<div class="article-content">
<p><strong>ភ្នំពេញ ៖</strong> នារីម្នាក់ ត្រូវរងរបួសធ្ងន់ធ្ងរ ក្នុងខណៈដែលរូបនាង បានជិះម៉ូតូម៉ាកវ៉េវ ពណ៌ក្រហម<br /> ហើយត្រូវយុវជនម្នាក់ជិះម៉ូតូ CBR ក្នុងល្បឿនលឿន ជ្រុលបុកទល់មុខគ្នា ពេញទំហឹង កាលពី<br />វេលាម៉ោង ២១ និង ២០ នាទីយប់ថ្ងៃ ទី០៨ ខែឧសភា ឆ្នាំ២០១៣ នៅចំណុចផ្លូវលេខ១៥៤ <br />សង្កាត់ផ្សារថ្មី៣ ខណ្ឌដូនពេញ ។ </p>
<p>យោងតាម សេចក្ដីរាយការណ៍ ពីកន្លែងកើតហេតុ បានឲ្យដឹងថា មុនពេលកើតហេតុនោះ ប្រជា<br />ពលរដ្ឋបានឃើញយុវជនម្នាក់ វ័យជាង ២០ ឆ្នាំ បាន ជិះ ម៉ូតូមួយគ្រឿង ម៉ាក CBR ពណ៌ខ្មៅ ពាក់<br />ស្លាកលេខ ភ្នំពេញ 1BU 3670 តាមបណ្ដោយផ្លូវលេខ ១៥៤ ក្នុងទិសដៅ ពីលិចទៅកើត ដោយ<br />បានបើក យ៉ាង លឿន លុះបើកមកដល់ចំណុចកើត ហេតុ ស្រាប់តែរេចង្កូត បុកចំពីមុខម៉ូតូ មួយ<br />គ្រឿងទៀត ម៉ាកវ៉េវ ពណ៌ក្រហម ពាក់ស្លាកលេខ ភ្នំពេញ 1BI 1406 ជិះដោយនារីម្នាក់ ពេញ<br />ទំហឹងតែម្តង ដែលបណ្ដាលឲ្យនារី ជាម្ចាស់ម៉ូតូវ៉េវ ត្រូវរងរបួសធ្ងន់ ហើយម៉ូតូទាំងពីរគ្រឿងត្រូវ<br />រងការខូចខាត ស្ទើរទាំង ស្រុង ។</p>
<p>ពាក់ព័ន្ធនឹងករណី គ្រោះថ្នាក់ចរាចរណ៍ខាងលើនេះ ប្រជាពលរដ្ឋជាច្រើន បានធ្វើការរិះគន់ យ៉ាង<br />ខ្លាំងចំពោះការនិយាយស្តី របស់នគរបាលមូលដ្ឋាន ក្នុងខណៈដែលក្រុមអ្នកកាសែត សួរព័ត៌មាន<br /> ជុំវិញហេតុការណ៍គ្រោះថ្នាក់នេះ តែបែរជានគរបាលមូលដ្ឋាន ប៉ុស្តិ៍ផ្សារថ្មី៣មួយរូប បានឆ្លើយទាំង<br />ពាក្យ សម្ដីគំរោះគំរើយ និងបានជំរុញឲ្យអ្នក កាសែតទៅសួរដាក់ថ្នាក់ អធិការខណ្ឌថែមទៀតផង។<br /> ទាក់ទិននឹងការឆ្លើយ របស់នគរបាលមួយរូបខាងលើ នេះប្រជាពលរដ្ឋ មានការអន់ចិត្តខ្លាំងណាស់<br /> ព្រោះសូម្បីតែនគរបាលមូលដ្ឋាន ក៏មិនស្គាល់ឈ្មោះប៉ុស្តិ៍ខ្លួនឯងផង ចុះទម្រាំប្រជាពលរដ្ឋវិញនោះ<br /> តើវាយ៉ាងម៉េចវិញទៅ? ។ </p>
<p>បន្ទាប់ពីកើតហេតុ សមត្ថកិច្ចនគរបាល ចរាចរណ៍ខណ្ឌដូនពេញបានចុះមកអន្តរាគមន៍ ធ្វើការវាស់<br />វែងអូសយកម៉ូតូទាំងពីរគ្រឿង យកទៅរក្សាទុក នៅអធិការដ្ឋាន នគរខណ្ឌដូនពេញ រង់ចាំដោះ<br />ស្រាយតាមផ្លូវច្បាប់ ។ ចំណែកនារីរងគ្រោះ ត្រូវបានសមត្ថកិច្ច បញ្ជូនទៅសង្គ្រោះនៅមន្ទីរពេទ្យ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-015/T-0148.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-015/T-0149.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0150.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0151.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>