<div class="article-content">
<p><strong>ភ្នំពេញៈ</strong> របាំងពុះចែកទ្រូងផ្លូវ ប្រមាណជាជិត ២០ផ្ទាំង ត្រូវបានដាច់ និងដួលរាបដល់ដីដោយ<br />សារតែអ្នក បើកបរ រយន្តកូរ៉េដឹកត្រីពេញមួយគ្រឿង ងោកមួយភាំង ជ្រុលទៅបុករួចហើយផ្អៀង<br />ដេកនឹងដី ចាក់ត្រីរេលពេញផ្លូវ ចំណែកឯរថយន្ត រងការខូចខាតយ៉ាងដំណំ និងអ្នកបើកបររង<br />របួសបន្តិចបន្តួច និងព្រូរថយន្តម្នាក់ពុំមានរងរបួសនោះទេ ហេតុការណ៍នេះកើតឡើង កាលពីវេ<br />លាម៉ោង២និង២៥នាទីយប់ ឈានចូលថ្ងៃទី១៥ ខែឧសភា ឆ្នាំ២០១៣ ស្ថិតនៅតាមបណ្តោយ ផ្លូវ<br />សហព័ន្ធរុស្ស៊ី ភូមិតាងួន សង្កាត់កាកាប ខណ្ឌពោធិ៍សែនជ័យ រាជធានី ភ្នំពេញ។</p>
<p>នគរបាលបានឲ្យដឹងថា រថយន្តបង្កម៉ាកគារ ពណ៌ទឹកប៊ិច ប្រភេទ២តោនកន្លះ ពាក់ស្លាកលេខភ្នំ<br />ពេញ 2T-4921 ដឹកត្រីជាច្រើនប្រភេទពេញតែម្តង ចំណែកឯអ្នកបើកបរនិងព្រូ ពុំត្រូវបានគេស្គាល់<br />ឈ្មោះនោះទេ ដោយម្នាក់អ្នក បើកមានអាយុប្រហែល ៣០ឆ្នាំជាង និងព្រូប្រហែលជាជាង២០ឆ្នាំ ។</p>
<p>នគរបាលបានបន្តទៀតថា មុនពេលកើតហេតុរថយន្តបើកបរ ក្នុងទិសដៅពីកើតទៅលិច ដោយបើក<br />ក្នុងល្បឿន លឿន លុះដល់ចំណុចកើតហេតុ ស្រាប់តែរ៉េចង្កូតជ្រុល ទៅបុករះរបាំងដែកពុះចែកទ្រូង<br />ផ្លូវ បណ្តាលឲ្យបាក់ ដាច់ ដួលរាបដល់ដីអស់ចំនួន ១៨ផ្ទាំង រួចក៏ប្រាស់ដេកផ្អៀងខ្លួន ចាក់ត្រីរេល<br />ពេញផ្លូវ ធ្វើឲ្យរថយន្តរងការខូច ខាតយ៉ាង ដំណំ ចំណែកឯអ្នកបើកបរ គ្រាន់តែរងរបួសបន្តិចបន្តួច<br />ប៉ុណ្ណោះ ។</p>
<p>បើកតាម អ្នកបើកបររថយន្ត បាននិយាយដោយមិនបញ្ចេញឈ្មោះថា ត្រីនេះត្រូវបានគេដឹកចេញ<br />មកពីម្តុំ គីឡូ ម៉ែត្រ លេខ៤ ក្នុងសង្កាត់ព្រែកព្នៅ ក្នុងគោលបំណង យកទៅលក់នៅផ្សារកំពង់ស្ពឺ <br />ប៉ុន្តែពេលបើកមកដល់ ចំណុចកើតហេតុ ដោយសារអត់ងងុយ ក៏ងោកមួយភាំង ទើបបណ្តាលឲ្យ<br />ជ្រុលទៅបុករបាំងដែក ពុះចែកទ្រូងផ្លូវ យ៉ាងដូច្នេះទៅ។</p>
<p>សាក្សីនៅកន្លែងកើតហេតុ បាននិយាយថា មុនពេលកើតហេតុ គេឃើញរថយន្តដឹកត្រីនេះ បើកបរ<br />ក្នុងល្បឿន លឿនបង្គួរ ដល់ចំណុចកើតហេតុ បានជ្រុលចង្កូតទៅបុករបាំងដែក ពុះចែកទ្រូងរួចផ្អៀង<br />មួយចំហៀង ដេកនឹងដី ចាក់ត្រីពេញផ្លូវតែម្តងទៅ ប៉ុន្តែសំណាងល្អណាស់ ដោយខណៈនោះស្ងាត់<br /> គ្មានអ្នកដំណើរ ពុំបណ្តាលឲ្យមាន គ្រោះថ្នាក់ដល់អ្នកដទៃនោះទេ ភ្លាមៗនគរបាលចរាចរខណ្ឌមក<br />ដល់ជួយសម្រួលចរាចរ រួចហើយរថយន្តបាន យកទៅរក្សាទុក នៅសាលារាជធានីដើម្បីដោះស្រាយ<br />គ្នាទៅតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0277.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0278.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>