<p><span style="color: #000000;"><strong>(វ៉ាស៊ីនតោន)៖</strong> ប្រជាជន០៥លាននាក់នៅទូទាំងពិភពលោក បានចុះហត្ថលេខាលើលិខិតបើកចំហមួយ តាមរយៈបណ្ដាញអ៊ីនធើណែត ដើម្បីជំទាស់ក៏ដូចជាអំពាវនាវឱ្យប្រធានាធិបតីអាមេរិក លោក ដូណាល់ ត្រាំ លុបចោលគោលនយោបាយដ៏ចម្រូងចម្រាស់ស្ដីពីជនភៀសខ្លួន និងការហាមឃាត់ជាបណ្ដោះអាសន្ន ប្រជាជនមកពីបណ្ដាប្រទេសអ្នកកាន់សាសនាអ៊ីស្លាមចំនួន០៧ ចូលក្នុងសហរដ្ឋអាមេរិក។ នេះបើតាមការចេញផ្សាយដោយសារព័ត៌មាន Sputnik នៅរសៀលថ្ងៃព្រហស្បតិ៍ ទី០២ ខែកុម្ភៈ ឆ្នាំ២០១៧។</span></p>
<p><span style="color: #000000;">យោងតាមគេហទំព័រ Avaaz campaigning community លិខិតខាងលើមានខ្លឹមសារថា <strong>«ពិភពលោកបដិសេធការភ័យខ្លាច ការស្អប់ខ្ពើម និងការរើសអើងរបស់ អ្នក(លោក ត្រាំ)។ យើងបដិសេធការគាំទ្ររបស់អ្នក លើការធ្វើទារុណកម្ម និងការលើកទឹកចិត្តឱ្យប្រព្រឹត្តអំពើហិង្សា ហើយយើងក៏បដិសេធផងដែរ ការប្រមាថរបស់អ្នកចំពោះស្ត្រី ជនមូស្លីម (អ្នកកាន់សាសនាអ៊ីស្លាម) ប្រជាជនមិចស៊ីកូ ព្រមទាំងប្រជាជនរាប់លាននាក់ផ្សេងទៀត ដែលមើលទៅមិនដូចជាអ្នក, មិននិយាយដូចអ្នក, និងជឿលើព្រះតែមួយដូចអ្នក»</strong>។</span></p>
<p><span style="color: #000000;">គួររំលឹកថាលោក ដូណាល់ ត្រាំ កាលពីថ្ងៃសុក្រសប្ដាហ៍មុន បានចុះហត្ថាលេខាលើក្រឹត្យ ស្ដីពីជនភៀសខ្លួន ដោយសម្រេចហាមឃាត់ជាបណ្ដោះអាសន្នប្រជាជនមកពី បណ្ដាប្រទេសចំនួន០៧ ដែលមានអ្នកកាន់សាសនាអ៊ីស្លាមភាគច្រើនដូចជា អ៊ីរ៉ង់, អ៊ីរ៉ាក់, លីប៊ី, សូម៉ាលី, ស៊ូដង់, ស៊ីរី, និងយ៉េមែន ចូលក្នុងសហរដ្ឋអាមេរិករយៈពេល ៩០ថ្ងៃ រីឯជនភៀសខ្លួនមកពីបណ្តាប្រទេសជាច្រើនទៀត ត្រូវបានហាមឃាត់រយៈពេល១២០ថ្ងៃ និងសម្រាប់ជនភៀសខ្លួនស៊ីរីវិញ គឺត្រូវបានហាមឃាត់ដោយគ្មានពេលកំណត់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/2/1-02-02-2017--16-34-29.png"><img src="/FileManager/Articles/mce/2017/2/2/1-02-02-2017--16-34-29.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-02-15-53-55-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>