<p><span style="color: #000000;"><strong>(កំពត)៖</strong> លោកវរសេនីយ៍ទោ ហែម ចាន់ដារ៉ា មេបញ្ជាការរង និងជាប្រធានមន្ទីរយុត្តិធម៌អាវុធហត្ថខេត្តកំពត បានប្រាប់ឲ្យដឹងថា កម្លាំងអាវុធហត្ថខេត្ត ឃាត់ខ្លួន ជនសង្ស័យជាប្តី ដែលបានសម្លាប់ជនរងគ្រោះ រឿងលួចមានសាហាយស្មន់ ជាមួយប្រពន្ធរបស់ខ្លួនកាលពី ព្រឹកទាបភ្លឺថ្ងៃទី២៨ ខែធ្នូ ឆ្នាំ២០១៦។</span></p>
<p><span style="color: #000000;">ការឃាត់ខ្លួនធ្វើឡើងនៅជិតវេលាថ្ងៃត្រង់ទី២៩ ខែធ្នូ ឆ្នាំ២០១៦ ស្ថិតនៅចំណុចភូមិដំណាក់ចំបក់ ឃុំសំរោងលើ ស្រុកបន្ទាយមាស ខេត្តកំពត។</span></p>
<p><span style="color: #000000;">សូមបញ្ជាក់ថា បុរសម្នាក់បានស្លាប់យ៉ាងអណោចអធ័ម ក្នុងថ្លុកឈាម ខណ:ជនរងគ្រោះបង្កើតស្នេហា ប៉ះភ្លើងប្រច័ណ្ឌ ត្រូវជនដៃដល់ជាប្តី ដែលទើបលែងលះគ្នា ជាមួយប្រពន្ធបានប្រមាណ២ខែ កាប់ជាច្រើនពូថៅ។</span></p>
<p><span style="color: #000000;">មន្ត្រីនគរបាលមូលដ្ឋាន បានប្រាប់ថា ជនរងគ្រោះមានឈ្មោះ សៅ ចន្ថន ហៅខូយ អាយុ៤៨ឆ្នាំ។ រីឯជនដៃដល់ជាប្តី ឈ្មោះ ជ័យ ប៊ុនធឿន អាយុ៣៨ឆ្នាំ ហើយស្ត្រីជាប្រពន្ធ ដែលលែងលះគ្នាបាន២ខែឈ្មោះ កែវ ច្រាន់ អាយុ៤០ឆ្នាំ មានកូនក្នុង៥នាក់។</span></p>
<p><span style="color: #000000;">ជនរងគ្រោះ និងជនសង្ស័យ រស់នៅភូមិឃុំកើតហេតុខាងលើ។ តាមការឲ្យដឹងពីមន្ត្រីនគរបាលដដែល ជនរងគ្រោះរូបនេះ លួចមានទំនាក់ទំនងស្នេហា ជាមួយស្រ្តីជា ប្រពន្ធរបស់ ជនដៃដល់ជាច្រើនថ្ងៃមកហើយដែរ។</span></p>
<p><span style="color: #000000;">មន្រ្តីនគរបាលបានបន្តទៀតថា មុនពេលកើតហេតុ ជនរងគ្រោះបានជិះម៉ូតូមកផ្ទះស្រ្តីជាប្រពន្ធរបស់ជនដៃដល់ ខណ:ជនរងគ្រោះ ឡើងដល់លើផ្ទះបាន១សន្ទុះក្រោយមក ចុះត្រឡប់មកវិញក៏ត្រូវប្តីដើមរបស់ស្រ្តីនោះ បានមកដល់ធ្វើសកម្មភាព កាប់លើជនរងគ្រោះ ជាច្រើនពូថៅ បណ្តាលឲ្យស្លាប់ភ្លាមៗនៅនឹងកន្លែងកើតហតុតែម្តង។ក្រោយហេតុភ្លាម ជនសង្ស័យបានរត់គេចខ្លួនបាត់៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-29-17-21-47-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-29-17-21-48-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-29-17-21-48-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-28-16-24-37-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-28-16-24-37-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-28-16-24-37-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-28-16-24-37-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>