<p><span style="color: #000000;"><strong>(ភ្នំពេញ)៖</strong> កម្លាំងអាវុធហត្ថខណ្ឌជ្រោយចង្វារ ដឹកនាំការសម្របសម្រួលតាមផ្លូវច្បាប់ ពីតំណាងអយ្យការអមសាលាដំបូងរាជធានីភ្នំពេញ នៅល្ងាចថ្ងៃទី២៦ ខែមេសា ឆ្នាំ២០១៦នេះ បានចុះទៅឆែកឆេរភូមិគ្រឹះដ៏ធំមួយកន្លែង ស្ថិតនៅចំណុចក្រុមទី៥ភូមិ៣ សង្កាត់ជ្រោយចង្វារ ខណ្ឌជ្រោយចង្វារ ដោយរកឃើញក្មេងស្រីមិនទាន់គ្រប់អាយុចំនួន១០នាក់ ដែលកំពុងធ្វើការនៅទីនោះ សង្ស័យបង្ខាំងខុសច្បាប់។</span></p>
<p><span style="color: #000000;">មេបញ្ជាការអាវុធហត្ថខណ្ឌជ្រោយចង្វារ សេង ឈាង បានប្រាប់ Fresh News នៅយប់ថ្ងៃនេះថា តាមពិតទៅករណីនេះ ក្រោយការសួរនាំបន្តិច គឺមិនមែនជាករណីបង្ខាំងមនុស្សខុសច្បាប់នោះទេ ជាការយកពួកគេ (ក្មេងស្រី) មករៀនការងារផ្នែកម៉ាស្សា ប៉ុន្តែមានសាច់ញាតិ និងបង្អូនក្មេងស្រីម្នាក់មករករឿង រហូតរាយការណ៍ទៅសមត្ថកិច្ចរបស់លោក ថាមានករណីបង្ខាំងមនុស្សខុសច្បាប់ទាំងនេះតែម្តង។</span></p>
<p><span style="color: #000000;">នារីរងគ្រោះឈ្មោះ សំ ណាងស្រីភីន អាយុ១៥ឆ្នាំ ដែលត្រូវបានសាច់ញាតិបស់នាងមកប្តឹង និងតាមរករឿង តែធាតុពិតម្ចាស់ភូមិគ្រឹះ គឺគាត់មើលទៅមានចិត្តល្អ យកពួកគេមកបណ្តុះបណ្តាលផ្នែកម៉ាស្សា។ នេះបើយោងតាមលោកមេបញ្ជាការអាវុធហត្ថខណ្ឌ។</span></p>
<p><span style="color: #000000;">យ៉ាងណាក៏ដោយ លោក សេង ឈាង បានបញ្ជាក់ថា រហូតមកដល់ពេលនេះកម្លាំងអាវុធហត្ថរបស់លោក សហការជាមួយកម្លាំងអាវុធហត្ថ ប្រឆាំងការជួញដូរមនុស្ស បាននិងកំពុងសួរនាំបន្តទៀត៕</span></p>
<p> </p>
<p><img src="https://scontent-hkg3-1.xx.fbcdn.net/hphotos-xfl1/v/t1.0-9/13087703_1593066491007716_3122464375198807761_n.jpg?oh=8f3827355bd3b6dccef0b62a1262272e&oe=57B6BCCD" alt="" width="730" /></p>
<p><img src="https://scontent-hkg3-1.xx.fbcdn.net/v/t1.0-9/13102906_1593066541007711_7340265626147283197_n.jpg?oh=a925854e4a407d0215f111a573b03c8b&oe=57A0FA60" alt="" width="730" /></p>
<p><img src="https://scontent-hkg3-1.xx.fbcdn.net/hphotos-xft1/v/t1.0-9/13087499_1593066537674378_5596699959416484447_n.jpg?oh=676a5cd2dace94c5d20b173bab241ffc&oe=57722BF2" alt="" width="730" /></p>
<p><img src="https://scontent-hkg3-1.xx.fbcdn.net/hphotos-xtf1/v/t1.0-9/13094222_1593066521007713_4199763892541213322_n.jpg?oh=cac2afe51e39bd59785a13dedddf41b3&oe=57A5B64A" alt="" width="730" /></p>
<p><img src="https://scontent-hkg3-1.xx.fbcdn.net/hphotos-xap1/v/t1.0-9/13051676_1593066494341049_8758123689555933570_n.jpg?oh=9c125a2cac50f8cd909e2765c485668d&oe=57B97533" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>