<p><span style="color: #000000;"><strong>(ជប៉ុន)៖</strong> ទីភ្នាក់ងារឧតុនិយមជប៉ុន បានទម្លាក់ចោលការព្រមានពីរលកយក្សស៊ូណាមិ នៅឯតំបន់ឆ្នេរសមុទ្រ ហ្វូគូស៊ីម៉ា និងតំបន់មីយ៉ាហ្គី ស្ថិតនៅភាគឦសាន នៃប្រទេស ក៏ប៉ុន្តែនៅតែអំពាវនាវឱ្យប្រជាជនទំាងអស់មានការប្រុងប្រយ័ត្នខ្ពស់។ នេះបើតាមការចេញផ្សាយរបស់សារព័ត៌មានជប៉ុន NHK នៅមុននេះបន្តិចនាព្រឹកថ្ងៃអង្គារ ទី២២ ខែវិច្ឆិកា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/11/22/28e-22-11-2016--14-26-26.jpg"><img src="/FileManager/Articles/mce/2016/11/22/28e-22-11-2016--14-26-26.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/11/22/28f-22-11-2016--14-26-37.jpg"><img src="/FileManager/Articles/mce/2016/11/22/28f-22-11-2016--14-26-37.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/11/22/28e-22-11-2016--14-26-26.jpg"></a><br /></span></p>
<p><span style="color: #000000;">កាលពីដំបូងឡើយទីភ្នាក់ងារឧតុនិយម បានប្រកាសពីសញ្ញាអាសន្ន នៃរលកយក្សស៊ូណាមិ បន្ទាប់ពីគ្រោះរញ្ជួយដីកំរិត៧.៤ រ៉ិចទ័រ បានវាយប្រហារ មកលើតំបន់ឆ្នេរហ្វូគូស៊ីម៉ា នៅម៉ោងប្រមាណជា ៥៖៥៩នាទីព្រឹកមិញនេះ ខណៈរលកយក្សស៊ូណាមិកម្ពស់១.៤ម៉ែត្រ ត្រូវបានគេអង្កេតនៅកំពង់ផែសិនដៃ នៃតំបន់មីយ៉ាហ្គី។ ដោយឡែកទន្ទឹមគ្នានោះដែរ ក្រុមអាជ្ញាធរបានជម្លៀសប្រជាជននៅក្នុងតំបន់ ទៅកាន់ទីទួលមានសុវត្ថិភាព ចំណែកឯទីភ្នាក់ងារឧតុនិយម បានទម្លាក់ចោលការព្រមានពីរលកយក្សស៊ូណាមិ នៅក្នុងតំបន់ទំាងពីរខាងលើ នៅម៉ោងប្រមាណជា ៩៖៤៦នាទី (ម៉ោងនៅក្នុងប្រទេសជប៉ុន) ប៉ុន្តែ នៅតែអំពាវនាវឱ្យប្រជាជនទំាងអស់ មានការប្រុងប្រយ័ត្នខ្ពស់ដដែល។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/22/28g-22-11-2016--14-28-48.jpg"><img src="/FileManager/Articles/mce/2016/11/22/28g-22-11-2016--14-28-48.jpg" alt="" /></a><br /></span></p>
<p><span style="color: #000000;">សូមជំរាបថា គ្រោះរញ្ជួយដីនេះ ដែលបង្កររំញ័រដល់ទីក្រុង តូក្យូ មានចំណុចរញ្ជួយនៅតាមបណ្ដាយឆ្នេរសមុទ្រ ហ្វូគូស៊ីម៉ា និងមានជំរៅរញ្ជួយ២៥គីឡូម៉ែត្រ ទៅក្នុងដី។ នេះបើតាមទីភ្នាក់ងារឧតុនិយមជប៉ុន ដែលកំពុងឃ្លំា មើលពីរលកយក្សស៊ូណាមិ បន្ទាប់ពីមានគ្រោះរញ្ជួយដីដ៏ខ្លំាងនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/22/28b-22-11-2016--14-10-42.jpg"><span style="color: #000000;"><img src="/FileManager/Articles/mce/2016/11/22/28b-22-11-2016--14-10-42.jpg" alt="" /></span></a></span></p>
<p style="text-align: right;"><span style="color: #000000;">ប្រភព ៖ NHK / BBC</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p><a class="thickbox" title="" href="/FileManager/Commons/2016/11/22/28b-22-11-2016--14-10-42.jpg"></a></p>