<p>កាលពីថ្ងៃទី១៣ ខែមករា ឆ្នាំ២០១៣ វេលាម៉ោង៩និង៣០នាទីយប់ នៅភូមិជំរះពេន ឃុំជំរះ<br />ពេន ស្រុកសំរោង ខេត្ដតាកែវ កម្លាំងកងរាជ អាវុធហត្ថស្រុកសំរោងឃាត់ខ្លួនមន្ត្រីយោធាម្នាក់<br /> ក្រោយពីទួទួលបណ្ដឹងពីប្រជាពលរដ្ឋថាបានបាញ់គំរាម១គ្រាប់ផ្អើល ភ្ញៀវពេញរោងការ ។</p>
<p>មន្ដ្រីយោធាម្ដាក់ដែលឃាត់ខ្លួនឈ្មោះ ម៉ាក់ ទូច ភេទប្រុស អាយុ២២ឆ្នាំ មានមុខរបរយោធា <br />ឋានន្ដរស័ក្ដិពលបាលត្រី អង្គភាពកងពលតូចដឹកជញ្ជូនលេខ៩៩ នៃកងទ័ពជើងគោក មានទី<br />លំនៅភូមិជំរះពេន ឃុំជំរះពេន ស្រុកសំរោង ខេត្ដតាកែវ ។<br /><br /><a class="thickbox" title="" href="/FileManager/Commons/2013/1/14/20120222khmer-wedding-019-14-01-2013--10-08-36.jpg"><img style="display: block; margin-left: auto; margin-right: auto;" src="/FileManager/Articles/mce/2013/1/14/20120222khmer-wedding-019-14-01-2013--10-08-36.jpg" alt="" width="373" height="339" /></a></p>
<p>ប្រភពពីមន្ដ្រីកងរាជអាវុធហត្ថ ស្រុកសំរោងបានឱ្យដឹងថា មុនពេលកើតហេតុ ជនសង្ស័យ<br />បានទៅហូបការ មិត្ដភក្ដិនៅភូមិដើមធ្លក ឃុំរវៀង ស្រុកសំរោង ខេត្ដតាកែវ ពេលកំពុងហូប<br />នៅក្នុងពិធីនោះ មានក្មេង ទំនើងដេញវាយគ្នានៅខាងក្រៅរោងការ ឃើញសកម្មភាពមិនសូវ<br />ស្រួល ជនសង្ស័យបានដកកាំភ្លើងខ្លីម៉ាក NT42 មានគ្រាប់៦ បាញ់ឡើងលើ១គ្រាប់ ដើម្បី<br />គំរាមដល់ក្មេងទំនើងទាំងនោះ ព្រោះកូនកម្លោះជាមិត្ដភក្ដិរបស់ខ្លួន ។ ក្រោយពេលសាកសួរ <br />ជនសង្ស័យបានសារភាពថា ខ្លួនពិតជាបានបាញ់ប្រាកដមែន។</p>
<p style="text-align: left;">បច្ចុប្បន្ន កម្លាំងកងរាជអាវុធហត្ថស្រុកកសាងសំណុំរឿង បញ្ជូនទៅបញ្ជាការកងរាជអាវុធហត្ថ<br />ខេត្ដ ដើម្បីចាត់នីតិវិធីបន្ដ ៕<br /><br /></p>
<p style="text-align: right;">ដោយ ៖ សីហា<br />ប្រភព ៖ NKW</p>