></span></p>
<p style="text-align: right;"><span style="color: #000000;">ប្រភព៖ cbc</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>