<p><span style="color: #000000;">ព័ត៌មានកីឡា៖ គ្រូបង្វឹកក្លឹប Barcelona បានថ្លែងប្រាប់អ្នកព័ត៌មានថា គាត់ឥតមាន ភ្ញាក់ផ្អើលអីសូម្បីតែបន្ដិច ពេលលេចចេញដំណឹងថា លោក Rafael Benitez ត្រូវក្លឹប Real Madrid បណ្ដេញចេញពីក្លឹប កាលពីថ្ងៃច័ន្ទ។</span></p>
<p><span style="color: #000000;">លោក Rafael Benitez មានឱកាសគ្រប់គ្រងក្លឹប Real Madrid បានត្រឹមតែ ៧ខែប៉ុណ្ណោះ ក៏ត្រូវបណ្ដេញចេញ ទាំងគ្មានសោកស្ដាយ។ ការខកបំណងខ្លាំងចាប់ត្រឹមពីក្លឹប Real Madrid ត្រូវដៃគូរជើងខ្លាំង Barcelona បំបាក់យ៉ាងអាម៉ាសមុខបំផុត ក្នុងទឹកដីរបស់ខ្លួន ត្រឹមលទ្ធផលពិន្ទុ ៤-០ នៃព្រឹត្ដិការណ៍ Clasico ។ </span></p>
<p><span style="color: #000000;">ចំណែកលោក Luis Enrique វិញអ្នកគ្រប់គ្រងក្លឹប Barcelona ក៏មិនបានចាប់អារម្មណ៍នឹងដំណើរ ចាកចេញនេះដែរ ប៉ុន្ដែគ្រាន់តែសង្ស័យថា បញ្ហាដែលឈានដល់ ការសម្រេចចិត្ដបណ្ដេញលោក Benitez នេះ ព្រោះតែការរៀបចំផ្នែកយុទ្ធសាស្រ្ដគ្រប់គ្រង។ </span></p>
<p><span><span><span><span style="color: #000000;">លោក Luis Enrique បានថ្លែងថា គាត់មិនបានចាប់អារម្មណ៍ និងភ្ញាក់ផ្អើលអ្វីនឹងដំណឹងនោះទេ ព្រោះនោះគឺជារឿងទូទៅហើយ ចំពោះរបៀបនៃការដឹកនាំបែបថ្មីក្នុងវិស័យបាល់ទាត់។ វាមិនអយុតិ្ដធម៌នោះទេ គ្រប់គ្នាក៏គួរតែដឹង ថាការគ្រប់គ្រង ដែលមានបញ្ហាត្រូវតែយ៉ាងនោះ ប៉ុន្ដែរឿង មួយក៏ជាចំណែកផងដែរ ពោលវាគ្រាន់តែថា ខ្មាស់គេប៉ុណ្ណោះពេលដែលត្រូវបានគេដេញចេញ។ តែទោះជាយ៉ាងណាក៏ដោយ អាជីពជាអ្នកដឹកនាំស្ទើតែគ្មាននរណា អាចគេចផុត។ រឿងមួយទៀត ដែលគាត់ចង់ផ្ដោតសំខាន់នោះគឺ គាត់មិនទាន់ដឹងអ្វីទាល់តែសោះ ចំពោះអ្នកគ្រប់គ្រងថ្មី គឺលោក Zidane ហើយកន្លងមក ក៏មិនគិតថា គាត់គឺជាគ្រូបង្វឹក ។ </span></span></span></span></p>
<p><a class="thickbox" title="" href="/FileManager/Commons/2016/1/6/1-6-2016-11-22-22-am-06-01-2016--11-32-02.png"><img src="/FileManager/Articles/mce/2016/1/6/1-6-2016-11-22-22-am-06-01-2016--11-32-02.png" alt="" /></a></p>
<p style="text-align: right;"><span><span><span>ដោយ៖ អឿ អ៊ុយ</span></span></span></p>
<p style="text-align: right;"><span><span><span>ប្រភព៖ onefootball</span></span></span></p>