<p><span style="color: #000000;"><strong>(កំពង់ឆ្នាំង)៖</strong> មន្ត្រីយោធាពាក់ស័ក្តិ៣ម្នាក់ បានស្លាប់ភ្លាមៗនៅកន្លែងកើតហេតុ ខណៈជិះម៉ូតូមកពី ទិញម្ហូបត្រូវរថយន្ត ហ៊ីយ៉ាន់ដាយ ចំណុះ១តោនកន្លះ បើកបុកពេញទំហឹង នៅយប់ថ្ងៃទី២២ ខែកុម្ភៈ ឆ្នាំ២០១៦នៅ ចន្លោះគីឡូម៉ែត្រលេខ៨៣ និងលេខ៨៤ ក្នុងភូមិជ្រៃបាក់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ប៉ុន្តែរថយន្តបង្ក បានបើករត់ហើយក្រឡាប់បណ្តាលឲ្យ រងរបួស២នាក់ ផងដែរ។</span></p>
<p><span style="color: #000000;">អធិការរងនគរបាលស្រុករលាប្អៀរ ទទួលផែនចរាចរណ៍លោកអនុសេនីយ៍ឯក សៀង រុនបានឲ្យដឹងថាមុនពេលកើតហេតុមានរថយន្ត ហ៊ីយ៉ាន់ដាយ មួយគ្រឿង ពណ៍ខៀវពាក់ស្លាកលេខសៀមរាប 2A-5451 បើកបរទិសដៅកំពង់ឆ្នាំង-ភ្នំពេញ លុះដល់កន្លែងកើតក៏បាន បុកម៉ូតូម៉ាកវ៉េវ ពណ៌ក្រហម ពេញមួយទំហឹងបណ្ដាលឲ្យ បុរសអ្នកជិះម៉ូតូឈ្មោះ ព្រំ វុទ្ធី អាយុ៤៤ឆ្នាំ ជាមន្ត្រីយោធាពាក់សក្តិ៣ មិនស្គាល់អង្គភាពគ្រាន់តែដឹងថា អង្គភាពនៅភ្នំពេញ រស់នៅភូមិឃុំកើតហេតុខាងលើ បានស្លាប់ភ្លាមៗនៅកន្លែងកើតហេតុ ។</span></p>
<p><span style="color: #000000;">ដោយឡែកអ្នកបើកបររថយន្តខណៈឃើញដូច្នេះ បានបន្ថែមល្បឿនបើកព្យាយានរត់គេចចម្ងាយ ប្រមាណ១០គីឡូម៉ែត្រ ពីកន្លែងកើតហេតុ ដល់ចំណុចភូមិក្បាលថ្នល់ ឃុំសែប ស្រុកកំពង់ត្រឡាច ក៏ក្រឡាប់ផ្ងារជើងខ្លួនឯង ។</span></p>
<p><span style="color: #000000;">លោកអនុសេនីយ៍ឯក សៀង រុន បានបន្តឲ្យដឹងថា អ្នកបើកបរឈ្មោះ ថៃ ឆាយគី រស់នៅភូមិទី៣ សង្កាត់ទួលទំពូង២ ខណ្ឌចំការមន និងម្នាក់ទៀតជាកម្មករឈ្មោះឡាវ សារៀង ភេទប្រុស អាយុ៣៣ឆ្នាំ មានទីលំនៅបច្ចុប្បន្ននៅស្រុកទ្រាំង ខេត្តតាកែវ ត្រូវបានសមត្ថកិច្ចនគរបាលឃាត់ខ្លួន ដើម្បីដោះស្រាយតាមនីតិវិធីច្បាប់៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfl1/t31.0-8/12764615_232932640372579_8797168500089724493_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/v/t1.0-9/12743733_232932643705912_4956839830613699659_n.jpg?oh=fdac5912e06b015205e3fc9619afb178&oe=5758294C&__gda__=1466605510_b576fefa7ed901f9bd3e8b48c51bb535" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpt1/t31.0-8/12771678_232932617039248_6257632879140120900_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfp1/t31.0-8/12748145_232932610372582_1710589528937466636_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpl1/t31.0-8/12771557_232932613705915_6284719493502578520_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>