<p><span style="color: #000000;">ព័ត៌មានអន្តរជាតិ ៖ ក្រុមឧទ្ទាមរដ្ឋអ៊ីស្លាម ជ្រុលនិយម ISIS បានសម្លាប់កាត់ក្បាលក៏ដូចជាបាញ់ សម្លាប់ ទាហានរដ្ឋាភិបាល ស៊ីរី ១៨ នាក់ នៅក្នុងទីក្រុងបុរាណ ដែលខ្លួនវាយដណ្តើមគ្រប់គ្រង បានទីក្រុង Palmyra នេះបើយោងតាមសេចក្តីរាយការណ៍ ពីក្រុមឃ្លាំមើលសិទ្ធមនុស្សនៅថ្ងៃច័ន្ទ ដើមសប្តាហ៍នេះផ្ទាល់តែម្តង ។ </span></p>
<p><a class="thickbox" title="" href="/FileManager/Commons/2015/12/1/12-01-12-2015--14-51-12.jpg"><img src="/FileManager/Articles/mce/2015/12/1/12-01-12-2015--14-51-12.jpg" alt="" /></a></p>
<p><span style="color: #000000;">របាយការណ៍ បញ្ជាក់អោយដឹងថា ISIS បានផ្តល់ដំណឹងដល់ពលរដ្ឋក្នុងស្រុក ស៊ីរី ពោលពលរដ្ឋ នាទីក្រុងបុរាណ Palmyra អោយដឹងថា ក្រុមឧទ្ទាមរបស់ខ្លួន នឹង ធ្វើការកាត់ទោស សម្លាប់កាត់ ក្បាល ក៏ដូចជា បាញ់សម្លាប់ បណ្តាទាហានស្មោះស្ម័គ្រ រដ្ឋាភិបាល ប្រទេសស៊ីរី ។ ប្រភព ពីអង្គ ការឃ្លាំមើលសិទ្ធមនុស្ស ប្រចាំប្រទេសស៊ីរី អោយដឹងថា បណ្តា ពលទាហាន រងទារុណកម្មស្លាប់ ទាំងនេះ ត្រូវបានក្រុមឧទ្ទាម ISIS ចាប់ឃាត់ខ្លួនបាន អំឡុងមានការប៉ះ ទង្គិចគ្នា រវាងក្រុម ISIS និងកងកម្លាំងរដ្ឋាភិបាលប្រទេសស៊ីរី កាលពីពេលកន្លងទៅនោះ នៅក្នុងទីក្រុង បុរាណ Palmyra ។ </span></p>
<p><a class="thickbox" title="" href="/FileManager/Commons/2015/12/1/12a-01-12-2015--14-51-21.jpg"><img src="/FileManager/Articles/mce/2015/12/1/12a-01-12-2015--14-51-21.jpg" alt="" /></a></p>
<p><span style="color: #000000;">ប្រភពពីអង្គការឃ្លាំមើលសិទ្ធមនុស្ស មានមូលដ្ឋាន នៅចក្រភពអង់គ្លេស អោយដឹងថា ៖ការកាត់ ទោសប្រហារជីវិត រួមមានដូចជា បាញ់សម្លាប់ និង កាត់ក្បាលនោះ ត្រូវបាន ធ្វើឡើង នៅទីវាល សាធារណៈកណ្តាលទីក្រុង បុរាណ Palmyra កាលពីពេលកន្លងទៅនេះ ខណៈបើនិយាយពីកាល បរិច្ឆេទច្បាស់លាស់ ពុំទាន់ប្រាកដនៅឡើយទេ ។ យ៉ាងណាមិញ របាយការណ៍បញ្ជាក់អោយដឹង ថា អំឡុងខែ កក្កដា ឆ្នាំ ២០១៤ ក្រុមឧទ្ទាម ISIS បានចេញផ្សាយវីដេអូ សម្លាប់កាត់ក្បាល ពល ទាហានស៊ីរី ២៥ នាក់ ពីទីក្រុង Palmyra ។ </span></p>
<p><a class="thickbox" title="" href="/FileManager/Commons/2015/12/1/12b-01-12-2015--14-51-32.jpg"><img src="/FileManager/Articles/mce/2015/12/1/12b-01-12-2015--14-51-32.jpg" alt="" /></a></p>
<p><span style="color: #000000;">គួររំឮកថា ISIS បានវាយដណ្តើមគ្រប់គ្រងបានទីក្រុងបុរាណ Palmyra ឬ Tadmur ចាប់តាំងពីខែ ឧសភាមកម្ល៉េះ ។ ចាប់តាំងពីពេលនោះមក ឈ្លើងសង្គ្រាមមួយក្រុមនេះ បានបន្តវាយប្រហារ កំ ទេចជាបន្តបន្ទាប់ ហេដ្ឋារចនាសម្ព័ន្ធក្នុងក្រុង រួមមានដូចជា ប្រាសាទ បុរាណ និងផ្នូរបុរាណ ជា ដើម។ ច្រើនជាងនេះទៅទៀត របាយការណ៍ បញ្ជាក់អោយដឹងថា ISIS តែងតែ ធ្វើការកាត់ទោស ប្រហារជីវិត ជាសាធារណ ទៅលើបុគ្គលណាមួយ ដែលរងនូវមន្ទិលសង្ស័យថាបានបម្រើការឲ្យ រដ្ឋាភិបាលប្រទេសស៊ីរី ៕</span></p>
<p><a class="thickbox" title="" href="/FileManager/Commons/2015/12/1/12c-01-12-2015--14-51-43.jpg"><img src="/FileManager/Articles/mce/2015/12/1/12c-01-12-2015--14-51-43.jpg" alt="" /></a></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ិនហួរ </span></p>