<p class="normal"><span style="color: #000000;">អគ្គនាយករបស់ CIA កាលពីម្សិលមិញ បានព្រមានថា ក្រុមរដ្ឋអ៊ីស្លាម IS កំពុងតែមានបំណង</span><br /><span style="color: #000000;">បើកការវាយប្រហារទៅលើអាមេរិក ដូចទៅនឹងករណីវាយប្រហារនៅ ព្រលានយន្ដហោះ ក្រុង </span><br /><span style="color: #000000;">Istanbul។</span></p>
<p class="normal"><span style="color: #000000;">អគ្គនាយកនៃទីភ្នាក់ងារចារកម្មអាមេរិក (CIA) John Brennan បានឱ្យដឹងថា ករណីភេរវកម្មនៅ</span><br /><span style="color: #000000;">ឯព្រលានយន្ដអន្តរជាតិ Ataturk ក្នុងក្រុង Istanbul ប្រទេសទួគី គឺមានសញ្ញាទាំងអស់របស់ក្រុម</span><br /><span style="color: #000000;">រដ្ឋអ៊ីស្លាម។ ក្រុមនេះ អាចនឹងមានគម្រោងវាយប្រហារដូចគ្នានេះ ទៅលើសហរដ្ឋអាមេរិក។</span></p>
<p class="normal" style="text-align: center;"><span style="color: #000000;"><a class="thickbox" title="" href="/FileManager/Commons/2016/6/30/cia-30-06-2016--09-56-07.jpg"><span style="color: #000000;"><img src="/FileManager/Articles/mce/2016/6/30/cia-30-06-2016--09-56-07.jpg" alt="" /></span></a></span></p>
<p class="normal" style="text-align: center;"><span style="color: #000000;">អគ្គនាយកនៃទីភ្នាក់ងារចារកម្មអាមេរិក (CIA) លោក John Brennan</span><br /><br /></p>
<p class="normal"><span style="color: #000000;">ទំព័រ Yahoo News ដកស្រង់សំដី លោក Brennan ឱ្យដឹងថា “ខ្ញុំមានការព្រួយបារម្ភអំពីបញ្ហានេះ</span><br /><span style="color: #000000;">ខ្លាំងណាស់”។ លោក Brennan បន្តថា ការទប់ទល់នឹងក្រុមភេរវកម្មបំផ្ទុះគ្រាប់បែកអត្តឃាត គឺ</span><br /><span style="color: #000000;">ជារឿងលំបាក ព្រោះថា ពួកវាមិនមានបំណងរត់គេចខ្លួននោះទេ ថែមពីនេះ ពួកវាមានការប្ដេជ្ញា</span><br /><span style="color: #000000;">ចិត្តខ្ពស់ផងដែរ។</span></p>
<p class="normal"><span style="color: #000000;">មេដឹកនាំ CIA សង្កត់ធ្ងន់ថា ៖ “ខ្ញុំនឹងមានការភ្ញាក់ផ្អើល បើសិនក្រុមរដ្ឋអ៊ីស្លាមមិនមានបំណង</span><br /><span style="color: #000000;">វាយប្រហារបែបនេះ ទៅលើអាមេរិក”។ ប៉ុន្តែ លោក Brennan មិនបានអះអាងថា ក្រុមរដ្ឋអ៊ី</span><br /><span style="color: #000000;">ស្លាម នៅពីក្រោយការវាយប្រហារនៅព្រលានយន្តហោះ ក្រុង Istanbul នោះទេ។ បច្ចុប្បន្ន </span><br /><span style="color: #000000;">ក្រុមរដ្ឋអ៊ីស្លាម ក៏មិនទាន់ចេញមកទទួលខុសត្រូវក្នុងការវាយប្រហារនេះនោះដែរ។</span></p>
<p class="normal"><span style="color: #000000;">សូមរំលឹកថា ការបំផ្ទុះគ្រាប់បែកអត្តឃាត និងបាញ់ប្រហារបីលើក ត្រូវបានធ្វើឡើងជាបន្តបន្ទាប់</span><br /><span style="color: #000000;">នៅព្រលានយន្តហោះ Ataturk ក្រុង Istanbul បណ្ដាលឱ្យមានមនុស្សស្លាប់យ៉ាងតិច ៤១នាក់ </span><br /><span style="color: #000000;">និងអ្នករងរបួស ២៤០នាក់។ នាយករដ្ឋមន្ដ្រីទួគី លោក Binali Yildirim ថ្លែងថា ការស៊ើបអង្កេត</span><br /><span style="color: #000000;">ជំហានដំបូង បង្ហាញថា មានសញ្ញារបស់ក្រុមភេរវកម្ម IS។</span></p>
<p class="normal" style="text-align: right;"><span style="color: #000000;">ប្រែសម្រួល ៖ បុត្រា</span></p>