<div>
<p><span style="color: #000000;"><strong>(ភ្នំពេញ)៖</strong> រយៈពេលមិនដល់កន្លះឆ្នាំផង ផលិតកម្ម ថោន បានប្រមូលតារាចម្រៀងស្រីថ្មីៗដល់ទៅបីដួង ដោយក្នុងនោះរួមមាន កញ្ញ ស៊ូ ស៊ីរីកា,កញ្ញា និរត្តន៍ និងកញ្ញា ផាត វីរ៉ាទី ហៅរាប៊ី ដែលតារាចម្រៀងទាំង៣ដួងនេះ សុទ្ធសឹងតែមានចំណុចពិសេសរៀងៗខ្លួន ។ តារាចម្រៀង ស៊ូ ស៊ីរីកា ត្រូវបានគេដឹងថា មានទឹកដមសំឡេងខ្លាំង អាចស្រែកបានខ្ពស់ និងមានស្ទីលរ៉ុក។ ចំណែកកញ្ញា និរត្តន៍ មានស្ទីលជាតារាចម្រៀងបែបស្រុកស្រែ ព្រោះសំឡេងមានភាពក្រអួនក្រអៅ បែបជនបទ។ ដោយឡែក ស្រីស្រស់ រ៉ាប៊ី មានទឹកសំឡេងស្រាល តែស្រទន់ ហើយអ្វីដែល រ៉ាប៊ី មានលក្ខណៈឡូយជាង តារាចម្រៀងពីរដួងខាងលើ គឺក្បាចរាំ និងសមត្ថភាព ក្នុងការសម្ដែង ពិតជាមិនធម្មតាឡើយ អ្នកណាក៏លាន់មាត់សរសើរនាងដែរ។</span></p>
<p><span style="color: #000000;">តារាចម្រៀងស្រីថ្មី កញ្ញា រ៉ាប៊ី ឬកញ្ញា ស្ពៃជ្រក់ ហាក់មានប្រជាប្រិយលោត លើសមិត្តអាជីពពីរនាក់ទៀត ដែលជាតារាចម្រៀងថ្មីដូចគ្នា ព្រោះនាងបានសាងកេរ្តិ៍ឈ្មោះល្បីល្បាញ មុនក្លាយជាតារាចម្រៀង ក្នុងផលិតកម្ម ថោន រួចមកហើយ ។ ស្នាដៃសម្ដែងដ៏ល្អ ក្នុងភាពក្រមិចក្រមើមរបស់ រ៉ាប៊ី ក្នុងរឿង «កំលោះក្ដាមប្រៃ កញ្ញាស្ពៃជ្រក់» ពិសេសនាងក៏ធ្លាប់ ជាពិធីការីនី និងជាគ្រូបង្ហាត់រាំម្នាក់ផងដែរ ។ កាន់តែពិសេសថ្មីៗនេះ បទចម្រៀង «ចង់តែនៅក្រមុំ» ត្រូវបានគេនិយមចាក់ តាមទីសាធារណៈជាច្រើន ដែលនេះបង្ហាញថា នាងវ៉ាដាច់ តារាចម្រៀងថ្មីពីរដួងទៀតហើយ ។</span></p>
<p><span style="color: #000000;">កញ្ញា រ៉ាប៊ី ត្រូវបានគេសង្កេតឃើញថា នាងមានវត្តមាន លើកញ្ចាក់ទូរទស្សន៍ញឹកញាប់ ជាងតារាចម្រៀង និរត្តន៍ និង ស៊ូ ស៊ីរីកា ហើយរាល់ពេលបង្ហាញខ្លួនម្ដងៗ ក្បាច់រាំ និងការតុបតែងខ្លួន មានលក្ខណៈស្អាត និងទាក់ទាញ ព្រោះនាងជាស្រីស្អាតស្រាប់ ពិសេសទូរទស្សន៍អាស៊ីអាគ្នេយ៍ ចូលចិត្តហៅនាងឡើងក្នុងកម្មវិធីនានាណាស់ ដែលធ្វើឲ្យអ្នកទស្សនា មានភាពសប្បាយរីករាយ ពេលបានមើលការសម្ដែង របស់នាង ។</span></p>
<p><span style="color: #000000;">ថ្វីដ្បិត រ៉ាប៊ី មិនធ្លាប់និយាយរឿងគូស្នេហ៍ ប៉ុន្តែសម្រាប់ស្រីស្រស់រូបនេះ ត្រូវបានគេដឹងថា ជាតារាចម្រៀងស្រីម្នាក់ មានមន្តស្នេហ៍មិនធម្មតាឡើយ កន្លង់ទាំងក្នុង និងក្រៅប្រទេស ប្រាថ្នាចង់បាននាងយកទៅថ្នាក់ថ្នម ។ រ៉ាប៊ី តែងតែលេងចារឹត មិនសូវអើពើនឹងអ្នកស្រឡាញ់ លើរូបនាងឡើយ រហូតមានពាក្យចចាមអារ៉ាមថា នាងជាមនុស្សវាយឫកមិនសូវនិយាយស្ដីច្រើន៕</span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpf1/v/t1.0-9/12715470_1674567906114693_7962021316703966969_n.jpg?oh=2291faa1232d4f21ad1f94be70944a84&oe=575AFB32&__gda__=1462002957_0319227a2dbc8bfa0cd36de4b22f7a56" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12644735_461698597348599_5878023781981839709_n.jpg?oh=0525a505cf9a42fee1c227d6e5cc4061&oe=57666778" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xat1/v/t1.0-9/12645047_461330114052114_7844300722898595630_n.jpg?oh=84d20b2090591c6ee0f99215bb1892e7&oe=57265FB1&__gda__=1465044590_85c2e3c216e495088ead0e69d5fb0901" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12417611_460710370780755_3628419455270698099_n.jpg?oh=2000d72997cce4e5d4b0d6e9c432392d&oe=575B6CDE" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfp1/v/t1.0-9/12509022_454022174782908_3558660586257806149_n.jpg?oh=a7e381b0f6244fc71d2ae8ab5f79ab17&oe=576F34B7&__gda__=1465243966_63a68fe031e19db836c654a9856caf4f" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xft1/v/t1.0-9/940973_454022144782911_8038607899098499131_n.jpg?oh=e0f9cef8d748aad08c01ca3a7585fd12&oe=5768E0C4&__gda__=1465948795_e20a7d613cc95f03b7086cd9a480a47c" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/v/t1.0-9/12208_453059718212487_581134311618180660_n.jpg?oh=4c0c6f921a293437da4bc9a9a39cf606&oe=57606AEB&__gda__=1466284328_8cfd59ff04fdabf61ff1d80b0ba33474" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/v/t1.0-9/10309676_450941331757659_307402409945671660_n.jpg?oh=370b4117a0137b6ba48916e3e98f7e7f&oe=57647E30" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtl1/v/t1.0-9/10606013_450400385145087_4806735773201778285_n.jpg?oh=cbd894f0888a7eaddbc318e648f72164&oe=576A67D4" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpf1/v/t1.0-9/1958550_545823782242524_7041262586382574576_n.jpg?oh=fbca083955a68ba8ecd872c883aa7e54&oe=57253710&__gda__=1466951889_56930957782fddb9ce11341295c248aa" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>