<p>រឿងហេតុដ៏សាហាវយង់ឃ្នងនេះ បានកើតឡើងនៅក្នុង ហាងកាហ្វេអ៊ីនធឺណេតមួយកន្លែង នៅក្នុង ខេត្ត <span id="result_box" class="short_text" lang="en"><span class="hps">Hunan ប្រទេសចិន កាលពីថ្ងៃទី ១៨ ខែកុម្ភះ កន្លងទៅថ្មីៗនេះ។ មូលហេតុដែលបណ្តាលឲ្យ កើតរឿងហេតុនេះឡើង ត្រូវបានគេបញ្ជាក់ថា គឺមកពីសិស្សសាលាប្រុសម្នាក់ បានឈ្លោះប្រកែក គ្នាយ៉ាងខ្លាំង ជាមួយនឹងឪពុករបស់ខ្លួន ស្តីពីបញ្ហាទៅរៀនសូត្រ។ </span></span></p>
<p>បើតាមការរៀបរាប់របស់ អ្នកដែលបានឃើញហេតុការណ៍ បានឲ្យដឹងថា ដំបូងឡើយ ជនរងគ្រោះ បានមកហាងកាហ្វេអ៊ីនធឺណេត ដើម្បីស្វែងរកកូន និងជុំរុញកូនឲ្យទៅរៀន។ បន្ទាប់មក ក៏មានការ ឈ្លោះប្រកែកគ្នាយ៉ាងខ្លាំងរវាង ឪពុក និងកូន នោះ។ បន្ទាប់ពីមានការឈ្លោះប្រកែកបានបន្តិចមក សិស្សសាលា ដែលជាកូនជនរងគ្រោះនោះ បានដកកូនកាំបិតមួយ មកចាក់លើខ្លួន ឪពុករបស់គេ បណ្តាលឲ្យស្លាប់ នៅនឹងកន្លែងតែម្តង។ </p>
<p style="text-align: center;"><a class="thickbox" title="" href="/FileManager/Commons/2014/2/20/ch1-20-02-2014--15-45-14.jpg"><img src="/FileManager/Articles/mce/2014/2/20/ch1-20-02-2014--15-45-14.jpg" alt="" /></a></p>
<p style="text-align: center;"><em><span style="color: #808080;">ជនរងគ្រោះដែលត្រូវបានចាក់សម្លាប់ ដោយថ្វីដៃកូនប្រុសខ្លួនឯងផ្ទាល់</span></em></p>
<p>ប៉ុន្មានឆ្នាំចុងក្រោយនេះ មានហេតុការណ៍គ្រោះថ្នាក់ជាច្រើន បានកើតឡើងនៅហាងកាហ្វេអ៊ីនធឺ ណេត។ ក្នុងនោះក៏ធ្លាប់មានករណីមួយ ដែលយុវជនអាយុ ២៤ឆ្នាំម្នាក់មកពី ក្វាងទុង បានសម្លាប់ និងប្លន់យកលុយ មិត្តស្រីរបស់ខ្លួន ដើម្បីយកទៅលេងហ្គេម។ បន្ទាប់ពីចាប់បាន យុវជននោះ ត្រូវបាន ទទួលទោស ប្រហារជីវិតផងដែរ។ </p>
<p style="text-align: center;"><a class="thickbox" title="" href="/FileManager/Commons/2014/2/20/ch2副本-20-02-2014--15-46-09.jpg"><img src="/FileManager/Articles/mce/2014/2/20/ch2副本-20-02-2014--15-46-09.jpg" alt="" /></a></p>
<p style="text-align: center;"><em><span style="color: #808080;">ទិដ្ឋភាព នៅកន្លែងកើតហេតុ</span></em></p>
<p>មនុស្សជាច្រើន បានឲ្យដឹងថា កត្តាញៀនជាមួយហ្គេម និងអ៊ីនធឺណេត គឺជាមូលហេតុចំបងមួយ ដែលបណ្តាលឲ្យមាន ករណីសម្លាប់មនុស្ស ដែលបានកើតឡើង នៅក្នុងស្រទាប់យុវវ័យ បច្ចុប្បន្ន នេះ៕</p>
<p style="text-align: right;">ប្រែសម្រួល៖ សិលា<br />ប្រភព៖ kenh14</p>