<p><span style="color: #000000;">កាលពីថ្ងៃទី ២ ខែសីហា អ្នកនាង Anne Thongprasom បានផ្ដល់សម្ភាសន៍ជាមួយផ្នែកព័ត៌មានកម្សាន្ដនៃស្ថានីយ៍ទូរទស្សន៍ Thai TV3 ។ តារាស្រី និងជាផលិតកររូបនេះ បានបង្ហើបឱ្យដឹងថា អ្នកនាងរីករាយខ្លាំងណាស់ ក្នុងការចាប់ដៃគូសម្ដែងជាថ្មីជាមួយលោក Ken Theeradeth នៅក្នុងខ្សែភាពយន្ដភាគថ្មីរឿង “Sup Tar 2550” ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/8/5/anne-thongprasom-05-08-2021--17-15-35.jpg"><img src="/FileManager/Articles/mce/2021/8/5/anne-thongprasom-05-08-2021--17-15-35.jpg" alt="" /></a><br /></span></p>
<p><span style="color: #000000;">អ្នកនាង Anne Thongprasom បាននិយាយថា វេលាចុងក្រោយ ដែលនាងសម្ដែងជាមួយនឹងលោក គឺមានរយៈពេលប្រហែល ១០ ឆ្នាំមកហើយ ។ អ្នកគាំទ្រមួយចំនួន នឹករលឹកដល់ការសម្ដែងរបស់ពួកគេ នៅក្នុងខ្សែភាពយន្ដ ហើយពួកគេរីករាយ ដែលបានដឹងពីព័ត៌មាននេះ ។</span></p>
<p><span style="color: #000000;">នាពេលនេះ តួអង្គរបស់អ្នកនាង នៅក្នុងខ្សែភាពយន្ដនេះ គឺមានលក្ខណៈខុសប្លែកពីពេលមុន ។ មិនតែប៉ុណ្ណោះ លោក Ken Theeradeth គឺជាផលិតករនៃខ្សែភាពយន្ដថ្មីនេះ ។ អ្នកនាង បានបន្ថែមថា ឈុតសំខាន់នៃខ្សែភាពយន្ដនេះ ត្រូវបានបង្កើតឡើង ដោយលោក Ken Theeradeth ហេតុដូច្នេះហើយ ទើបវាមានលក្ខណៈខុសប្លែកពីខ្សែភាពយន្ដផ្សេងទៀត ។</span></p>
<p><span style="color: #000000;">ជាងនេះទៅទៀត អ្នកនាង Anne Thongprasom ក៏បានបង្ហើបអំពីខ្សែភាពយន្ដភាគថ្មីផលិតឡើងវិញគឺរឿង “The World of The Married” ផងដែរ ។ តារាសម្ដែងប្រកបដោយប្រជាប្រិយភាពរូបនេះ បានបញ្ជាក់ថា អ្នកនាងចូលចិត្ដ និងចង់សម្ដដែងជាតួឯក នៅក្នុងខ្សែភាពយន្ដនេះ ។ អ្នកនាង នឹងសប្បាយចិត្ដខ្លាំង ប្រសិនបើអ្នកនាង បានសម្ដែងជាតួឯក នៅក្នុងខ្សែភាពយន្ដនេះមែន ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/8/5/ken-theeradeth-1-05-08-2021--17-15-56.jpg"><img src="/FileManager/Articles/mce/2021/8/5/ken-theeradeth-1-05-08-2021--17-15-56.jpg" alt="" /></a><br /></span></p>
<p><span style="color: #000000;">អ្នកនាង បានបន្ដទៀតថា ផលិតករ ដែលផលិតខ្សែភាពយន្ដលំនាំបែបថៃរឿង “The World of The Married” បានទំនាក់ទំនងមកអ្នកនាង ដើម្បីឱ្យសម្ដែង នៅក្នុងខ្សែភាពយន្ដផលិតឡើងវិញនេះ ។ ទោះជាយ៉ាងណា តួដែលនឹងសម្ដែង នៅក្នុងខ្សែភាពយន្ដ “The World of The Married” មិនទាន់ត្រូវបានបញ្ជាក់នៅឡើយទេ ។ ដូច្នេះ សូមតាមដានបន្ដទៀត សម្រាប់ព័ត៌មានថ្មីៗ ៕</span></p>
<p> <a class="c_tab" href="/Contents/mekongnet.com.kh" target="_blank"><img src="/FileManager/Articles/mce/2021/8/5/fiber-to-home-for-tnout-05-08-2021--17-16-33.jpg" alt="" /></a></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ Thaiupdate</span></p>