<p><span style="color: #000000;"><strong>(ម៉ានីឡា)៖</strong> អង្គការសុខភាពពិភពលោក បានប្រគល់វិញ្ញាបនបត្រ និងពានរង្វាន់ទទួលស្គាល់ ការខិតខំប្រឹងប្រែងរបស់កម្ពុជា ក្នុងការលុបបំបាត់ជំងឺជើងធំដូចដំរី (ហ្វីឡារីយ៉ាស៊ីស) បានទាំងស្រុង ជូនលោករដ្ឋមន្ត្រី ម៉ម ប៊ុនហេង ក្នុងកិច្ចប្រជុំគណៈកម្មការថ្នាក់តំបន់ប៉ាស៊ីហ្វិកខាងលិច របស់អង្គការសុខភាពពិភពលោកនៅព្រឹកថ្ងៃទី១០ ខែតុលា ឆ្នាំ២០១៦ ដែលមានប្រទេសជាសមាជិកចូលរួមទាំងអស់ចំនួន៣៨ប្រទេស នៅការិយាល័យអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច ទីក្រុងម៉ានីឡា ប្រទេសហ្វីលីពីន។</span></p>
<p><span style="color: #000000;">ពានរង្វាន់នេះ ប្រគល់ដោយលោកវេជ្ជបណ្ឌិត យិន យុងស៊ូ នាយកអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច និងមានវត្តមានលោកស្រីវេជ្ជបណ្ឌិត ម៉ាហ្គារ៉ែត ចាន់ អគ្គនាយកអង្គការសុខភាពពិភពលោក ទូទាំងសកលលោក ជូនលោកវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជា។</span></p>
<p><span style="color: #000000;">សូមជំរាបថា ជំងឺជើងធំ ដូចដំរីនេះ បង្កឡើងដោយពពួកព្រូនដង្កូវឈ្មោះ វុចឆេរីយ៉ាបង់ក្រូវទី ដែលធ្វើឲ្យជើងហើមធំ ដូចជើងដំរី នៅភាគខាងជើងប្រទេស ដូចជារតនគីរី ស្ទឹងត្រែង និងព្រះវិហារ ជាដើម ហើយប្រជាជននៅតាមតំបន់នេះ អាចរងហានិភ័យ ដោយការឆ្លងជំងឺ ជើងធំដូចដំរី តាមរយៈមូសប្រភេទ អាណូហ្វែល ដែលធ្វើឲ្យប៉ះពាល់ ដល់ប្រព័ន្ធឡាំហ្វាទិក ធ្វើឲ្យជើងឡើងធំ ដូចជើងដំរី។ </span><br /><span style="color: #000000;">ដោយមានការគាំទ្រ និងយកចិត្តទុកដាក់ប្រកប ដោយការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា តាមរយៈការខិតខំរបស់ក្រសួងសុខាភិបាល និងកម្មវិធីជាតិលុបបំបាត់ជំងឺជើងធំ ដូចជើងដំរី ដោយការផ្តល់ថ្នាំបំបាត់ព្រួនដង្កូវ វុចឆេរីយ៉ាបង់ក្រូទី នៅតំបន់មានហានិភ័យ និងអប់រំសុខភាពដល់ប្រជាជនប្រទេសកម្ពុជា បានលុបបំបាត់ជំងឺជើងធំដូចដំរីនេះ ប្រកបដោយជោគជ័យ ដោយមានការទទួលស្គាល់ ពីអង្គការសុខភាពពិភពលោក។</span></p>
<p><span style="color: #000000;">នេះជាមោទនភាពជាតិខ្មែរមួយ ដែលបានទទួលពានរង្វាន់នេះ ហើយគឺជាសមិទ្ធិផលរួម របស់ប្រជាជនកម្ពុជា ក្នុងការលើកកម្ពស់សុខុមាលភាព ហើយលោករដ្ឋមន្ត្រី សូមកោតសរសើរ ដល់មន្ត្រីសុខាភិបាលទាំងអស់ ដែលបានខិតខំធ្វើឲ្យមានលទ្ធផលល្អប្រសើរនេះ រហូតឈានទទួលបានពានរង្វាន់ដ៏ថ្លៃថ្លា មិនអាចកាត់ថ្លៃបាននេះ៕</span></p>
<p><span style="color: #000000;"><img src="http://image.freshnewsasia.com/2016/fn-2016-10-10-17-48-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-10-10-17-48-00-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-10-10-17-48-04-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-10-10-17-48-05-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>