<p><span style="color: #000000;"><strong>(ភ្នំពេញ)៖</strong> អតីតក្រុមជើងឯកលីគកំពូលកម្ពុជា ៦សម័យកាលភ្នំពេញក្រោន បាននឹងកំពុងរៀបចំការតំឡើងប្រព័ន្ធភ្លើងនៅកីឡដ្ឋាន RSN របស់ខ្លួន ដើម្បីឆ្លើយតមនឹងតម្រូវការរបស់សហព័ន្ធកីឡាបាល់ទាត់អាស៊ី (AFC) នៅក្នុងការត្រៀមធ្វើជាម្ចាស់ផ្ទះវគ្គជម្រុះ AFC Cup 2017 ជើងទី១ និងការប្រកួតបាល់ទាត់ក្របខណ្ឌលីគកំពូលកម្ពុជា រដូវកាលថ្មី ដែលគ្រោងចាប់ផ្ដើមនាដើមឆ្នាំ២០១៧ខាងមុខនេះ។</span></p>
<p><span style="color: #000000;">បន្ទាប់ពីតុលាការអាជ្ញាកណ្ដាលអន្ដរជាតិ សម្រេចឲ្យក្លឹបភ្នំពេញក្រោន ចូលរួមប្រកួតវគ្គជម្រុះពាន AFC Cup 2017 ក្លឹបតំណាងកម្ពុជានេះ បានត្រៀមខ្លួនជាស្រេច ដើម្បីចូលរួម ហើយការចាប់ឆ្នោតក៏បានបញ្ចប់ហើយដែរ ដោយភ្នំពេញក្រោន ត្រូវជួបក្រុម Home United របស់សិង្ហបុរី ដើម្បីប្រជែងយកកៅអីវគ្គចែកពូល។ ការប្រកួតរវាងក្រុមទាំងពីរជើងទី១ គឺធ្វើលើទឹកដីកម្ពុជា ពោលគឺភ្នំពេញក្រោន ជួប Home United នៅថ្ងៃទី៣០ ខែមករា លើទឹកដីខ្លួន បន្ទាប់មកទើបជួបគ្នាជើងទី២ នៅសិង្ហបុរី នាថ្ងៃទី០៧ ខែកុម្ភៈ ឆ្នាំ២០១៧។</span></p>
<p><span style="color: #000000;">ប៉ុន្ដែដោយសារការបំភ្លឺនៅលើទីលានមិនទាន់ដល់កម្រិតស្ដង់ដា AFC ក៏តម្រូវឲ្យក្លឹបភ្នំពេញក្រោន តំឡើងភ្លើងបន្ថែម មុននឹងទទួលសិទ្ធិធ្វើម្ចាស់ផ្ទះជើងទី១ ហើយមកទល់ពេលនេះក្លឹបក៏បានធ្វើតាមការណែនាំរបស់ AFC ជិតរួចរាល់ ១០០% ហើយដែរ។ ហើយការតំឡើងភ្លើងនេះដែរ ក្លឹបក៏ចាត់ទុកជាគុណប្រយោជន៍ ដើម្បីធ្វើជាម្ចាស់ផ្ទះប្រកួតលីគកំពូលកម្ពុជា រដូវកាលថ្មី ដែលគ្រោយនឹងចាប់ផ្ដើមការប្រកួតនៅថ្ងៃទី១៨ ខែកុម្ភៈ ឆ្នាំ២០១៧ខាងមុខនេះផងដែរ៕</span></p>
<p><span style="color: #000000;"><img class="spotlight" src="https://scontent-sin6-1.xx.fbcdn.net/v/t1.0-9/15578946_1820397594866424_2500775984306003353_n.jpg?oh=aca8f42f891862d03b9d0e7c9c9e7db2&oe=58B41865" alt="No automatic alt text available." /></span></p>
<p><span style="color: #000000;"><img class="spotlight" src="https://scontent-sin6-1.xx.fbcdn.net/v/t1.0-9/15390898_1820397604866423_7066234095503015407_n.jpg?oh=e350a78d4913b5b7485a560aea3274fe&oe=58ECD034" alt="Image may contain: sky" /></span></p>
<p><span style="color: #000000;"><img class="spotlight" src="https://scontent-sin6-1.xx.fbcdn.net/v/t1.0-9/15356523_1820397601533090_4685907815129430915_n.jpg?oh=18772485e2a9c9a4b0aa3a9ba644c6e1&oe=58EA95B9" alt="No automatic alt text available." /></span></p>
<p><span style="color: #000000;"><img class="spotlight" src="https://scontent-sin6-1.xx.fbcdn.net/v/t1.0-9/15380590_1820397534866430_664279511931635367_n.jpg?oh=d472878b6dc92c217ea82ebe3250ec9d&oe=58E7D409" alt="Image may contain: 11 people, people standing and outdoor" /></span></p>
<p style="text-align: center;"><span style="color: #000000;">ក្រុមបាល់ទាត់អាជីព ភ្នំពេញក្រោន</span></p>
<p style="text-align: right;"><span style="color: #000000;">ផ្តល់សិទ្ធដោយ៖ ខ្មែរថកឃីង</span></p>