<p><span style="color: #000000;">ព័ត៌មានអន្តរជាតិ ៖ មេដឹកនាំកំពូលថ្មី នៃក្រុមអាល់កៃដា នៅក្នុងប្រទេស យេម៉ែន បានអំពាវនាវ អោយមានការវាយប្រហារ សងសឹក សហរដ្ឋអាមេរិក អំឡុង ការ ថ្លែង សុន្ទរកថា ជាលើកដំបូង ឬរបស់ខ្លួន បន្ទាប់ពី ចូលកាន់ អំណាច នេះបើយោងតាម សេចក្តី រាយការណ៍ ពីក្រុមឃ្លាំមើល សហរដ្ឋអាមេរិក SITE អំឡុងថ្ងៃព្រហស្បត្តិ៍ កន្លងទៅ បន្ទាប់ពីដកស្រង់សម្តី ចេញពីអាថ៍សម្លេង នៃក្រុម អាល់កៃដា ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/14/20-14-07-2015--09-29-31.jpg"><img src="/FileManager/Articles/mce/2015/7/14/20-14-07-2015--09-29-31.jpg" alt="" /></a><br /></span></p>
<p><span style="color: #000000;">ឈ្មោះជា Qassim al-Raymi ទទួលបានឈ្មោះថ្មី Nasser al-Wuhayshi ស្របពេលទទួលបាន តំ ណែងថ្មី តែងតាំងជាមេដឹកនាំយោធា នៃក្រុមឧទ្ទាម អាល់ កៃដា នៅឧបទ្វីបអារ៉ាប់ the Arabian Peninsula (AQAP) បន្ទាប់ពី អតីតមេដឹកនាំអាល់កៃដា Wuhayshi ត្រូវបានសម្លាប់អំឡុងខែមុន នាភាគខាងត្បូង ឆៀង ខាង កើតប្រទេស យេម៉ែន ក្រោយ មាន ការវាយប្រហារ តាមអាកាស ដោយយន្តហោះ គ្មានមនុស្សបើក ពី សហរដ្ឋអាមេរិក។</span></p>
<p><span style="color: #000000;"><a class="thickbox" title="" href="/FileManager/Commons/2015/7/14/21-14-07-2015--09-29-42.jpg"><img src="/FileManager/Articles/mce/2015/7/14/21-14-07-2015--09-29-42.jpg" alt="" /></a><br /></span></p>
<p><span style="color: #000000;">អំឡុងថ្លែងសុន្ទរកថា Raymi ធ្លាប់លើកសរសើរ អតីត មេដឹកនាំ អាល់កៃដា Wuhayshi ខណៈ សន្យា នឹងមានការតាំងចិត្ត សងសឹក ជូនចំពោះ អតីតមេដឹកនាំ អាល់កៃដា រូបនេះដោយអំពាវ នាវវាយប្រហារ សងសឹក សហរដ្ឋអាមេរិក ។ " អ្នកទាំងអស់គ្នា ចូរប្រមូលផ្តុំគ្នាជាធ្លុងមួយ និង តម្រង់អាវុធព្រមគ្នា ទៅលើគោលដៅសត្រូវតែមួយ" ក្រុមឃ្លាំមើល សហ រដ្ឋអាមេរិក SITE បាន ដកស្រង់សម្តី Raymi អំឡុងថ្លែង សុន្ទរកថា ដល់ ក្រុមម៉ូស្លឹម តាមរយៈអាថ៍វីដេអូ មានរយៈពេល ១៤ នាទី និង ៩ វិនាទី ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/14/22-14-07-2015--09-29-49.jpg"><img src="/FileManager/Articles/mce/2015/7/14/22-14-07-2015--09-29-49.jpg" alt="" /></a><br /></span></p>
<p><span style="color: #000000;">" ព្រះគាំទ្រដល់ពួកយើង ក្នុងការប្រយុទ្ធប្រឆាំងទៅនឹងសត្រូវ មិនត្រឹមតែ វាយ លុកដល់ លំនៅ ស្ថានពួកគេតែប៉ុណ្ណោះទេ ប៉ុន្តែ ជាការកោតសរសើរ និង ព្រះគុណនៃព្រះ អ្នកទាំងអស់គ្នា ត្រូវតែ លូកអោយដល់បេះដូងនៃសត្រូវ" នេះបើយោងតាមការលើកឡើង ពីសំណាក់មេដឹកនាំថ្មីនៃក្រុម អាល់កៃដា ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA </span></p>