<p><span style="color: #000000;"><strong>ភ្នំពេញ ៖</strong> កម្លាំងមជ្ឈមណ្ឌលកំចាត់មីន កម្ពុជា ហៅកាត់ថា ស៊ីម៉ាក បានសហការ ជាមួយកម្លាំង សមត្ថកិច្ច ខេត្ដកណ្ដាល បាន បើកប្រតិបត្ដិការ ចុះស្រង់គ្រាប់បែក ម៉ាកMK82 សម្រាប់ទម្លាក់ ពីលើយន្ដហោះ របស់សហរដ្ឋអាមេរិក ចេញពីទឹកទន្លេមេគង្គ ក្នុងភូមិល្វាសលើ ឃុំល្វាស ស្រុកល្វាឯម ខេត្ដកណ្ដាល កាលពីវេលាម៉ោង៩និង៣០នាទីព្រឹកថ្ងៃទី២១ ខែឧសភា ឆ្នាំ២០១៥។</span></p>
<p><span style="color: #000000;">ប្រភពព័ត៌មានពីសមត្ថកិច្ចខេត្ដកណ្ដាល បានឱ្យដឹងថា កម្លាំងប្រតិបត្ដិការជិត១០នាក់ បានប្រើកាណូត ពីរគ្រឿង ចុះស្រង់យកគ្រាប់បែកមួយគ្រាប់នេះ ដែលមានទម្ងន់ ៥០០ផោន ស្មើ២២៧គីឡូក្រាម ប្រវែង២.២២ម៉ែត្រ មុខកាត់ ២៧៣មិល្លីម៉ែត្រ ។</span></p>
<p><span style="color: #000000;">សមត្ថកិច្ចបានបញ្ជាក់ថា កាលពីអំឡុងខែមេសា ឆ្នាំ២០១៥ មានប្រជាពលរដ្ឋអ្នកនេសាទ បានបង់ សំណាញ់ ស្រាប់តែប្រទះឃើញ គ្រាប់ដ៏ធំមួយនេះ នៅក្នុងទឹកទន្លេមេគង្គ ទើបរាយការណ៍សមត្ថកិច្ច ហើយសមត្ថកិច្ច ខេត្ដកណ្ដាល ក៏រាយការណ៍ខាងស៊ីម៉ាក ។</span></p>
<p><span style="color: #000000;">នៅពេលនោះ ក្រុមមុខទឹករបស់ស៊ីម៉ាក បានមកសាកល្បងម៉ាស៊ីនមុខទឹក ដើម្បីរាវរកគ្រាប់ នៅតាមដង ទន្លេមេគង្គហើយ ក៏បានបើកប្រតិបត្ដិការ ចុះរាវរកនិងស្រង់គ្រាប់ដ៏ធំមួយនេះ ក្នុងជំរៅទឹក៥ម៉ែត្រ មកដាក់លើគោក ។</span></p>
<p><span style="color: #000000;">ក្រោយពីស្រង់គ្រាប់រួចហើយ ក្រុមការងារ បានដឹកយកគ្រាប់ទៅកាត់ក្បាល នៅចំណុចបឹងជោរជន់ ក្នុងឃុំល្វាស មុនពេលដឹកយកទៅរក្សា នៅកន្លែងស៊ីម៉ាក ។</span></p>
<p><span style="color: #000000;"><a class="thickbox" title="" href="/FileManager/Commons/2015/5/21/5-21-2015-2-26-38-pm-21-05-2015--14-32-57.png"><span style="color: #000000;"><img src="/FileManager/Articles/mce/2015/5/21/5-21-2015-2-26-38-pm-21-05-2015--14-32-57.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/5/21/5-21-2015-2-26-50-pm-21-05-2015--14-33-07.png"><span style="color: #000000;"><img src="/FileManager/Articles/mce/2015/5/21/5-21-2015-2-26-50-pm-21-05-2015--14-33-07.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/5/21/5-21-2015-2-27-04-pm-21-05-2015--14-33-17.png"><span style="color: #000000;"><img src="/FileManager/Articles/mce/2015/5/21/5-21-2015-2-27-04-pm-21-05-2015--14-33-17.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>