<p><span style="color: #000000;"><strong>(ភ្នំពេញ)៖</strong> អតតីតារាចម្រៀងល្បីឈ្មោះ របស់ផលិតកម្ម Rock ហើយបច្ចុប្បន្នលេចធ្លោ លើសកម្មភាពមនុស្សធម៌ ស្វែងរកជំនួយសង់ផ្ទះ និងជីកស្រះទឹក ឲ្យប្រជាពលរដ្ឋក្រីក្រ ចាស់ជរា នៅតាមទីតំបន់ ជនបទដាច់ស្រយ៉ាល លោក ទិត្យ វិច្ឆិកា បានបង្ហាញជំនឿជឿជាក់ ដោយមិនអស់សង្ឃឹមលើខ្លួនឯង ទោះបីពេលខ្លះលោកធ្លាប់ជួបប្រទះ ភាពបរាជ័យសម្រាប់ជាបទពិសោធន៍ក្ដី តែលោកមិនដែលអស់សង្ឃឹម ក្នុងការតស៊ូនោះទេ។</span></p>
<p><span style="color: #000000;">លោក ទិត្យ វិច្ឆិកា បានសរសេរបង្ហោះ នៅលើបណ្តាញសង្គម ហ្វេសប៊ុកផ្ទាល់ខ្លួនថា «ខ្ញុំនៅសល់គំនិត នឹងជីវិតរបស់ខ្ញុំបន្តទៅមុខទៀត ដួលម្តង ខ្ញុំគិតថាជាមេរៀនថ្នាក់ដំបូងរបស់ខ្ញុំ ព្រោះខ្ញុំគិតថា ខ្ញុំមិនទាន់មានបទពិសោធន៍ តែពេលណាមួយ បន្ទាប់ពីខ្ញុំដួលរួចហើយ គឺខ្ញុំនឹងព្យាយាមក្រោកឈរម្តងទៀត ជាមិនខាន ។ ម្យ៉ាងទៀត អ្វីដែលជាគោលបំណងរបស់ខ្ញុំ នៅពេលនេះ គឺខ្ញុំត្រូវស្វែងរកមូលនិធិ ពីបងប្អូនស្បុរសជន គ្រប់ទីកន្លែង ដើម្បីជីកស្រះទឹកចំនួន៦ឲ្យបានសម្រាប់ជូន លោកតាលោកយាយ និងពុកម៉ែបងប្អូន ដែលនៅតាមតំបន់ដែលខ្វះទឹកប្រើប្រាស់ ព្រោះរដូវប្រាំងបានមកដល់ហើយ.!» ។</span></p>
<p><span style="color: #000000;">តារាប្រុសលោក ទិត្យ វិច្ឆិកា បានបញ្ជាក់ថា «ពេលនេះការងាររបស់ខ្ញុំ ត្រូវបរាជ័យហើយអ្វី ដែលខ្ញុំព្យាយាម ធ្វើខនស៊ឺត(ការប្រគំតន្រ្តី) សប្បុរសធម៌ ដែលមានឈ្មោះថា (កំលាំងទឹកចឹត្តសិល្បករខ្មែរជួយខ្មែរ ) គឺមិនបានជោគជ័យនោះទេ ព្រោះគ្មានការគាំទ្រ ពីម្ចាស់ឧបត្ថម្ភកម្មវិធី ។ តែខ្ញុំនឹងព្យាយាមបន្តទៅមុខទៀត ដើម្បីជីកស្រះទឹកចំនួន៦ ជូនប្រជាជនខ្មែរតាមតំបន់នីមួយៗ ដែលកំពុងខ្វះខាតទឹកប្រើប្រាស់ឲ្យបាន»។</span></p>
<p><span style="color: #000000;">«ខ្ញុំមិនជឿថា អ្វីដែលខ្ញុំខំព្យាយាមសម្រាប់ប្រជាជនខ្មែរ មិនបានសំរេចនោះទេ ...ទេវតានឹងដូនតាខ្មែរ ប្រាកដជាប្រទានពរជ័យឲ្យខ្ញុំ នៅពេលណាមួយជាមិនខាន ដើម្បីជួយជនជាតិខ្មែរ ដែលកំពុងលំបាក ។ ខ្ញុំគ្មានប្រាក់នោះទេ តែខ្ញុំមានឆន្ទ: និងគំនិតបន្តិចន្តួចសម្រាប់ជូន នឹងជួយសង្គមជាតិរបស់ខ្ញុំ..!»។ នេះជាសម្តីថ្លែងចុងក្រោយ របស់លោក ទិត្យ វិច្ឆិកា ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpa1/v/t1.0-9/10406761_246181752381001_6333552171819412144_n.jpg?oh=affc1321b544c117eb87403c2a417d8c&oe=57926BAD" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/944655_246181722381004_7677571188090915847_n.jpg?oh=20b9c94f5e791b1df465e6be643d753f&oe=57926C2A" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfa1/v/t1.0-9/1931444_246181719047671_7540583143833611921_n.jpg?oh=e027eff9fa1aca21ca89cace0c8b7647&oe=574D2072&__gda__=1467985186_bd0d9ecc706f5d012803e4208cad91b0" alt="" width="730" /></span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-xap1/v/t1.0-9/1476359_246181712381005_4268570376233812200_n.jpg?oh=13c2d3d2a62be1a1715b25a8f622b0ec&oe=57510110&__gda__=1464766041_d3d173dcdf8501c40676463b11a6cfb4" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>