<p><span style="color: #000000;">ព័ត៌មានអន្តរជាតិ ៖ ចោរសមុទ្រ សូម៉ាលី ដែលបានប្លន់យកនាវាដឹកប្រេងមួយគ្រឿងនោះ បាន សម្រេចដោះលែងនាវា ទៅវិញហើយ ដោយគ្មានលក្ខខ័ណ្ឌ នេះបើយោងតាមការគូសបញ្ជាក់ដោយ ផ្ទាល់ពីសំណាក់មន្រ្តីផ្លូវការ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/17/34c-17-03-2017--09-14-07.jpg"><img src="/FileManager/Articles/mce/2017/3/17/34c-17-03-2017--09-14-07.jpg" alt="" /></a><br /></span></p>
<p><span style="color: #000000;"><a class="thickbox" title="" href="/FileManager/Commons/2017/3/17/34-17-03-2017--09-13-12.jpg"><img src="/FileManager/Articles/mce/2017/3/17/34-17-03-2017--09-13-12.jpg" alt="" /></a><br /></span></p>
<p><span style="color: #000000;">សេចក្តីប្រកាស ពាក់ព័ន្ធនឹងការដោះលែងកាប៉ាល់មកវិញ ក្រោយពីចោរសមុទ្រ សូម៉ាលីប្លន់នោះ ធ្វើឡើង រយៈពេលមួយម៉ោងក្រោយ បន្ទាប់ពីមានការបាញ់បោះគ្រាប់ពិត រវាងចោរសមុទ្រ និងកង កម្លាំងកងទ័ពជើងទឹក ទៅលើទូកមួយគ្រឿង ដែលគេមានជំនឿជាក់ឲ្យដឹងថា កំពុងតែដឹកគ្រឿង ឧបភោគបរិភោគ ក៏ដូចជា សម្ភារៈ ទៅកាន់ក្រុមចោរប្លន់ មហាសមុទ្រ ។ នាវាដឹកប្រេង ដែលធ្វើ ដំណើរពី Djibouti ទៅកាន់រដ្ឋធានីសូម៉ាលី Mogadishu ត្រូវបានក្រុមចោរសមុទ្រ ប្លន់យកកាលពីថ្ងៃ ច័ន្ទដើមសប្តាហ៍នេះ ខណៈមានក្រុមការងារ នាវិក ជនជាតិ ស្រី លង្កា ៨ នាក់ ។ ការប្លន់នាវាដឹក ប្រេងលើកនេះ គឺជាការប្លន់នាវានៅឈូងសមុទ្រ ប្រទេសសូម៉ាលី ជាលើកដំបូងហើយ បើចាប់គិត ពីឆ្នាំ ២០១២ ។ </span></p>
<p><span style="color: #000000;">លោក Abdirahman Mohamud Hassan អគ្គនាយកចាត់ការទូទៅ នៃកងកម្លាំងប៉ូលីស សមុទ្រ Puntland ឲ្យដឹងថា បន្ទាប់ពីមានការបាញ់បោះគ្រាប់ពិត នារសៀលថ្ងៃនេះ កងកម្លាំងរបស់ យើងបានដកថយ និងបានពិភាក្សា ពីគម្រោងផែនការ ខណៈក្រុមចោរសមុទ្រក៏បានរត់គេចខ្លួន ។ </span></p>
<p><span style="color: #000000;">យោងតាមសារព័ត៌មាន Reuters ឲ្យដឹងថា ក្រុមចោរសមុទ្រ បានអះអាងថាមានការដោះលែងនាវា ដឹកប្រេងពិតប្រាកដមែន ដោយគ្មានការទទួលយកប្រាក់រំលោះអីនោះទេ ។ ទោះជាយ៉ាងណាក៏ ដោយចុះ អតីតមន្រ្តីយោធាចក្រភពអង់គ្លេស លោក John Steed ដែលទទួលបន្ទុកអស់រយៈពេល ជាច្រើនឆ្នាំ ក្នុងការចរចារ ពាក់ព័ន្ធនឹងការដោះលែង ចំណាប់ខ្មាំងដែលត្រូវបានចោរសមុទ្រប្រទេស សូម៉ាលីចាប់នោះ គូសបញ្ជាក់ដល់សារព័ត៌មាន AFP ឲ្យដឹងថា ក្រោមចោរសមុទ្រ បានសម្រេច ចិត្ត ក្នុងការដោះលែងនាវា ដែលពួកគេមិនអាចបដិសេធបាន។ </span></p>
<p><span style="color: #000000;">គួរបញ្ជាក់ថា លោក Hassan គូសបញ្ជាក់មុននេះឲ្យដឹងថា ក្រុមចោរសមុទ្រ បានបាញ់បោះគ្រាប់ ពិតជាមួយនឹងឆ្មាំសមុទ្រ នៅថ្ងៃព្រហស្បត្តិ៍ ម្សិលមិញនេះ បន្ទាប់ពីអាជ្ញាធរ ព្យាយាម រារាំង និង រំខានដល់ទូកមួយគ្រឿង ដែលត្រូវបានគេជឿថា កំពង់តែដឹកសម្ភារៈ ដូចជា គ្រឿងឧបភោគបរិភោគ ជាដើមនោះ ទៅផ្គត់ផ្គង់ឲ្យក្រុមចោរសមុទ្រ ។ តាមរយៈការបាញ់បោះនៅលើដែនទឺកលើកនេះ គឺ បានបណ្តាលឲ្យមនុស្ស ៤នាក់ រងរបួស នេះបើយោងតាមសារព័ត៌មាន ប៊ីប៊ីស៊ី ៕</span></p>
<p><span style="color: #000000;"><a class="thickbox" title="" href="/FileManager/Commons/2017/3/17/34a-17-03-2017--09-13-28.jpg"><img src="/FileManager/Articles/mce/2017/3/17/34a-17-03-2017--09-13-28.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/3/17/34b-17-03-2017--09-13-36.jpg"><img src="/FileManager/Articles/mce/2017/3/17/34b-17-03-2017--09-13-36.jpg" alt="" /></a><span style="color: #000000;"><a class="thickbox" title="" href="/FileManager/Commons/2017/3/17/34a-17-03-2017--09-13-28.jpg"></a><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>