<p><span style="color: #000000;"><strong>(ក្រចេះ)៖</strong> លោក សេក ប៊ុនហេង អភិបាលស្រុកព្រែកប្រសព្វ ខេត្តក្រចេះ បានបញ្ជាក់ថា កម្លាំងរបស់លោកបានចាប់ខ្លួនមន្រ្តី អង្គការការពារបរិស្ថានម្នាក់ បន្ទាប់ពីប្រជាពលរដ្ឋបានប្តឹង រឿងចាប់ជំរិតទារលុយពីគាត់ គ្រាន់តែដឹកតាមគោយន្តកន្រ្តៃយ៍ ចំនួន១៥០០០រៀល។</span></p>
<p><span style="color: #000000;">លោកបានបញ្ជាក់ថា ការចាប់ខ្លួន មន្រ្តីអង្គការនេះបានធ្វើឡើង នៅយប់ថ្ងៃទី១៥ ខែកុម្ភៈ ឆ្នាំ២០១៧ ស្ថិតនៅភូមិខ្សាច់ទប់ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ។</span></p>
<p><span style="color: #000000;">លោក នូ ចាន់ផល្លា អធិការនគរបាលស្រុកព្រែកប្រសព្វ បានបញ្ជាក់ថា ជនសង្ស័យមានឈ្មោះ វឿន ប៊ុនធឿន អាយុ២៤ឆ្នាំ ដែលត្រូវបានប្រជាពលរដ្ឋ មានឈ្មោះ ដួង ស្រីថាវ ភេទស្រី បានចាប់ជំរិតទារលុយពីគាត់ចំនួន១៥០០០រៀល ពេលដឹកឈើតាម គោយន្ត កន្រៃយ៍។</span></p>
<p><span style="color: #000000;">បន្ទាប់ពីសួរនាំរួច ជនសង្ស័យត្រូវបានបញ្ជូនទៅសួរនាំបន្តទៀត នៅការិយាល័យព្រហ្មទណ្ឌកម្រិតស្រាល ខេត្តដើម្បីចាត់ការ តាមផ្លូវច្បាប់៕</span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-16-02-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-02-16-16-02-31-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>