<p><strong>ក្រុងមែនឆេស្ទើៈ</strong> ហេតុតែល្បីល្បាញ ក្រោយពីការទទួលជោគជ័យ ដ៏ភ្លូកទឹកភ្លូកដីរបស់អតីតអ្នក<br />ចាត់ការទូទៅ ក្លឹបបិសាច ក្រហម Manchester United លោក Sir Alex Ferguson ត្រូវបានអាជ្ញាធរ<br />ប្រចាំតំបន់ បានកែឈ្មោះវិថីដែលមានឈ្មោះ ថា Water’s Reach ទៅកាន់កីឡដ្ឋាន Old Trafford <br />របស់ក្លឹប Man Utd ដាក់ថា Sir Alex Ferguson វិញ នេះបើ យោងតាមគេហទំព័រ Dailymail ។</p>
<p>ការប្តូរឈ្មោះនេះដែរ គឺដើម្បីជានិមិត្តរូប ក៏ដូចជាការរំឮកនូវស្នាដៃរបស់ Ferguson ដែលដឹកនាំក្លឹប<br />អង់គ្លេស Man Utd អស់រយៈពេលជាង២៦ឆ្នាំ (១៩៨៦-២០១៣) យូរជាងគេបំផុត ដោយទទួលបាន<br />ជោគជ័យយ៉ាងក្រាស់ក្រែលជាមួយ នឹងការឈ្នះពានសរុបចំនួន ៣៨ទាំងក្នុងស្រុក និងលើឆាកអន្តរ<br />ជាតិ ក្រោយពីបានស្រោចស្រង់ក្លឹបដែលនៅបាតតារាង មួយនេះ ឡើងមកឈរនៅលំដាប់លេខ ១<br /> របស់ចក្រភពអង់គ្លេសវិញ និងជាប់លេខ២លំដាប់ពិភពលោកបន្ទាប់ពីក្លឹប ស្តេចស Real Madrid <br />របស់អេស្ប៉ាញនោះ ។</p>
<p>ការបើកសម្ពោធផ្លូវកាលពីរសៀលថ្ងៃចន្ទ ទី១៤ តុលាម្សិលមិញនេះដែរ អតីតគ្រូបង្វឹកជនជាតិស្កុត<br />ឡេន វ័យ៧១ឆ្នាំរូបនេះ ក៏ទទួលបានលិខិតសរសើរ“Honorary Freedom of the Borough of Trafford”<br />ក្នុងនាមជាគ្រូបង្វឹកដ៏ជោគជ័យ បំផុតនៅ Old Traffod ដោយលោកបានឲ្យដឹង ទាំងមានអារម្មណ៍ក្តុក<br />ក្តួលថា “វាគួរឲ្យមោទភាពខ្លាំងណាស់ជា មួយនឹង វិថីដែលមានដាក់ឈ្មោះខ្ញុំផ្ទាល់ ដែលពេលខ្លះអ្នក<br />គិតថា វាមិនអាចទៅរួចទេក្នុងមួយឆាកជីវិតរបស់អ្នកនោះ តើមែន ទេ?” ។</p>
<p>លោកបានបន្ថែមថា “ខ្ញុំសូមអរគុណខ្លាំងណាស់ចំពោះក្លឹប Man Utd ដែលបានផ្តល់ឱកាសឲ្យរូបខ្ញុំ<br />បានដឹកនាំជាង ២៦ ឆ្នាំកន្លងទៅ ហើយក៏សូមអរគុណទៅដល់កីឡាករ ម្ចាស់ក្លឹប និងមិត្តរួមក្រុមការ<br />ងារខ្ញុំទាំងអស់ដែលតែងតែជម្រុញឲ្យ ការដឹកនាំប្រកបទៅដោយភាពរលូន ជាមួយនឹងការចងចាំមិន<br />ភ្លេចនូវរឿងល្អ និងអាក្រក់ដែលបានកើតឡើងនៅ Old Trafford នេះ” ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-065/PISETH-0238.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-065/PISETH-0237.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-065/PISETH-0236.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-065/PISETH-0239.jpg" alt="Looking Today" width="600" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>
<p> </p>