<p><span style="color: #000000;"><strong>ភ្នំពេញ៖</strong> អតីតតារាចម្រៀង ម្ចាស់បទ «សូរិយាអស្តង្គត» លោក ទិត្យ វិច្ឆិកា ថ្មីៗនេះ បានជួបគ្រោះថ្នាក់ មិនគួរនឹកស្មានមួយ ខណៈដែលលោក កំពុងតែធ្វើដំណើរ តាមផ្លូវទៅញ៉ាំបាយសុខៗ ស្រាប់តែដួលផ្កាប់មុខ ប៉ុន្តែត្រូវបានប្រជាពលរដ្ឋ រស់នៅក្បែនោះ ជួយសង្គ្រោះដឹកយកទៅព្យាបាល នៅមន្ទីពេទ្យខេត្តសៀមរាប ទាល់ពេលវេលា។</span></p>
<p><span style="color: #000000;">បន្ទាប់ជួបគ្រោះថ្នាក់ខាងលើ គេសង្កេតឃើញ លោក ទិត្យ វិច្ឆិកា បានសរសេរបង្ហោះ ប្រាប់ទសស្សនិកជនថា «ស្នាមញញឹមរបស់លោក បានត្រឡប់មកជាថ្មី ហើយពេលនេះ លោកក៏បានចាកចេញពីមន្ទីរពេទ្យវិញហើយ គឺត្រូវត្រឡប់ ទៅតំបន់ភ្នំដងរែកវិញ »។ ទោះបីជាសុខភាព របស់លោកមិនទាន់ល្អ ដូចដើមវិញក៏ ដោយតែអារម្មណ៍របស់លោក រីករាយខ្លាំងណាស់ ដោយសារតែបងប្អូនខ្មែរ ផ្តល់កំលាំងចិត្តឲ្យលោក ជាបន្តបន្ទាប់ ។</span></p>
<p><span style="color: #000000;">លោក ទិត្យ វិច្ឆិកា បានបន្តថា «ខ្ញុំបាទសូមថ្លែងអំណរគុណ យ៉ាងខ្លាំង ចំពោះបងប្រុសនិងបងស្រី និងបងប្អូនខ្មែរទាំងអស់គ្នា ដែលបានផ្តល់កំលាំងចិត្តឲ្យខ្ញុំ សូមឲ្យយជួបប្រទះ តែសេចក្តីសុខគ្រប់ប្រការ កុំបីឃ្លាងឃ្លាតឡើយ ។បើសិនជាថ្ងៃណាមួយខ្ញុំស្លាប់ ត្រឡប់ទៅវិញ រាងកាយរបស់ខ្ញុំ បាត់មែន តែទោះជាយ៉ាងណា ក៏ខ្ញុំនៅសល់កិត្តិយស បន្តិចបន្តួច សល់នៅលើទឹកដីកំសត់នេះ សំរាប់អ្នកជំនាន់ក្រោយ នឹកដល់ខ្ញុំដែរ។ ជនជាតិខ្មែរម្នាក់ៗ គឺស្រលាញ់ ជាតិដូចគ្នា..!» ។</span></p>
<p><span style="color: #000000;">ជាមួយគ្នានេះដែរ អតីតតារាចម្រៀងលោក ទិត្យ វិច្ឆិកា ក៏បានសុំការអភ័យទោស ចំពោះប្រជាពលរដ្ឋ ដែលរស់នៅភូមិច្រនាង ស្រុកបសេដ្ឋ ខេត្តកំពង់ស្ពឺ និងប្រជាពលរដ្ឋ រស់នៅភូមិកម្មករ ឃុំសំលាញ់ ស្រុកអង្គរជ័យ ខេត្ត កំពត ដែលលោកធ្លាប់សន្យាជីកស្រះជូននោះ សូមមេត្តារងចាំ បន្តិចសិន ព្រោះជំនួយសប្បុរសជនខ្មែរ ក្រៅប្រទេស និងមូលនិធិខ្មែរ នៅមិនទាន់មកដល់ ។</span></p>
<p><span style="color: #000000;">លោក ទិត្យ វិច្ឆិកា បានបន្ថែមថា សម្រាប់កុមាររស់នៅ ស្រុកសំរោងទង ខេត្តកំពុងស្ពឺ ដែលអត់សាលារៀន សូមទាំងអស់គ្នា កុំបារម្ភ ហើយត្រូវរង់ចាំពូសិន ពូនឹងព្យាយាមរកមូលនិធិ មកសាងសង់សាលាមត្តេយ្យ បេះដូងខ្មែរសំរោងទង ឲ្យក្មួយៗបានរៀនសូត្រ និងមានស្រះទឹកមួយ សម្រាប់អ្នកទាំងអស់គ្នា ប្រើប្រាស់ដោយ សប្បាយរីករាយ ជាមិនខាន៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/24/11-24-09-2015--09-25-34.jpg"><img src="/FileManager/Articles/mce/2015/9/24/11-24-09-2015--09-25-34.jpg" alt="" /></a></span></p>
<p><a class="thickbox" title="" href="/FileManager/Commons/2015/9/24/12-24-09-2015--09-25-41.jpg"><img src="/FileManager/Articles/mce/2015/9/24/12-24-09-2015--09-25-41.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/9/24/11-24-09-2015--09-25-34.jpg"></a></span></p>
<p><a class="thickbox" title="" href="/FileManager/Commons/2015/9/24/13-24-09-2015--09-25-47.jpg"><img src="/FileManager/Articles/mce/2015/9/24/13-24-09-2015--09-25-47.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>