<p>ព័ត៌មានអន្តរជាតិ ៖ យោងតាមការ ដកស្រង់អត្ថបទផ្សាយ ពីគេហទំព័រ សារព័ត៌មានបរទេស aljaz - eera បានចេញផ្សាយ អត្ថបទអោយដឹងថា នៅឯប្រទេសចិន ឯណោះវិញ រដ្ឋាភិបាលប្រទេសនេះ បានសម្រេចចិត្ត ធ្វើការបំផ្លាញចោល នូវភ្លុកសត្វព្រៃ ខុសច្បាប់ ដល់ទៅ ៦ តោន ខណៈមានការ ព្រួយបារម្ភ ពីការប្រមាញ់សត្វដំរី ។</p>
<p>គួររំឭកផងដែរថា កាលពីឆ្នាំកន្លងទៅ បើតាមការប៉ាន់ប្រមាណ ពីក្រុមអ្នកជំនាញសត្វព្រៃ បានអះ អាងអោយដឹងថា ដំរីប្រមាណជាង ៣៥,០០០ ក្បាល ត្រូវបាន ជនអគតិសម្លាប់ ដើម្បីយកភ្លុក ធ្វើការ ចរាចរណ៍ ជួញដូរ តាមលក្ខណៈទីផ្សារងងឹត។</p>
<p><a class="thickbox" title="" href="http://camnews.com.kh/FileManager/Commons/2014/1/8/china-destroys-tonnes-of-illegal-ivory-08-01-2014--11-20-59.jpg"><img src="http://camnews.com.kh/FileManager/Articles/mce/2014/1/8/china-destroys-tonnes-of-illegal-ivory-08-01-2014--11-20-59.jpg" alt="" /></a></p>
<p>នាយកដ្ឋានសត្វព្រៃ មកពីភាគខាងត្បូង ក្រុង Donngguan ប្រទេសចិន បានរៀបចំកម្មវិធីបំផ្លាញមួយ នេះកាលពីថ្ងៃច័ន្ទ កន្លងទៅ ខណៈពេលដែលវា គឺជាយុទ្ធនាការ បំផ្លាញលក្ខណៈទ្រង់ទ្រាយធំ និងជា លើកដំបូងគេ បង្អស់នៅក្នុងប្រទេសចិន ។ ក្រុមអ្នកជំនាញសត្វព្រៃ បាននិយាយថា ព្រឹត្តិការណ៍ មួយ នេះគឺស្តែងអោយឃើញថា រដ្ឋាភិបាល ក្នុងតំបន់ ពិតជា មានការព្រួយបារម្ភជាខ្លាំង ទាក់ទិននឹងការ ចរាចរណ៍ពាណិជ្ជកម្ម ងងឹត ស្តីពី ភ្លុកដំរី ខណៈប្រទេសនេះ គឺជាទីផ្សារ ចរាចរណ៍ ធំបំផុតលើលោក</p>
<p>Azzedine Downs នាយកចាត់ការទូទៅ មកពីអង្គការ International Fund for Animal Welfare បាន គូសបញ្ជាក់អោយដឹងថា ពិធីបំផ្លាញភ្លុកដំរី ដ៏ច្រើន និងសន្ធឹកសន្ធាប់យ៉ាងដូច្នេះ ធ្វើឡើង ដើម្បីជា ការបញ្ជាក់ ដល់ក្រុមមនុស្សដែលជា អ្នកចរាចរណ៍ ភ្លុកដំរី ទាំងអស់អោយដឹងថា រាល់ការចរាចរណ៍ ភ្លុកដំរី គ្រប់រូបភាព គឹជារឿងខុសច្បាប់ និង គ្មានគុណធម៌ សីលធម៌ ។</p>
<p>IFAW បន្តគូសបញ្ជាក់អោយដឹងថា ករណីបំផ្លាញលើកនេះ សរបញ្ជាក់ ថាជានិមិត្តសញ្ញាដ៏មានអនុ ភាព ខណៈពេលដែលរដ្ឋាភិបាល ប្រទេសចិន មានការព្រួយបារម្ភជាខ្លាំង ទាក់ទិនទៅនឹង ករណីចរា ចរណ៍ភ្លុកដំរីខុសច្បាប់ ក៏ដូចជា ការធ្លាក់ចុះ នៃអត្រាពូជដំរី ខណៈញ៉ាំងអោយ បណ្តាប្រទេសក្នុងតំ បន់ មានការសហការគ្នា ក្នុងការ ប្រឆាំងបទល្មើស គ្រប់រូបភាព ស្តីពី ការជួយដូរភ្លុកដំរីខុសច្បាប់៕</p>
<p style="text-align: right;">ប្រែសម្រួល ៖ កុសល<br />ប្រភព ៖ aljazeera</p>