<p><span style="color: #000000;"><strong>(តួកគី)៖</strong> យោងតាមរបាយការណ៍ស្រាវជ្រាវ និងស៊ើបអង្កេតបានឲ្យដឹងថា អ្នកកាសែត BBC ឈ្មោះ Jacqueline Sutton ភេទស្រី វ័យ៥០ឆ្នាំ ពិតជាបានចង-ក នៅក្នុងបន្ទប់ទឹកនៃអាកាសយានដ្ឋានមួយនៅក្នុងប្រទេសតួកគី។ នេះបើយោងតាមការចេញផ្សាយរបស់សារព័ត៌មាន Daily Mail នៅថ្ងៃទី១៣ ខែកក្កដា។</span></p>
<p><span style="color: #000000;">លោកស្រី Sutton ត្រូវបានគេប្រទះឃើញចង-ក សម្លាប់ខ្លួននៅក្នុងបន្ទប់ទឹក នៅអាកាសយានដ្ឋាន Ataturk Airport ក្នុងទីក្រុងអ៉ីស្តង់ប៊ុល ប្រទេសតួកគី។ មូលហេតុដែលនាំឲ្យលោកស្រី Sutton ត្រូវបានគេរកឃើញថា ដោយសារតែគាត់បានខកខាតជើងយន្តហោះ ពីទីក្រុងអ៉ីស្តង់ប៊ុល ទៅកាន់ប្រទេសអ៉ីរ៉ាក់ កាលពីថ្ងៃទី២១ ខែតុលា ឆ្នាំ២០១៥។</span></p>
<p><span style="color: #000000;">មុនពេលកើតហេតុ លោកស្រី Sutton បានប្រាប់បុគ្គលិកបម្រើការងារនៅក្នុងអាកាសយានដ្ឋានថា គាត់មិនមានលុយទិញសំបុត្រយន្តហោះថ្មីនោះទេ ហើយមូលហេតុដែលនាំឲ្យគាត់ខកខាននោះគឺដោយសារតែគាត់បានផឹកបៀរអស់ចំនួន ២កំប៉ុងនៅក្នុងកន្លែងរង់ចាំ ក្នុងអាកាសយានដ្ឋាន ហើយក្រោយមក ក៏មានអារម្មណ៍មិនស្រួល ក៏ចូលបន្ទប់ទឹក ប៉ុន្តែពេលចេញមកវិញ ស្រាប់តែយន្តហោះនោះ បានហោះចោលលោកស្រីបាត់។</span></p>
<p><span style="color: #000000;">ក្រោយពីកើតហេតុ បុគ្គលិកបម្រើការងារនៅក្នុងក្រុមហ៊ុនអាកាសចរណ៍ បានប្រាប់ថា សំបុត្រយន្តហោះរបស់លោកស្រី Sutton ត្រូវបានលុបចោល ដោយលោកស្រីនឹងទិញសំបុត្រយន្តហោះថ្មី ប៉ុន្តែគេមិនបានឃើញលោកស្រី ទិញសំបុត្រថ្មីឡើយ។</span></p>
<p><span style="color: #000000;">ករណីនោះ ត្រូវបានក្រុមស៊ើបអង្កេត បើការស៊ើបអង្កេតរហូតមកដល់ពេលនេះ ទើបប្រកាសលទ្ធផលនៃការស៊ើបអង្កេត ដោយបានបញ្ជាក់ថា លោកស្រីពិតជាបានចង-ក សម្លាប់ខ្លួនមែន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/13/05-13-07-2016--15-35-32.jpg"><img src="/FileManager/Articles/mce/2016/7/13/05-13-07-2016--15-35-32.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>