<p><span style="color: #000000;"><strong>គ្រឿងផ្សំ</strong></span></p>
<ul>
<li><span style="color: #000000;">សាច់(ត្រី/គោ/មាន់/ជ្រូក/ឆ្អឹងជំនីរ)លាងទឹកឲ្យស្អាត រួចហាន់ជាកង់ៗ</span></li>
<li><span style="color: #000000;">ខ្ទិះដូង(ខ្ទិះដើម និងខ្ទិះចុង)</span></li>
<li><span style="color: #000000;">ម្ជូរ(សណ្ដាន់ក្រៀម/អំពិលទុំ/ត្រួយអំពិល/ស្លឹកម្កាក់/ស្លឹកថ្នឹង)</span></li>
<li><span style="color: #000000;">គល់ស្លឹកគ្រៃ រំដេង រមៀត សម្បក ឬស្លឹកក្រូចសើច ខ្ទឹមក្រហម ខ្ទឹមស បុកឬកិនចូលគ្នាឲ្យម៉ដ្ឋ</span></li>
<li><span style="color: #000000;">ប្រហុកចិញ្ច្រាំ, សណ្តែកដីបុក, ម្ទេសឆ្អើរចិញ្ច្រាំ</span></li>
<li><span style="color: #000000;">ស្ករត្នោត, ប៊ីចេង, អំបិល, ទឹកត្រី</span></li>
<li><span style="color: #000000;">ត្រកួន ឬត្រប់, ស្លឹកក្រូចសើច, ម្ទេសដៃនាង</span></li>
</ul>
<div></div>
<div><br /><span style="color: #000000;"><a class="thickbox" style="font-size: 12px;" title="" href="/FileManager/Commons/2018/7/6/khfood-06-07-2018--14-58-22.jpg"><span style="color: #000000;"><img src="/FileManager/Articles/mce/2018/7/6/khfood-06-07-2018--14-58-22.jpg" alt="" /></span></a></span></div>
<p><span style="color: #000000;"> <strong>វិធីធ្វើ</strong></span></p>
<p><span style="color: #000000;">១- ដាក់ឆ្នាំងលើចង្ក្រានឲ្យក្ដៅបន្ដិច រួចចាក់ខ្ទិះដើមពាក់កណ្ដាលទៅក្នុងឆ្នាំង កូរឲ្យឈ្ងុយ។</span></p>
<p><span style="color: #000000;">២- ដាក់ម្ទេសឆ្អើរដែលបានចិញ្ច្រាំរួចចូល រួចកូរឲ្យឡើងពណ៌ល្អ។ បន្ទាប់មក ដាក់ប្រហុក ដែលចិញ្ច្រាំរួចចូល កូរឲ្យឈ្ងុយ ទើបចាក់គ្រឿង ដែលបានបុករួចចូលព្រមគ្នា ជាមួយសណ្តែកដីបុក ហើយកូរឲ្យចូលជាតិ។</span></p>
<p><span style="color: #000000;">៣- ដាក់គ្រឿងផ្សំរសជាតិ(ស្ករត្នោត, ប៊ីចេង, អំបិល, ទឹកត្រី) រួចដាក់សាច់ចូលទុករយៈពេល ប្រហែល១០នាទី។</span></p>
<p><span style="color: #000000;">៤- បន្ទាប់មកចាក់ខ្ទិះចុងចូលល្មមលិចសាច់ រួចដាក់ម្ជូរសណ្ដាន់ ឬអំពិលទុំចូល(បើប្រើម្ជូរស្លឹកថ្នឹង ស្លឹកម្កាក់ ឬត្រួយអំពិល ចាំហាន់ដាក់ជាមួយបន្លែក្រោយគេ)</span></p>
<p><span style="color: #000000;">៥- ភ្លក្សមើលឲ្យបានរសជាតិប្រៃផ្អែមល្មម រួចចាក់ខ្ទិះដើមដែលនៅសល់ចូល ទុកមួយអំពុះ ទើបដាក់ចុះជាការស្រេច។ នៅពេលដួសទទួលទាន កុំភ្លេចយកម្ទេសដៃនាង និងស្លឹកក្រូចសើចមកហាន់រោយពីលើដើម្បីលម្អ និងមានក្លិនកាន់តែឈ្ងុយឆ្ងាញ់៕</span></p>
<p><span style="color: #000000;"><a class="c_tab" href="http://facelinecambodia.com/" target="_blank"><span style="color: #000000;"><img src="/FileManager/Articles/mce/2018/7/6/faceline-06-07-2018--15-01-17.png" alt="" /></span></a></span></p>
<p><br /><br /></p>
<p><span style="color: #000000;">អត្ថបទ៖ សារ៉ាត</span></p>
<p><span style="color: #000000;">ប្រភព៖ archphkai</span></p>