<p><span style="color: #000000;"><strong>កូរ៉េ៖</strong> ទំនាក់ទំនងស្នេហារវាង Suzy សមាជិកក្រុម Miss A និងកំពូលតារាសម្តែងកូរ៉េ Lee Min Ho បានក្លាយជាប្រធានបទក្តៅ ក្នុងវិស័យសិល្បៈកូរ៉េ បន្ទាប់ពីដំណឹងនេះ បានផ្ទុះឡើងកាលពីពេលថ្មីៗកន្លងទៅ ហើយសូម្បីតែសមាជិក Miss A ក៏មិនបានដឹងពីរឿងនេះដែរ ។</span></p>
<p><span style="color: #000000;">ព័ត៌មានពីកាសែតកូរ៉េ Allkpop បានឲ្យដឹងនៅថ្ងៃទី0៩ ខែមេសា ឆ្នាំ២០១៥នេះថា ក្នុងពេលជួបសម្ភាសន៍ជាមួយ SBS Power FM សមាជិក២នាក់របស់ Miss A កញ្ញា Fei និង Min បាននិយាយថា «ជាមិត្តរួមក្រុមក៏ពិតមែន តែពួកខ្ញុំមិនធ្លាប់ដឹងថា Suzy ស្រឡាញ់គ្នាជាមួយ Lee Min Ho ឡើយ រហូតព័ត៌មានផ្ទុះឡើង ទើបពួកខ្ញុំបានដឹង ហើយពួកខ្ញុំពិតជាភ្ញាក់ផ្អើលខ្លាំងណាស់ ចំពោះរឿងនេះ តែខ្ញុំសប្បាយចិត្ត និងគាំទ្រ Suzy » ។</span></p>
<p><span style="color: #000000;">ពេលសួរថា ចំពោះដំណឹងនេះ អ្នកទាំងពីរបារម្ភថា នឹងមានផលប៉ះពាល់ដល់ Miss A ដែរឬទេ? តារារូបស្រស់ Fei និង Min បានឆ្លើយថា «ពួកខ្ញុំមិនបានបារម្ភអ្វីទេ» ។</span></p>
<p><span style="color: #000000;">ទោះបីដំណឹងស្នេហា រវាងតារាទាំងពីរ បានបង្កការភ្ញាក់ផ្អើលក៏ពិតមែន តែសមាជិករបស់ Miss A ព្រមទាំងមិត្តរួមអាជីព និងប្រិយមិត្តទាំងអស់ កំពុងជូនពរឲ្យតារាទាំងពីរ ទទួលជោគជ័យក្នុងចំណងស្នេហានេះ ៕</span></p>
<p><a class="thickbox" title="" href="/FileManager/Commons/2015/4/9/40-09-04-2015--14-49-21.jpg"><img src="/FileManager/Articles/mce/2015/4/9/40-09-04-2015--14-49-21.jpg" alt="" /></a></p>
<p><a class="thickbox" title="" href="/FileManager/Commons/2015/4/9/41-09-04-2015--14-49-31.jpg"><img src="/FileManager/Articles/mce/2015/4/9/41-09-04-2015--14-49-31.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>