<p><span style="color: #000000;"><strong>(កូរ៉េ)៖</strong> IU និងតារាសម្តែង Yoo In Na បានចំណាយពេលរួមគ្នានៅក្នុង ទិវានៃក្តីស្រឡាញ់កាលពីថ្ងៃទី១៤ កុម្ភៈ ម្សិលមិញនេះ ដូចដែលគូស្នេហ៍ឬតារាប្រុសស្រី ជាប្តីប្រពន្ធផ្សេងទៀតចំណាយ ពេលដ៏រ៉ូមែនទិកនេះនៅជាមួយគ្នាដែរ ប៉ុន្តែសម្រាប់ IU និង Yoo In Na មិនបានចំណាយពេលជាមួយ បុរសជាដៃគូណាម្នាក់ទេដោយ ពួកគេបែរជាជ្រើសថ្ងៃនេះ ណាត់ជួបគ្នាក្នុងនាមជាមិត្តល្អទៅ វិញ។</span></p>
<p><span style="color: #000000;">នៅក្នុងហាងមួយ IU បានថតរូបជាមួយតារាស្រី Yoo In Na ខណៈពេលដែលអ្នកទាំងពីរអង្គុយរង់ចាំ អាហារហើយតុដាក់ អាហារនោះក៏មានរចនា ដាក់រូបបេះដូងយ៉ាងប្រណីតដែរ ព្រោះតែថ្ងៃនោះជាទិវានៃក្តីស្រឡាញ់។ អ្វីដែលគេចាប់អារម្មណ៍គឺតារា សម្តែងស្រីទាំងពីរមានពាក់ចិញ្ចៀន ដូចគ្នាប្រៀបដូចគូស្នេហ៍ នៅឱកាសនោះ ប៉ុន្តែរឿងដែលមហាជនបានដឹងគឺពួក គេទាំងពីរធ្លាប់បែកបាក់គូស្នេហ៍ ដូចគ្នាកាលពីប៉ុន្មានឆ្នាំមុន IU បានបែក ពី Jang Kiha កាលពីថ្មីៗនេះក្រោយទាក់ទងគ្នា អស់រយៈពេល៣ឆ្នាំមកហើយ ។</span></p>
<p><span style="color: #000000;">រីឯ Yoo In Na បែកពី Ji Hyun Woo តាំងពីឆ្នាំ ២០១៤ និងប្រើជីវិតនៅលីវរហូតមកតែអ្នកទាំងពីរក៏ មិនទុកពេលវេលាឲ្យឯកោទេ គឺពួកគេចំណាយពេលដើរ ជាមួយគ្នាក្នុងនាមមិត្តស្និទ្ធស្នាល ដូចគូសង្សារអីចឹងដែរ៕</span><br /><span style="color: #000000;"><img class="attachment-boombox_image720 size-boombox_image720 wp-post-image" src="http://cdn.koreaboo.com/wp-content/uploads/2017/02/iu-inna.jpg" alt="" width="1024" height="772" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-15-09-02-20-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>