<p><span style="color: #000000;"><strong>កំពត៖</strong> មន្រ្តីនគរបាលម្នាក់ បានស្លាប់ និងម្នាក់ទៀតរងរបួស ធ្ងន់ ដោយសារជួបគ្រោះថ្នាក់ចរាចរ រថយន្តកូរ៉េចំណុះ ៥តោន បុករថយន្តរបស់មន្រ្តីនគរបាលទាំងពីររូប ពេលកំពុងបើកត្រឡប់មកពីការពារដំណើរទស្សនកិច្ចសួរសុខទុក្ខប្រជា ពលរដ្ឋ និងយោធិនពិការ របស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ស្ថិតនៅតាមផ្លូវគ្រោះក្រហម ក្នុងភូមិជ័យសេនា ឃុំតាកែន ស្រុកឈូក ខេត្តកំពត កាលពីព្រឹកម្សិលមិញនេះ។</span></p>
<p><span style="color: #000000;">មន្ត្រីនគរបាលខេត្តកំពត បានឲ្យដឹងថា មន្រ្តីនគរបាល ដែលទទួលមរណភាព ក្រោយបញ្ចប់ការងារការពារសុវត្ថិ ភាពជូនប្រមុខរាជរដ្ឋាភិបាលនេះ មានឈ្មោះ កង វិមុត អាយុ ៤៩ឆ្នាំ មានឋានន្តរស័ក្តិ វរសេនីយ៍ត្រី មុខងារជា នាយរងការិយាល័យគណៈនេយ្យ រស់នៅភូមិសុវណ្ណសាគរ សង្កាត់កំពង់កណ្តាល ក្រុង-ខេត្តកំពត។</span></p>
<p><span style="color: #000000;">រីឯមន្រ្តីនគរបាល ដែលជាអ្នកបើកបររថយន្ត ហើយរងរបួសធ្ងន់ដែរនោះ មានឈ្មោះ ហ៊ឹម សុធា អាយុ ៤៨ឆ្នាំ មានឋានន្តរស័ក្តិវរសេនីយ៍ទោ មុខងារជាអនុប្រធានការិយាល័យកណ្តាលនគរបាលភស្តភា ហិរញវត្ថុ ជាអ្នកជិះ រស់នៅភូមិកំពង់បាយខាងជើង សង្កាត់កំពង់បាយ ក្រុង-ខេត្តកំពត។ ជនរងគ្រោះទាំងពីរ បម្រើការងារក្នុងអង្គភាព ស្នងការដ្ឋាននគរបាលខេត្តកំពត។</span></p>
<p><span style="color: #000000;">ប្រភពព័ត៌មាន បានឲ្យដឹងថា មុនកើតហេតុមន្រ្តីនគរបាលរងគ្រោះទាំងពីរ បានជិះរថចេញពីកម្មវិធីរបស់សម្តេចតេជោ ហ៊ុន សែន និង សម្តេចកិត្តិព្រឹត្ត បណ្ឌិត ប៊ុន រ៉ានី ហ៊ុន សែន នៅមជ្ឈមណ្ឌលអភិវឌ្ឍន៍ជនពិការ៣១៧ តាកែនកោះស្លា។ លុះមកដល់កន្លែងកើត ហេតុ ស្រាប់តែមានរថយន្តបង្ក បានបើកបរយ៉ាងលឿនក្នុងទិសដៅបញ្ជ្រាសទិសគ្នា ហើយបុកចំពេញទំហឹងរុញរថ យន្តមន្រ្តីនគរបាល ចម្ងាយប្រមាណ ២០ម៉ែត្រ កៀបអ្នកបើកបរជាប់ក្នុងរថយន្ត។ ក្រោយហេតុការណ៍ប្រមាណ កន្លះម៉ោងជនរងគ្រោះជាអ្នកបើកបរ ត្រូវបានគេគាស់យកចេញ។ រីឯជនរងគ្រោះអមដំណើរម្នាក់ទៀត ត្រូវបានគេ ជួយសង្គ្រោះដឹកនាំយកចេញទៅមន្ទីរពេទ្យខេត្តកំពត។</span></p>
<p><span style="color: #000000;">ដោយឡែកអ្នកបើកបររថយន្តយីឌុប បង្កហេតុ ក្រោយកើតហេតុ បានបើកទ្វាររថយន្តគេចខ្លួនបាត់ ដោយមិនទាន់ ស្គាល់អត្តសញ្ញាណនៅឡើយទេ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/2/11-2-2015-10-43-57-am-02-11-2015--10-53-56.png"><span style="color: #000000;"><img src="/FileManager/Articles/mce/2015/11/2/11-2-2015-10-43-57-am-02-11-2015--10-53-56.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/2/11-2-2015-10-45-43-am-02-11-2015--10-54-08.png"><span style="color: #000000;"><img src="/FileManager/Articles/mce/2015/11/2/11-2-2015-10-45-43-am-02-11-2015--10-54-08.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/2/11-2-2015-10-45-59-am-02-11-2015--10-54-20.png"><span style="color: #000000;"><img src="/FileManager/Articles/mce/2015/11/2/11-2-2015-10-45-59-am-02-11-2015--10-54-20.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>