<p><span style="color: #000000;"><strong>(ក្រុងឡុងដ៍)៖</strong> ថ្ងៃទី២៤ ខែមិថុនា ឆ្នាំ២០១៦ ជាប្រវត្តិសាស្រ្តថ្មីសម្រាប់ចក្រភពអង់គ្លេស (Great Britain) ដែលប្រជាជននៃប្រទេសនេះ បានសម្រេចបោះឆ្នោតដើរ ចេញពីសហភាពអឺរ៉ុប (European Union) ក្រោមសំឡេងគាំទ្រ ៥១.៩% ទល់នឹង៤៨.១% ដែលអាចបណ្តាលឲ្យវិស័យកីឡាបាល់ទាត់ដ៏ល្បី ទទួលរងផលប៉ះពាល់ផងដែរមានដូចខាងក្រោម៖</span></p>
<p><span style="color: #000000;"><strong>1/.</strong> ក្រុមបាល់ទាត់ជម្រើសជាតិអង់គ្លេស អាចប្រឈមមិនឲ្យលេងក្នុងព្រឹត្តិការណ៍ពានរង្វាន់ UEFA Euro ដែលពាននេះ ត្រូវបានបង្កើតឡើង គឺដើម្បីតែប្រទេសស្ថិតក្នុងសហគមន៍អឺរ៉ុបតែប៉ុណ្ណោះ បើទោះបីជាប្រទេសអង់គ្លេសស្ថិតក្នុង ទ្វីបអឺរ៉ុបក៏ដោយ នេះបើយោងតាមការចុះផ្សាយរបស់គេហទំព័រ Telegraph នៅថ្ងៃទី២៤ មិថុនានេះ។</span></p>
<p><span style="color: #000000;">តែយ៉ាងណាក៏ដោយ ប្រភពខាងលើមិនបានបញ្ជាក់ច្បាស់ពីស្ថាប័នគ្រប់គ្រងបាល់ទាត់ប្រចាំទ្វីបអឺរ៉ុប UEFA នៅឡើយទេ ខណៈដែលមន្រ្តីនៃសហព័ន្ធនេះកំពុងតែមមាញឹកក្នុងការរៀបចំប្រកួតបាល់ទាត់ Euro 2016 នៅប្រទេសបារាំង តែ Telegraph ឲ្យដឹងទៀតថា សម្រាប់លិខិតឆ្លងដែនដែលប្រើប្រាស់ ដើម្បីឆ្លងដែនទៅកាន់ប្រទេសអឺរ៉ុបដូចគ្នា ក៏ត្រូវបាន កាត់ផ្តាច់ដោយស្វ័យប្រវត្តិផងដែរ។</span></p>
<p><span style="color: #000000;"><strong>2/.</strong> តែសម្រាប់ BBC ក៏បានធ្វើការដកស្រង់របាយការណ៍របស់នាយកប្រតិបត្តិក្របខណ្ឌបាល់ទាត់ Premier League លោក Richard Scudamore បានឲ្យដឹងថា <strong>«កីឡា នៅដាច់ដោយឡែកពីនយោបាយ តែអ្វីដែលអាចប្រឈមនោះ គឺសិទ្ធិនៃការផ្សាយបន្តផ្ទាល់ដែល Premier League រកចំណួលបានចំនួន ៣.៣ពាន់លានផោនក្នុង១ឆ្នាំៗ ដែលស្ថិត ក្នុងការគ្រប់គ្រងរបស់រាជរដ្ឋាភិបាល»</strong>។</span></p>
<p><span style="color: #000000;">តែសម្រាប់សហព័ន្ធកីឡាបាល់ទាត់អង់គ្លេស FA ក៏បានលើកឡើងពីផលលំបាក ចំពោះកីឡាករបរទេស ជាពិសេស កីឡាករមកពីប្រទេសស្ថិតក្នុង EU ទាក់ទងទៅនឹង VISA របស់ពួកគេក្នុងការលេងឲ្យក្លឹបអាជីពនៅអង់គ្លេស ហើយលើសពីនេះទៀត សម្រាប់អ្នកគាំទ្ររបស់អង់គ្លេស ក៏មានការលំបាកក្នុងការចេញចូលដោយសេរីដូចពេលមុនទៀតហើយ ក្នុងការទៅគាំទ្រក្លឹបរបស់ខ្លួនទៅប្រកួតក្រៅដី ក្នុងក្របខណ្ឌ Champions League៕</span></p>
<p><span style="color: #000000;"><img src="http://ichef-1.bbci.co.uk/news/624/cpsprodpb/A737/production/_87970824_footballcomp.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/news/624/cpsprodpb/3207/production/_87970821_87970820.jpg" alt="" width="730" /></span></p>
<p style="text-align: center;"><span style="color: #000000;">នាយកប្រតិបត្តិ Premier League លោក Richard Scudamore</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>